کرملین: پوتین د اوکراین د جګړې په اړه له مکرون سره خبرو ته چمتو دی
کرملین وايي، د روسیې ولسمشر ولادیمیر پوتین د اوکراین د جګړې په اړه د فرانسې له ولسمشر اېمانوېل مکرون سره د خبرو اترو لپاره چمتووالی ښودلی دی.
کرملین وايي، د روسیې ولسمشر ولادیمیر پوتین د اوکراین د جګړې په اړه د فرانسې له ولسمشر اېمانوېل مکرون سره د خبرو اترو لپاره چمتووالی ښودلی دی.
د روسیې د ولسمشر ویاند دیمیتري پېسکوف د یکشنبې په ورځ د دولتي خبري اژانس «ریا نووستي» سره په مرکه کې ویلي، پوتین «له مکرون سره د خبرو لپاره خپله لېوالتیا څرګنده کړې ده».
پېسکوف زیاته کړې: «که متقابل سیاسي اراده موجوده وي، نو دا به یو مثبت ګام وي.»
دا څرګندونې وروسته له هغې کېږي، چې د فرانسې ولسمشر اېمانوېل مکرون په دې اوونۍ کې وویل، اروپا باید د اوکراین د جګړې د پای ته رسولو لپاره له پوتین سره بیا اړیکه ټینګه کړي.
