له کلونو انتظار وروسته ۱۴۱ افغان پناه‌غوښتونکي له پاکستان څخه جرمني ته ولېږدول شول

د ننګرهار ولایت لپاره د طالبانو د امنیه قومندانۍ په خبرپاڼه کې ویل شوي، چې محمد ابراهیم صدر د هبت‌الله اخوندزاده د ځانګړې لارښونې له‌مخې دغه ولایت ته سفر کړی او په ترڅ کې یې د هبت‌الله اخوندزاده فرامین، حکمونه او لارښوونې چې تر ډېره په‌کې د نشه‌يي توکو کر، کارونې او قاچاق او همداراز له کاري دخالت څخه مخنیوی، د سیرت او صورت جوړول، د قومیت، ژبې او سمت پالنې څخه ډډه کول او له ولس سره د ښو اړیکو جوړول شامل و، شریکې کړې دي.

ابراهیم صدر په دې غونډه کې چې په شاهي ماڼۍ کې جوړه شوې وه، ولس یووالي ته راوباله او زیاته یې کړه: «که د ولس او نظام ترمنځ اعتماد او باور وي، نو دښمن هېڅکله اختلاف نه‌شي رامنځته کولی».

صدر د دغه ولایت له طالبانو وغوښتل چې د تغییر او تبدیل پر مهال اړوند وسایل وسپاري، یونیفورم مراعات کړي، له خیالي تشکیل څخه مخنیوی او همداراز باید د دندو پر مهال له ځیرک موبایل څخه استفاده ونه‌کړي.

نوموړي د مشرتابه اطاعت او ځينې نور موارد هغه عوامل ياد کړل چې په ترڅ کې يې اسلامي نظام حاکم شوی او سپارښتنه يې وکړه چې اوس د مسوولیت او ستر امتحان په وخت کې هم همدې برخو ته پاملرنه وشي

د یادونې وړ ده، چې له څه مودې راهیسې ابراهیم صدر د ښې حکومتولۍ، د همغږۍ د رامنځته کولو او د هبت‌الله د اوامرو د عملي کېدو په نوم ولایتي سفرونه پیل کړي او لا هم دوام لري، خو لا تر اوسه په کره توګه روښانه نه‌ده، چې دغه چاره یوازې د ښې حکومتولۍ لپاره دي، که هبت‌الله غواړي په دغه ډول سفرونو سره د خپل نفوذ ساحه پراخه کړي.

د هرات ښار له دریو شپو وروسته نن د دوشنبې په شپه بېرته روښانه شو. د طالبانو تر واک لاندې د برېښنا شرکت اعلان وکړ، چې د رباط سنګي ولسوالۍ په بندر بغرچر سیمه کې د درنو واورو له امله د برېښنا پرې شوي مزي یې په لنډمهاله بېرته ونښلول.

طالبانو ویلي، چې د برېښنا د پرې شوي مزي نښلول د سختو اقلیمي شرایطو، سړي هوا او درنو ورښتونو له امله وځنډېدل.

طالبانو وړاندې ویلي و، چې د ترکمنستان په همکارۍ یې سیمې ته د مزو د لنډمهاله نښلونې لپاره سیمنټي ستنې لېږدولې دي، خو د پرله پسې ورښتونو، سړې هوا او د مناسبې لارې نشتوالي سیمې ته د تجهیزاتو لېږد او تخنیکي چارې سختې کړې دي.

د افغانستان برېښنا شرکت ویلي، چې وارداتي برېښنا د لېږد مزو د اساسي ترمیم او دوامداره نښلونې لپاره یې ګړندۍ هڅې روانې دي او ډیر ژر به برېښنا په دایمي او باثباته ډول بېرته فعاله شي.

د ترکیې انادولو خبري اژانس په خپل راپور کې ویلي، چې د ترکیې د ملي استخباراتو سازمان له خوا عملیاتو کې د نیول شوي کس نوم محمد ګورین دی او د یحی په نوم مشهور و.

نیول شوي کس د داعش په روزنیزو کمپونو کې فعاله ونډه درلوده او ورو ورو لوړ مقام ته رسیدلی و او د ځانمرګو بریدونو د ترسره کولو مسول و.

په راپور کې نیول شوی کس تورن یاد شوی او وايي، چې نوموړي منلي ، چې په افغانستان، پاکستان، ترکیه او اروپا کې یې پر ملکي وګړو بریدونه کړي دي.

په راپور کې د امنیتي سرچینو په حواله ویل شوي، چې نیول شوي کس له ترکیې څخه د افغانستان ـ پاکستان سیمو ته سفر کړی و او په پاکستان د داعش پر پټنځاینو بریدونو کې ژوندی پاتې شوی و.

په راپور کې د یحی د نیول کېدو د مشخص ځای او سیمې یادونه نه ده شوې او دا هم نه ده څرګنده چې د ترکیې د ملي استخباراتو سازمان سره په یادو عملیاتو کې سیمه ییزو ځواکونو هم ونډه لرله او که نه.

سرچینو ویلي، چې نیول شوی کس ابو یاسر الترکي په نوم د داعش غړي سره په ګډه فعالیت کاوه،

ابو یاسر الترکي هم څه موده وړاندې د افغانستان او پاکستان ترمنځ سیمه کې تر نیول کېدو وروسته ترکیي ته انتقال شو.

د طالبانو ۲۱۵ عزم قول اردو نه نن دوشنبه په اېکس کې لیکلي، چې د یادې قول اردو له نظامي مدرسې څخه ۱۴۰ تنه له دیني زده کړو فارغ شول.

په دې غونډه کې د طالبانو د هلمند علماوو شورا مشر هم د هبت الله پر اطاعت د ټینګار ترڅنګ ویلي، چې ددې ډلې نظام د ساتلو لپاره کار وکړي.

د طالبانو د ۲۱۵ عزم قول اردو قوماندان په داسې حال کې په هر نظامي مرکز کې د مدرسو له شته والي پرده پورته کوي، چې د طالبانو له بیا ځلې واک ته رسېدو سره دې ډلې په هر ولایت کې جهادي مدرسې هم جوړې کړې دي.

د افغانستان انټرنشنل یو څېړنیز راپور کې ویل شوي، چې دې ډلې په ارګ کې هم مدرسه جوړه کړې ده.

که څه هم طالبانو د نجونو پرمخ ښوونځي او پوهنتونونه تړلي دي خو یو شمېر نجونو اوس مدرسو ته مخه کړې ده او هلته یوازې دیني زده کړې کوي.

د یادونې وړ ده، چې طالبانو شاوخوا ۲۳ زره دیني مدرسې جوړې کړې دي.

د سره صلیب په راپور کې ویل شوي، چې طبیعي پېښو او افغانستان ته د ډېر شمېر کډوالو ستنېدو د بشري اړتیاوو شدت نور هم زیات کړی دی.

سره صلیب ویلي، چې په ۲۰۲۵ کال کې زلزلو، وچکالۍ، سېلابونو او اقلیمي بدلونونو حاصلات ویجاړ کړي، کورنۍ بېځایه شوې او کورونه او مهمې زیربناوې زیانمن شوي دي.

د سره صلیب د راپور له مخې، په افغانستان کې بشري ننګونې د اقتصادي بې ثباتۍ، اقلیمي ستونزو، بېځایه کېدو، اقتصادي بندیزونو او د نړیوالو د ښکېلتیا کمېدو له امله رامنځته کېږي.

سره صیلب نړیوالي کمیټې د ژمي موسم له پیل کېدو سره له شدیدې سړې هوا او بېوزلۍ سره د مخ میلیونونه افغانانو په اړه ژوره اندېښنه ښودلې او وايي، چې په افغانستان کې د بشري وضعیت کابو کولو او معیشت رغولو لپاره بیړنیو مرستو ته جدي اړتیا ده.