طالبان: په بلخ کې څه باندې ۴ میلیونه افغانۍ د معلولینو پر کورنیو وېشل شوې دي

AP ۱۴۰۴ مرغومی ۳ ۱۸:۰۲ GMT

د بلخ ولایت د طالبانو د شهیدانو او معلولینو اداره وایي، چې د اسلامي رفاه موسسې په همکارۍ یې ۴ میلیونه او ۳۰ زره افغانۍ د شهیدانو او معلولینو پر ۱۰۰ مستحقو کورنیو وېشلي، چې هرې کورنۍ ته ۴۰ زره او ۳۰۰ افغانۍ ورکړل شوې دي.

تر دې وړاندې د طالبانو دغه وزارت ویلي و، چې له رفا خیریه موسسې سره یې د ۵۳ زره او ۴۲۰ ډالرو په ارزښت د همکارۍ هوکړه‌لیک لاسلیک کړی، چې له‌مخې به یې په فاریاب کې ۱۰ معلولینو ته مساپر وړونکې ریکشې او ۵۰ کونډو او یتیمانو ته د خیاطۍ ماشینونه ووېشل شي.

•

د تخار پخوانی امنیه قوماندان جنرال اکرام الدین سریع په تهران کې ترور شوی

AP ۱۴۰۴ مرغومی ۳ ۱۷:۰۰ GMT

سرچینو افغانستان انټرنشنل ته ویلي، چې د تخار پخوانی امنیه قوماندان او د طالبانو مخالف جنرال اکرام الدین سریع نن ماښام نامعلومو کسانو د تهران په ولیعصر ښارګوټي کې په ډزو وژلی او یو بل ملګری یې ټپي شوی دی. د سریع کورنۍ تر اوسه د دې پېښې په اړه څه نه دي ویلي.

سرچینې وايي، چې پر نوموړي د تهران په ولیعصر ښارګوټي کې له مېلمستون نه د وتلو پرمهال ډزې شوې او یو بل تن هم ورسره وژل شوی دی.

د سرچینې په وینا، جنرال سریع روغتون ته پر لاره سا ور کړې او مړی یې دمګړۍ په روغتون کې دی.

اکرام‌الدین سریع د تخار د پولیسو پخوانی قوماندان و او د طالبانو تر واکمنېدو وروسته ایران ته تللی و.

هغه د ۱۴۰۳ کال په لړم میاشت کې د لنډ وخت لپاره ایراني ځواکونو نیولی و او وروسته یې بېرته خوشی کړی و.

طالبان وايي چې د ۱۲ زره متقاعدینو اسناد یې ارزولي دي

AP ۱۴۰۴ مرغومی ۳ ۱۶:۰۰ GMT

د طالبانو ماليې وزارت ویلي، چې د ۳۰ ادارو ۱۲ زره متقاعدین د تقاعد وړ بلل شوي. د طالبانو د مالي وزارت ویاند ویلي، چې د یادو کسانو اسناد ارزول شوي‌ او د ځینو ادارو متقاعدینو خپل حقوق ترلاسه کړي هم دي.

د طالبانو د مالیې وزارت ویلي، چې څلور میاشتې وړاندې یې د متقاعدینو د اسنادو د ارزونې لړۍ پیل کړې او تردې مهاله د ۳۰ ادارو ۱۲ زره متقاعدین د تقاعد وړ پیژندل شوي دي.

د طالبانو د مالي وزارت ویاند عبدالقیوم نصیر وايي:«د متقاعدینو د حقوقو د ورکړي پروسې له پیله تردې مهاله د ۳۰ ادارو متقاعدین په پنځو کټګوریو کې اعلان شوي دي. د ۱۲ زره متقاعدینو اسناد پروسس شوي او د یو شمېر ادارو متقاعدینو خپل حقوق ترلاسه کړي دي.»

د طالبانو د مالیې وزارت ویلي، چې متقاعدینو ته د معاشونو د ورکولو لړۍ به تر هغو دوام لري تر څو ټولو ته خپل حقوق ورسیږي.

دا په داسې حال کې ده چې د طالبانو د مالیې وزارت د لېندۍ پر ۲۵مه اعلان کړی و، چې د مرغومي میاشتې تر ۲۰مې نیټې به په نوبتي ډول د مالیې وزارت، برېښنا شرکت، د ښاري اوبو رسونې کانالیزاسیون عمومي ریاست، د کار او ټولنیزو چارو وزارت، ملي ټلویزیون ریاست او کورنیو چارو وزارت د معتقاعدینو معاشونه ورکړي.

ایران په دوغارون پوله کې د افغانانو ګوتې او سترګې بایومتریک کوي

AP ۱۴۰۴ مرغومی ۳ ۱۵:۵۰ GMT

ایراني چارواکي وايي، چې د هېواد په کچه یې د لومړي ځل لپاره د بهرنیو اتباعو د بایومتریک سیسټم په دوغارون کې فعال کړی. د بایومتریک ازموینو په ترڅ کې د افغانانو د ګوتو نښې، د سترګو عنبیه او د څېرې معلومات ثبتېږي، چې له ایستلو وروسته یې بېرته ایران ته د داخلېدو مخه ونیول شي.

د ایران د خراسان رضوي ولایت د امنیتي او انتظامي چارو مرستیال امیرالله شمقدري ویلي، چې د دې طرحې د تطبیق لومړني پړاوونه د روان کال په اوړي کې په بریالیتوب سره بشپړ شوي دي.

د هغه په وینا، دغه پروژه د خراسان رضوي ولایت او تایباد ولسوالۍ د ټولو اجرایي او امنیتي ادارو په همغږۍ عملي شوې ده.

شمقدري زیاته کړه چې د بایومتریک سیسټم پلي کېدل به د دوغارون له رسمي لارې ایران ته د بهرنیو اتباعو د داخلېدو او وتلو په تنظیم کې مهم رول ولوبوي.

نوموړي وویل، چې دوغارون د افغانانو د تګ راتګ تر ټولو مهمه پوله ده، چې له همدې امله د دې طرحې اهمیت په دې سیمه کې څو برابره دی.

د خراسان رضوي د والي مرستیال همدارنګه وویل چې دا بایومتریک سیسټم به ډېر ژر د ایران په نورو سیمو کې هم فعال شي، چې د ټولو بهرنیو وګړو تګ راتګ په بشپړه توګه وڅارل شي.

هغه دا هم وویل چې د غیرقانوني افغان کډوالو بېرته ستنېدل د دوغارون له لارې د اړوندو ادارو په همغږۍ روان دي او چارې په عادي ډول پر مخ ځي.

د معلوماتو له مخې، د بایومتریک ازموینو په ترڅ کې د افغانانو د ګوتو نښې، د سترګو عنبیه او د څېرې معلومات ثبتېږي، چې له ایستلو وروسته یې بېرته ایران ته د داخلېدو مخه ونیول شي.

د خوړو نړیوال پروګرام په جوزجان کې پر زرګونو کورنیو خوراکي مرستې ووېشلې

AP ۱۴۰۴ مرغومی ۳ ۱۵:۴۳ GMT

د ملګرو ملتونو د خوړو نړیوال پروګرام(ډبلیو ایف پي)وایي، چې په جوزجان ولایت کې یې د خپلو همکارو بنسټونو په همکارۍ د ژمي د سړې هوا تر رارسېدو وړاندې شاوخوا ۱۴زره کسانو ته خوراکي مرستې وېشلې دي.

د یاد بنسټ د معلوماتو له مخې، په دغو مرستو کې غنم، دال او مغذي خوراکي توکي شامل دي، چې د زیانمنو او اړمنو کورنیو ترمنځ وېشل شوي دي.

د خوړو نړیوال پروګرام ټینګار کړی، چې هره مرسته د خلکو په ژوند کې مهم بدلون راولي او له کورنیو سره مرسته کوي چې د افغانستان سخت ژمی وزغمي او ماشومان یې له خوارځواکۍ خوندي پاتې شي.

د مرستندویه ادارو په وینا، افغانستان دا مهال د بشري ناورین له جدي ګواښ سره مخ دی او په ځانګړي ډول د ژمي له رارسېدو سره، د خوړو او لومړنیو اړتیاوو کمښت د خلکو ستونزې لا پسې زیاتې کړې دي.

د خوړو نړیوال پروګرام وايي، دا ډول بیړنۍ مرستې د زرګونو کورنیو د بقا لپاره حیاتي ارزښت لري او هڅې روانې دي چې مرستې لا پراخې او دوامدارې شي.

محمود خان اڅکزی: افغانان چې په کومه بې عزتۍ اېستل کیږي دا یوازې کرکې ډېروي

AP ۱۴۰۴ مرغومی ۳ ۱۵:۲۵ GMT

د پښتونخوا ملي عوامي ګوند مشر محمود خان اڅکزي خبرداری ورکړی چې د افغان کډوالو جبري او په بې عزتۍ ایستل د افغانستان او پاکستان ترمنځ کرکه او نفرتونه لا ډېروي. نوموړي پر پاکستاني پوځ غږ وکړ چې د دغو اقداماتو پایلې وارزوي.

اڅکزي د چارشنبې په ورځ، د مرغومي درېیمه، د پاکستان د پخواني صدراعظم عمران خان د خوشې کېدو په تړاو جوړې شوې دوه ورځنۍ ناستې ته د وینا پر مهال وویل، ډېری افغان ماشومان په پاکستان کې زېږېدلي، همدلته لوی شوي او زده‌کړې یې کړې دي، خو اوس په سپک او غیر اخلاقي ډول له هېواده ایستل کېږي، چې دا چاره به جدي منفي پایلې ولري.

نوموړي پر پاکستاني پوځ غږ وکړ چې د دغو اقداماتو پایلې وارزوي او زیاته یې کړه: «یو هېواد چې له چین سره له شک او اندېښنو سره مخ وي، له هند سره په جګړه کې وي، او بیا غواړي افغانستان د پنځمې صوبې په توګه تصور کړي؛ دا امکان نه لري. که دا لاره تعقیب شي، نو پایله به یې یوازې تباهي وي».

د محمود خان اڅکزي څرګندونې په داسې حال کې دي چې نږدې درې میاشتې کېږي د پاکستان پولیسو د دغه هېواد په بېلابېلو ښارونو کې د افغان کډوالو پر ضد د پلټنو، نیونو او جبري ایستلو پراخ عملیات پیل کړي دي. همداراز د دواړو هېوادونو ترمنځ لارې تړل شوې دي، چې دې وضعیت د بشري او سیاسي اندېښنو کچه لوړه کړې ده.

•

د تخار پخوانی امنیه قوماندان جنرال اکرام الدین سریع په تهران کې ترور شوی

AP ۱۴۰۴ مرغومی ۳ ۱۷:۰۰ GMT

د سرچینې په وینا، جنرال سریع روغتون ته پر لاره سا ور کړې او مړی یې دمګړۍ په روغتون کې دی.

اکرام‌الدین سریع د تخار د پولیسو پخوانی قوماندان و او د طالبانو تر واکمنېدو وروسته ایران ته تللی و.

هغه د ۱۴۰۳ کال په لړم میاشت کې د لنډ وخت لپاره ایراني ځواکونو نیولی و او وروسته یې بېرته خوشی کړی و.

طالبان: په بلخ کې څه باندې ۴ میلیونه افغانۍ د معلولینو پر کورنیو وېشل شوې دي

د هبت الله له فرمان څخه نافرماني؛ شهاب الدین دلاور خپل زوم په سره میاشت کې ګومارلی

جرمني په کابل کې طالبانو ته یو بل مجرم افغان سپارلی دی

د کانګرس غړي: د افغانانو د پناه‌غوښتنې درېدلې لړۍ بیا فعالولو لپاره به عملي ګامونه واخلو

خواجه اصف: د طالبانو تر واک لاندې ترهګرۍ نه نړیوال او ملګري ملتونه هم اندېښمن دي

د بایډن زوی د افغانستان په تړاو د خپل پلار پر تګلارو نیوکې وکړې

د تخار پخوانی امنیه قوماندان جنرال اکرام الدین سریع په تهران کې ترور شوی

طالبان وايي چې د ۱۲ زره متقاعدینو اسناد یې ارزولي دي

ایران په دوغارون پوله کې د افغانانو ګوتې او سترګې بایومتریک کوي

د خوړو نړیوال پروګرام په جوزجان کې پر زرګونو کورنیو خوراکي مرستې ووېشلې

محمود خان اڅکزی: افغانان چې په کومه بې عزتۍ اېستل کیږي دا یوازې کرکې ډېروي

د تخار پخوانی امنیه قوماندان جنرال اکرام الدین سریع په تهران کې ترور شوی

طالبان وايي چې د ۱۲ زره متقاعدینو اسناد یې ارزولي دي

ایران په دوغارون پوله کې د افغانانو ګوتې او سترګې بایومتریک کوي

د خوړو نړیوال پروګرام په جوزجان کې پر زرګونو کورنیو خوراکي مرستې ووېشلې

محمود خان اڅکزی: افغانان چې په کومه بې عزتۍ اېستل کیږي دا یوازې کرکې ډېروي

ترویج لرونکی

د هبت الله له فرمان څخه نافرماني؛ شهاب الدین دلاور خپل زوم په سره میاشت کې ګومارلی

جرمني په کابل کې طالبانو ته یو بل مجرم افغان سپارلی دی

د کانګرس غړي: د افغانانو د پناه‌غوښتنې درېدلې لړۍ بیا فعالولو لپاره به عملي ګامونه واخلو

خواجه اصف: د طالبانو تر واک لاندې ترهګرۍ نه نړیوال او ملګري ملتونه هم اندېښمن دي

د بایډن زوی د افغانستان په تړاو د خپل پلار پر تګلارو نیوکې وکړې