هغه زدهکوونکي چې د تېرې نومبر میاشتې په وروستیو کې د وسلهوالو له لوري له نایجیر ایالت نه تښتول شوي وو، ۱۳۰ هغه یې بېرته خوشې شول. د نایجیریا چارواکو ویلي، چې له دې سره د وسلهوالو له بنده ټول تښتول شوي زدهکوونکي راخلاص شوي دي.
تر دې وړاندې د نومبر په ۲۱مه په مرکزي نایجیریا کې وسلهوالو له ۳۰۰ ډېر زدهکوونکي او د ښوونځي ۱۲ کارکوونکي وتښتول، چې له دې ډلې ۵۰ زدهکوونکي خپله له تښتوونکو تښتېدلي وو او ۱۰۰ نور د حکومت په هڅو خوشې شوي وو.
له هغه وروسته (د لېندۍ په ۲۷مه) هم ناپېژاندو وسلهوالو د نایجیریا کوګي ایالت کې له یوې کلیسا ۱۳ عبادت کوونکي وتښتول. ځایي چارواکو هغه مهال ویلي و، وسلهوالو لومړی پر کلیسا برید وکړ چې له امله یې ۴ کسان وژل شوي او ۱۰ نور ټپیان دي.
