د امریکا سترې محکمې د رحمان الله لکڼوال قضیه ایالتي محکمې ته ولېږدوله

طالبانو نن د پنجشبې په ورځ، د مرغومي څلورمه، په هرات ولایت کې د ۳،۹۸ میلیارده افغانیو په ارزښت د برېښنا د څلورو پروژو چارې پیل او پنځه نورې یې ګټنې اخیستنې ته وسپارلې.

په یادو پروژو کې له ترکمنستان څخه د ۱۳۰ کیلومتره په اوږدوالي د ۲۲۰ کیلوولټ لین غځول او په کرُخ، پښتون زرغون اوبې او چشت شریف ولسوالی کې د څلورو سب سټېشنونو جوړول شامل دي.

د طالبانو تر واک لاندې د افغانستان برېښنا شرکت ویلي، چې د یادو پروژو له لارې ۴۰ زره کورنیو ته پرېښنا رسول کېږي او همدارنګه په نویو پیل شویو پروژو کې د پُل هاشمي سبسټېشن جوړول، د ۲۴ حوت شهیدانو سبسټېشن پراختیا، د نورالجهاد سبسټېشن د بې لین ایجاد او د پُل هاشمي، نورالجهاد او د ۲۴ حوت شهیدانو سبسټېشنونو ترمنځ د برېښنا انتقالي لین غځول شامل دي.

د برېښنا شرکت رییس عبدالباري عمري ویلي:«د هرات کرخ، پښتون زرغون، اوبې او چشت شريف ولسواليو لپاره د برېښنا څلورو سبسټېشنونو چارې سل سلنه بشپړې شوې دي. دلته زرګونو کورونو ته د لومړي ځل لپاره برېښنا برابرېږي. موږ د هرات ولسونو ته ډاډ ورکوو، چې د دې پروژو په بشپړېدو سره به ستاسو د برېښنا پارچاوۍ له منځه ځي.»

پر همدغه مهال د طالبانو د ریاست الوزرا اقتصادي مرستیال ملا عبدالغني برادر د برېښنا یادې پروژې د افغانستان د صنعتي او اقتصادي ودې لپاره مهمې بللې دي او وايي، چې په دې سره به د هرات ولایت د صعنتي پارکونو لپاره د ۲۴ ساعته برېښنا برابرېدو ترڅنګ سوداګریز مرکزونه، کلیوالي سیمې او استوګنیز مرکزونه هم له برېښنا څخه برخمن او د باثباته برېښنا خاوندان شي.

عبدالغني برادر زیاته کړې چې « برېښنا د ننني عصر د هر اړخیر پرمختګ لویه اړتیا ده، دې اړتیا ته اسلامي امارت له ستراتیژیک لوري کتلي او ځکه خو په کم خت کې د ډېرو پروژو د پرانیستې شاهدان شوو.»

نوموړي ویلي، چې د سړکونو جوړوونکو پانګوالو لپاره پنځه کلن مالیاتي معافیت او دوامداره برېښنا ورکول کېږي.

یاد وزارت د ام سي سي کمپنۍ او د کانونو او پټرولیم وزارت ترمنځ درې اړخیز ګډ کاري هوکړه لیک د دې پروژې د عملي کیدو لپاره اړین بللی دی.

د طالبانو د اطلاعاتو او فرهنګ وزارت د هنر او فرهنګ معیین ټینګار کړی، چې د تاریخي او فرهنګي اثارو ساتنه باید د تخنیکي اصولو له مخې ترسره شي.

بل خوا، د چینايي ام سي سي کمپنۍ مسوولینو ویلي چې د طالبانو د اطلاعاتو او فرهنګ وزارت له تخنیکي ټیم سره به په بشپړه همغږي او نږدې همکارۍ خپلې چارې پر مخ وړي.

جنرال اکرام الدین سریع او د هغه ملګری امین الماس د چارشنبې په ماښام، د مرغومي پر درېیمه ، په تهران کې د ولي‌عصر ښارګوټي په مرکز کې په یوه وسله‌وال برید کې ووژل شول.

جنرال سریع د طالبانو تر واکمنېدو وروسته ایران ته پناه وړې وه.

هغه د پخواني حکومت له امنیتي ځواکونو سره په ایران کې نږدې اړیکې درلودې او د طالبانو مخالف و.

دا په تهران کې دویمه پېښه ده چې پخواني افغان جنرالان او سرتېري پکې په نښه کیږي.

له دې وړاندې معروف غلامي، چې له اسماعیل خان سره یې نږدې اړیکې درلودې، په مشهد کې په خپل دفتر کې ووژل شو. تر دې دمه د ایران پولیسو په دې اړه رسمي تحقیقات یا د پلټنو پایلې نه دي خپرې کړي.

د افغانستان د ازادۍ جبهې دا برید «غیرانساني، جنایتکارانه او ترهګریز» ګڼلی او طالبان یې د دې پېښې مسوول ګڼلي دي.

جبهې له ایران غوښتنه کړې چې له نړیوالو قوانینو سره سم د پخوانیو افغان نظاميانو د خونديتوب لپاره بېړني اقدامات وکړي، عاملان یې پیدا او محاکمه کړي.

محمد محقق جنرال سریع نېک نومه جنرال یاد کړی او د هغه وژنه یې ناځوانمردانه عمل بللی.

د جمعیت اسلامي لوړ پوړی غړي نورالرحمن اخلاقي او د افغان اردو پخواني جنرال سمیع سادات د هغه د وژنې تور پر طالبانو پورې کړی او پر ایران یې غږ کړی، چې د پخوانیو نظامیانو امنیت خوندي کړي.

د احمد مسعود په مشرۍ ملي مقاوت جبهې هم له ایران وغوښتل چې د جنرال اکرام‌الدین سریع ترور په بشپړه شفافه، جدي او خپلواکه توګه وڅېړي.

خو منتقدان وايي، چې تر اوسه د افغانستان دوو پخوانیو ولسمشرانو حامد کرزي او محمد اشرف غني، چې وژل شویو قوماندانانو یې په مشرۍ او د ملي بیرغ تر سیوري لاندې د جګړې او امنیت لیکې رهبري کولې، غبرګون نه دی ښودلی.

دواړه ولسمشران وخت ناوخته د افغانستان اړوند مسایلو، مړینو او پېښو په اړه اعلامیې ور کوي، خو تر دې دمه د دواړو پخوانیو ولسمشرانو پر ټولنیزو شبکو په دې اړه څه غبرګون نه دی خپور شوی.

د طالبانو د سترې محکمې په وینا، دغه سزاوې د روانې اونۍ په بېلابېلو ورځو کې په کاپیسا، کونړ، کابل او فاریاب ولایتونو کې تطبیق شوې دي.

د یادې محکمې په خبرپاڼه کې راغلي، چې د شنبې په ورځ په کاپیسا ولایت کې پنځو کسانو ته، د یکشنبې په ورځ په کونړ کې ۱۷ کسانو ته، د دوشنبې او سې شنبې په ورځو په کابل کې ۱۵ کسانو ته او د چارشنبې په ورځ په فاریاب ولایت کې یوه کس ته سزا ورکړل شوې ده.

د معلوماتو له مخې، یادو کسانو ته له درې میاشتو څخه تر دوو کلونو پورې د بند او له لسو څخه تر ۳۰ د درو وهلو سزاوې ټاکل شوې دي. د طالبانو سترې محکمې د دغو کسانو د جرمونو د نوعیت په اړه ویلي چې یاد کسان د «منکراتو، غلا، زنا» او نورو جرمونو په تور تورن شوي وو.

طالبانو له بیا واکمنېدو وروسته په بېلابېلو ولایتونو کې په درو د وهلو او نورو بدني سزاوو تطبیق زیات کړی او دا هغه څه دي چې د بشري حقونو د کورنیو او نړیوالو بنسټونو او مدافعانو له پراخو نیوکو سره مخ دي.

د بشري حقونو سازمانونه وایي، چې دا ډول سزاوې د نړیوالو بشري حقونو له اصولو سره په ټکر کې دي او د خلکو کرامت ته زیان رسوي.

طالبان ټینګار کوي چې د دوی قضایي پرېکړې د شریعت پر بنسټ عملي کېږي.

د تاجکستان د ملي امنیت کمېټې له افغانستان څخه د ور اوښتو وسله والو په برید کې د دوو تاجکستاني سرتیرو وژل کېدو په اړه سخت غبرګون ښودلی او وايي، چې طالبانو له تاجکستان سره پر پوله د امنیت په خوندیتوب کې اغیزناک اقدامات نه دي کړي.

د تاس اژانس د رپوټ له مخې، یاده کمېټه وايي، چې طالبانو په خپلو نړیوالو ژمنو کې او له تاجکستان سره پر پوله د امنیت او ثبات ټینګښت په اړه په پرله پسې توګه جدي او تکراري بې مسوولیتي ښودلې ده او د ترهګرو ډلو د غړو پر ضد د مبارزې ژمنې یې نه دي پوره کړې.

پر همدغه مهال د تاجکستان پوله ساتو ځواکونو ویلي، هیله لري چې طالبان د تاجکستان له ولس نه بښنه وغواړي او د پولې خوندي کولو لپاره به اضافي اغیزناک اقدامات وکړي.

د راپورونو له مخې، تېره ورځ درې تنه وسله وال له افغانستان نه تاجکستان ته په غیر قانوني ډول اوښتي دي او په شمس الدین شاهین ولسوالۍ کې یې پر تاجکستاني ځواکونو برید کړی او دوه تنه تاجکستاني سرتیري یې وژلي او وروسته یاد وسله وال هم د تاجکستاني ځواکونو له خوا وژل شوي دي.

دا په داسې حال کې ده، چې تېره میاشت هم د افغانستان له خاوري په تاجکستان کې پر چینايي وګړو دوه ځله بریدونه وشول، چې له امله یې پنځه چینايان ووژل شول او پنځه تنه نور ټپیان شول.

طالبانو له یادو بریدونو وروسته اعلان وکړ، چې د افغانستان په شمالي سرحدي ولایتونو کې د امنیت ټینګښت په موخه ۱۰۰۰ کسیزه ځانګړې قطعه جوړوي.