منصور احمد خان: که خلک د طالبانو حکومت رانسکور کړي اسلام‌اباد به یې حکومت په رسمیت وپېژني

شاه محمود میاخېل د پنجشنبې په ورځ (د مرغومي ۴مه) پر اېکس پاڼه په تهران کې د جمهوري نظام د یوه جنرال اکرام الدین سریع او قومندان الماس پر ترور خواشیني ښودلې او دا پېښه یې په ایران کې د مېشتو افغانانو لپاره د اندېښنې وړ یاده کړې ده.

نوموړي ټینګار کړی: «ایراني چارواکي باید د دوی د قتل په اړه رڼې څیړنې وکړي او عوامل یې باید روښانه کړي».

په ورته وخت کې پخواني لوی څارنوال محمد فرید حمیدي هم دا پېښه غندلې او زیاته کړې یې ده: «دا پیښه باید د ایران د چارواکو او مسوولو امنیتي، استخباراتو، عدلي او قضایي ادارو له‌خوا په بشپړ دقت او بې طرفۍ سره وڅېړل شي او په شفاف ډول خلکو ته معلومات ورکړل شي».

سرچینو افغانستان انټرنشنل ته د چهارشنبې په ورځ ویلي، چې د طالبانو مخالف جنرال اکرام الدین سریع د تهران په ولیعصر ښارګوټي کې د نامعلومو کسانو په ډزو کې وژل شوی او یو بل ملګری یې ټپي شوی دی.

پر نوموړي د تهران په ولیعصر ښارګوټي کې له مېلمستون څخه د وتلو پرمهال ډزې شوي او یو بل تن هم ورسره وژل شوی دی.

د سرچینې په وینا، جنرال سریع روغتون ته پر لاره سا ور کړې ده. اکرام‌الدین سریع په څو ولایتونو کې امنیه قومندان پاتې شوی او د طالبانو له واکمنېدو وروسته ایران ته تللی و.

هغه د ۱۴۰۳ کال په لړم میاشت کې د لنډ وخت لپاره ایراني ځواکونو هم نیولی او وروسته یې بېرته خوشی کړی و.

منظور پښتین د پنجشنبې په ورځ (د مرغومي ۴مه) ویلي، چې په دې جګړه کې د پي‌ټي‌اېم فعال غړی مرشد داوړ او د مقتدر داوړ پلار هم ټپيان شوي دي.

د نوموړي په خبره، په ټانک سیمه کې پر یوې مدرسې د ډرون برید په پایله کې ۹ ماشومان ټپیان شوي او د سویلي وزیرستان په اعظم ورسک کې د ډاکټر عبدالرحمان پر کور په توغنديز برید کې دوه ښځې او درې ماشومان هم سخت ټپیان شوي دي.

پښتین زیاته کړې، چې په مرکزي کرم، سنګروبي، ګلي شنګ او میداني سیمو کې د پوځ «د دروغجنو پوځي عملیاتو» په پلمه پښتانه له کورونو اېستل شوي او جبري کډوالۍ ته اړ کړای شوي دي.

نوموړي د تحریک انصاف اړوند پر ځايي حکومت نیوکه کړې، چې پر وینو لړو ښځو، ماشومانو، ټپیانو او روانو ظلمونو په اړه یې تر اوسه ان د خواشینۍ اعلامیه هم نه‌ده خپره کړې.

هغه ویلي: «د تحریک انصاف صوبايي حکومت په ډېر شور دا دعوه کوي چې هېڅ عملیات نه‌کیږي».

نوموړي د پوځ له‌خوا د عامو پښتنو پر وژنې د خلکو ګوند د والي ملاتړ هم غندلی دی: «یوازې دا نه،بلکې نور سیاسي ګوندونه هم چې کله واک ته رسېدلي، هر ځل یې د دغو دروغجنو، ظالمانه او جابر پوځي عملیاتو ښکاره ملاتړ کړی دی».

پښتین ویلي، چې د پاکستان پوځ د پښتنو په خاوره کې «ترهګر» رامنځته کړل او پر له‌پسې یې پر پښتنو او خاوره ظلمونه او عام وژنه کړې ده.

منظور زیاته کړې، چې پي‌ټي‌اېم د غږ پورته کولو پر مهال د پوځ او یو شمېر سیاسي ګوندونو له مخالفت سره مخ شوی او نږدې هره ورځ يې غړي زنداني کیږي.

هغه ټینګار کړی، چې د دردېدلو پښتنو ترڅنګ به ولاړ وي او هېڅ کله حوصله له لاسه نه‌ورکوي.

«موږ که څه هم له ستونزو سره مخ یو، خو حوصله نه‌بایلو. د ظلم او دښمن پر وړاندې به سخت ګامونه پورته کړو».

په ورته وخت کې د ملي ډېموکراټیک غورځنګ مشر مُحسن داوړ هم په خپله اېکس‌پاڼه په میرعلي سیمه کې د پوځ کړنې غندلي او زیاته کړې یې ده، چې له همدې کبله د سیمې اوسېدونکي له سخت کړاو سره مخ دي.

نوموړي د رسنیو او سیاسي قوتونو چوپتیا هم د اندېښنې وړ بللې ده.
د یادونې وړ ده، چې لا تر اوسه د یادو پېښو له امله د اوښتې مرګ ژوبلې په تړاو څه نه‌دي ویل شوي.

د پاکستان پوځ د عامه اړیکو ادارې په خپره شوې خبرپاڼه کې ویلي، چې د چارشنبې په ورځ امنیتي ځواکونو د خیبرپښتونخوا د ډېره اسماعیل خان ولسوالۍ د کلاچي په سیمه کې عملیات کړي، چې په پایله کې یې د تحریک طالبان پاکستان (ټي‌ټي‌پي) دوه غړي ووژل شول.

د خبرپاڼې له مخې، له وژل شویو کسانو یو تن «دلاور» نومېده، چې د ټي‌ټي‌پي له لوړپوړو قوماندانانو څخه بلل کېده او د یادې ډلې د یوې مهمې کړۍ مشري یې کوله.

پاکستانی پوځ وایي، دلاور د امنیتي ادارو له‌خوا تر تعقیب لاندې و او د هغه د نیولو لپاره د پاکستان حکومت څلور میلیونه روپۍ جایزه ټاکلې وه.

په یوه بله جلا خبرپاڼه کې د پاکستان پوځ د عامه اړیکو ادارې ویلي، چې په همدې ورځ یې امنیتي ځواکونو د بلوچستان ایالت د کلات په سیمه کې یو بل عملیات هم کړی، چې په ترڅ کې یې ۸وسله‌وال وژل شوي دي. د یاد پوځ په وینا، په دې عملیاتو کې وژل شوي کسان د بلوچستان د ازادۍ پوځ(بي ایل ای) پورې تړاو لري.

پاکستاني طالبانو او بلوڅ وسله والو په دې اړه تراوسه څه نه دي ویلي.

شرعي دغه څرګندونې د حریت په نامه د طالبانو له یوې راډیو سره په مرکه کې کړې دي، چې د روان لمریز کال د جدي پر څلورمه خپرې شوې.

دا په یوه اونۍ کې د هغه دویمه مرکه ده چې د طالبانو د رسنیو له لارې خپریږي.

د افغانستان انټرنشنل د راپورونو پر بنسټ، څو ښاریانو، شرکتونو او بنسټونو د عدلیې وزیر د ځمکې په غصب، باج‌ اخیستنې او له خپلو صلاحیتونو نه په ناوړه استفادې تورن کړی دی.

په یوه شکایت کې ویل شوي چې شرعي څو ټوټې ځمکه د خپلې کورنۍ د غړو په نوم ثبت کړې ده. همدارنګه د « نوي کابل » پروژې په تړاو هم ویل شوي چې شپږ ټوټې ځمکه یې د «اوکسین اریانا» شرکت نه اخیستې ده.

سرچینې وايي چې ځینې ځمکې یې د خپلې مېرمنې، اولادونو او خویندو په نامه ثبت کړې دي.

همدارنګه ویل شوي چې وزیر د پکتیا په تیراکنډو کې یو تجارتي مارکېټ په زور تړلی او قرارداد یې خپلو نږدې کسانو ته ورکړی دی.

شرعي ویلي چې لویه ستونزه د ځمکو په اړه د اسنادو نشتوالی دی، ځکه د تېرو جګړو له امله ډېر اسناد له منځه تللي دي او کمیسیون یوازې د مکتوبي اسنادو پر اساس تصمیم نیسي. د هغه په وینا، که اسناد جعلي وي یا قانوني ثبت ونه لري، هغه ځمکه «امارتي» ګڼل کېږي.

د طالبانو د عدلیې وزیر ویلي چې په تېرو څلورو کلونو کې د هديرو لپاره ځانګړي ځایونه ټاکل شوي او د هر ډول استعمال لپاره یې د طالبانو د مشر اجازه ضروري ده.

هغه ویلي چې که ځمکه غصب وي، نه د مسجد جوړېدل پرې جایز دي او نه د مړو ښخول.

شرعي ادعا کړې چې ځینو خیریه بنسټونو د پیسو له راټولولو سره سره لازم خدمات نه دي وړاندې کړي.

هغه ویلي چې دغو بنسټونو ته وخت ورکړل شوی چې حسابونه او اسناد وړاندې کړي او که تخلف ثابت شي، قانوني چلند به ورسره وشي.

سرچینې وايي چې د وزیر د فشارونو له امله څو خیریه بنسټونو خپل فعالیتونه بند کړي دي.

د پنجشنبې په ورځ د طالبانو د اطلاعاتو او فرهنګ وزارت د ګرځندوی، مالي او ادارې چارو معینیت اړوند توریزم او هوټلدارۍ انسټیټوټ له لومړۍ دورې څخه ۲۷ محصلان فارغ شول.

د طالبانو د اطلاعاتو او کلتور وزیر شبیر احمد حقاني د یادې فراغت غونډې پرمهال ویلي، چې د ګرځندوی صنعت وده او پیاوړتیا ته لومړیتوب ورکوي.

نوموړي د بهرنیو سیلانیانو پر تود هرکلي ټینګار کړی او وايي، بهرني سیلانیان باید د افغانانو له مېلمه پالنې متاثره شي.

شبیراحمد حقاني ویلي:«ګرځندوی په نورو هېوادونو کې د اقتصاد مهمه برخه ده او موږ هم باید ورته چمتو واوسو. هغه ګرځندویان چې افغانستان ته راځي د هغوی دې ښه هرکلی وشي».

نوموړي ویلي، چې بهري ګرځندویان له افغانستان څخه تر تګ وروسته باید د افغانانو او “نظام” له ښه چلند څخه رضایت ولري.

نوموړي زیاته کړې:« سیلانیان زموږ او ستاسو مېلمانه دي، هغه که مسلمانان وي او یا غیرمسلمان وي.»

دغه طالب چارواکي پرداسې مهال له بهرنیو سیلانیانو سره پر ښه چلند ټینګار کړی، چې یادې ډلې پر افغانانو سخت بندیزونه لګولي دي.

طالبانو په افغانستان کې عامه پارکونواو تفریحي ځایونو ته د ښځو پر تګ او یوازې سفر کولو سخت محدودیتونه وضع کړي دي.

په ورته مهال یو شمېر ښځینه بهرني سیلانیانو له افغانستان څخه تر تګ وروسته د طالبانو د چلند په اړه خپلې تجربي هم پر ټولنیزو رسنیو شریکې کړې دي. یو شمېر بهرنیو ښځینه سیلانیانو ویلي، چې طالب جنګیالو د نورو مزاحمتونو ترڅنګ ورته د واده وړاندیزونه هم کړي دي.