په سویلي افریقا کې د ډزو په پېښه کې نهه کسان وژل شوي او لس نور ټپیان دي
د سویلي افریقا د جوهانسبرګ د سویل لوېدیځ په یوه ښارګوټي کې سهار وختي د ډزو په پېښه کې نهه کسان وژل شوي او لس نور ټپیان دي. ځایي پولیسو د پېښې پخلی کړی او ویلي یې دي، چې د پېښې ټپیان روغتون ته لېږدول شوي.
د پولیسو په وینا؛ دغه پېښه د شرابو یوه پلورنځي کې هغه مهال رامنځته شوه، چې شاوخوا ۱۲ ناپېژاندو وسلهوالو د دغه پلورنځي پر ساتونکو ډزې وکړې. د شمېرو له مخې؛ سویلي افریقا کې د ورځې شاوخوا ۶۰ کسان په ورته پېښو کې وژل کېږي.
