په لندن کې دوه افغانان د همجنس‌ګرایانو کورونو ته د ننوتلو او غلا په تور په بند محکوم شول

په غزه کې د روغتونونو ډاکټران وایي، چې د ناروغانو د ژوند ژغورلو لپاره اړین درمل بشپړ ختم شوي.

سره له دې چې په سیمه کې جګړې بندې شوي، خو د بشري مرستو رسونه له اړتیا سره سم نه‌ده شوې. د روغتیا وزارت په غزه کې د بېړنۍ مرستې ترڅنګ د درملو، لابراتوار ټېسټونو او وینې بانک د توکو د ژر تر ژره برابرولو غوښتنه کړې ده.

د الجزیرې د راپور له‌مخې، د جګړې پر مهال د اسراییلي پوځ له‌خوا په غزه کې د ۳۴ روغتونونو په ګډون ۱۲۵ روغتیايي مرکزونه په بشپړ ډول تخریب شوي دي.

همدارنګه د اوربند د موافقې له‌مخې، پرون له اسراییلي توقیف څخه ۶ فلسطینی بندیان د دېرالبلح روغتون ته رسول شوي، خو لا هم له ۱۰ زرو زیات فلسطیني بندیان د اسراییلي زندانونو په حبس کې دي.

د امریکا د کډوالۍ ادارې فاکس نیوز ته ویلي، له هغه وخت راهیسې چې ټرمپ ولسمشر شوی، تر ۱۴ زرو ډېرې د کډوالۍ قضیې د ملي امنیت او درغلیو د اندېښنو له امله د امریکا د کډوالۍ ادارې ته راجع شوې دي. د دې قضیو له ډلې ۱۸۲ یې یا تایید شوي او یا هم مشکوک دي او د ملي امنیت خطرونه بلل شوي دي.

د دې ادارې د درغلیو د کشف او ملي امنیت ریاست په راپور کې راغلي، چې له ۱۹ زره څخه ډېرې د درغلیو قضیې څېړل شوې او نږدې ۶۵ سلنه کې درغلي ثابته شوې ده. دغه راز، زرګونه میداني لیدنې ترسره شوي او د احتمالي کډوالو لسګونه زره د ټولنیزو رسنیو حسابونه هم ارزول شوي دي.

د امریکا د کډوالۍ ادارې مشر جوزف بي اېډلو ویلي، دغه اداره د «امریکا لومړی» تګلارې پر بنسټ د کډوالۍ نظام ته نظم، امنیت او حساب‌ورکونه بېرته راګرځولې او د امریکا د وګړو ګټې یې لومړیتوب ګرځولې دي.

په همدې لړ کې، د امریکا د کورني امنیت وزارت د تابعیت ازموینه هم سخته کړې ده. د نویو بدلونونو له‌مخې، د پوښتنو شمېر زیات شوی او د بریالیتوب لپاره د سمو ځوابونو شرط له شپږو څخه ۱۲ ته لوړ شوی دی.

چارواکي وایي، دا اقدامات د ټرمپ د هغه انتخاباتي ژمنې برخه ده چې د پخواني ولسمشر جو بایډن د «ناکامو کډوالۍ تګلارو» د اصلاح لپاره یې کړې ده. د کورني امنیت وزیرې کریسټي نوم ویلي، حکومت به خپلې هڅې تر هغه وخته جاري ساتي چې د امریکا پولې بشپړ خوندي شي او ناقانونه کډوالۍ مهار نه‌شي.

د امریکا ولسمشر ډونالډ ټرمپ د یکشنبې په ورځ د لوزیانا ایالت والي جېف لېنډري د ګرینلنډ لپاره د خپل ځانګړي استازي په توګه وټاکه.

د ټرمپ دغې پرېکړې یو ځل بیا د ډنمارک او ګرینلنډ نیوکې راپارولې دي.

ټرمپ بیاځلي ولسمشرۍ ماڼۍ ته له رسېدو سره سم د ګرینلنډ سیمې ته سترګې نیولې دي، ځکه له معدني زېرمو بډایه سیمه ده.

د یادونې وړ ده، چې ګرینلنډ د شمالي امریکا په لویه وچه کې موقعیت لري، خو له سیاسي پلوه د ډنمارک تر واک لاندې یوه خودمختاره سیمه ده.

هېګسټ ویلي، د امریکا مخنیوی‌کوونکی سیاست (بازدارندګي) به په بېلابېلو برخو کې ټینګ شي؛ که هغه د هېواد په پولو کې وي، که د «طلایي ګنبد» دفاعي سیستم له لارې او که د هغو پوځي عملیاتو په بڼه چې نوموړي د «نیمه‌شپې چکش» په نوم یاد کړل.

د امریکا د جګړې وزیر همداراز ټینګار کړی، چې ایران د دغو اقداماتو پیغام ترلاسه کړی او واشنګټن به د نشه‌يي توکو د قاچاق پر ضد د سمندري بېړیو پر وړاندې او همداراز د یمن د حوثي وسله‌والې ډلې پر ضد خپلو پوځي اقداماتو ته دوام ورکړي.

هغه زیاته کړه، چې د دغو عملیاتو هدف د نړۍوالو سمندري لارو بیا پرانیستل او د سوداګریزو بېړیو خوندي تګ‌راتګ ټینګول دي.

هېګسټ دا څرګندونې په داسې حال کې کوي، چې امریکا د سیمې او نړۍ په بېلابېلو برخو کې د خپلو پوځي حضور او دفاعي ستراتیژیو د بیا ارزونې بهیر پیل کړی دی.

خو منتقدان وایي، دا پرېکړه به په نړۍواله کچه د امریکا اعتبار کمزوری کړي.

د رویټرز د راپور له‌مخې، د امریکا د بهرنیو چارو وزارت د هغو ډېپلوماټانو د نوملړ له خپرولو ډډه کړې چې بېرته غوښتل شوي دي. د دغه وزارت یوه لوړپوړي چارواکي د نوم نه ښودلو په شرط د دوشنبې په ورځ رویټرز ته وویل، چې دا اقدام «په هره اداره کې یو عادي بهیر» دی، خو منتقدان دا ادعا ناسمه بولي.

یاد چارواکي وویل: «سفیر د ولسمشر شخصي استازی وي او دا د ولسمشر حق دی چې ډاډ ترلاسه کړي چې په بېلابېلو هېوادونو کې داسې کسان لري چې د امریکا لومړی اجنډا پر مخ یوسي.»

د موضوع له جزییاتو خبر کسانو ویلي، چې شاوخوا ۳۰ لوړپوړي ډېپلوماټان د هغو کسانو له ډلې دي چې ورته واشنګټن ته د ستنېدو امر شوی. د دوی په وینا، دغه ډېپلوماټان په هغو کوچنیو هېوادونو کې ګومارل شوي وو، چې هلته په دودیز ډول د امریکا تر ټولو لوړ استازی د بهرني خدمت له مسلکي کارکوونکو څخه وي؛ هغه کسان چې له کوم سیاسي ګوند سره تړاو نه‌لري.

یو بل امریکایي چارواکي زیاته کړې، چې بېرته غوښتل شوي ډېپلوماټان هڅول شوي چې د بهرنیو چارو وزارت دننه دې نوې دندې ولټوي.