د طالبانو عدلیې وزیر دوه ورځې وړاندې د کابل په دارالامان کې د امام حسین علمي ـ فرهنګي مرکز تړلی دی. سرچینو افغانستان انټرنشنل ته وویل، چې دغه مرکز د شاهمردان د تېلو ټانک تر شا موقعیت درلود، شرعي قباله او د فعالیت رسمي جواز یې درلود .
سرچینو افغانستان انټرنشنل ته وویل، چې دغه مرکز د یکشنبې په ورځ د طالبانو د عدلیې وزیرعبدالحکیم شرعي په امر تړل شوی دی.
د ځایي سرچینو په وینا، یاد مرکز چې د حجتالاسلام والمسلمین مبشر په نامه یو تن تر څار لاندې فعالیت کاوه، د فعالیت قانوني جواز درلود او خپلې علمي، فرهنګي او تعلیمي چارې یې په رسمي ډول پر مخ وړلې.
یاد مرکز د کابل په لوېدیزه برخه کې د شیعه فرهنګي فعالو مرکزونو له ډلې شمېرل کېده.
د طالبانو عدلیې وزارت تر اوسه په دې اړه څرګندونې نه دي کړې.
