د طالبانو د لوړو زده کړو وزارت وايي، چې یاد وزارت په ټول هېواد کې له دیني مدرسو څخه ۲۷ زره فارغانو د ازموینې بهیر په کندهار کې پیل شوی دی. دوی وايي، چې دا ازموینه به د شپږو ورځو په موده کې واخیستل شي.
د طالبانو د لوړو زده وزارت نن شنبه، د مرغومي ۶مه په اېکس خواله رسنۍ کې لیکلي، چې دغه ازموینې چې شپږ ورځې به دوام وکړي، ددې ډلې د لوړو زده کړو وزیر ندا محمد ندیم د ازموینو له بهیر څخه د څارنې په موخه کندهار ولایت ته سفر وکړ.
نوموړي په خپله وینا کې ویلي، چې هغوی ته یې د ازموینې په پروسه کې د شفافیت ډاډ ورکړی دی.
ندا محمد ندیم ویلي، چې د دې ازموینې موخه د فاضلانو ارزونه ده، چې واقعي فاضلان معلوم او درجه بندي وشي.
د طالبانو لوړو زدهکړو وزارت د جمعې ورځ د مرغومي پر ۵مه پر اېکس خواله رسنۍ کې ددې وزارت د وزیر ندامحمد ندیم غږیزې څرګندونې خبرې کړي دي.
ندیم د طالبانو د مدرسو له مسوولینو غوښتنه کړې، چې د لوړو زده کړو او پوهنې وزارتونو د ازموینې پرته نشي کولی د مدرسو فارغینو ته په خپل سر ممتاز ولیکي او د مدرسې په سند کې به تقدیر د وزارتونو د ازموینې پر اساس لیکل کېږي.
د طالبانو د لوړو زده کړو وزیر وویل، چې د جعلي سندونو مخه نیول کېدو لپاره دا اقدامات شوي دي او د مدرسو له مسوولینو څخه یې غوښتنه کړې، چې له دې وروسته هغه سندونه منل کېږي، چې د لوړو زده کړو او پوهنې وزارتونو په ډیټابېسونو کې ثبت وي.
د یاونې وړ ده، چې له دې وړاندې د طالبانو دیني مدرسو په خپل سر ازموینې اخیستې او بیا به یې د خپلو اوصولو له مخې ټول ممتاز اعلانول خو په دې چارې سره کېدلی شي چې ددې خپلسریو مخه ونیول شي.
