د عراق لومړی وزیر: امریکا په بغداد کې له ایران سره د خبرو اترو لپاره موافقه کړې ده

مارک کارني په دې لیدنه کې اعلان وکړ، چې کاناډا به ۲.۵ میلیارد ډالر اقتصادي مرسته اوکراین ته ځانګړې کړي.

کاناډا ته د زېلېنسکي سفر تر هغې وروسته ترسره شو، چې نوموړي د جمعې په ورځ له مارک کارني سره ټلیفوني خبرې کړې وې. زېلېنسکي په یوه بیان کې ویلي، چې د کاناډا لومړي وزیر هغه د امریکا له‌خوا د اوکراین د جګړې د پای ته رسولو لپاره د روانو ډیپلوماتیکو هڅو په اړه خبر کړی دی.

د کاناډا لومړي وزیر هم د مذاکراتو په بهیر کې د اوکراین د ملاتړ یادونه کړې او ټینګار یې کړی، چې پر روسیې باید خبرو ته د حاضرېدو لپاره فشار زیات شي.

ټاکل شوې ده، چې زېلېنسکي د یکشنبې په ورځ د امریکا له ولسمشر ډونالډ ټرمپ سره په لیدنه کې د اوربند لپاره د ټرمپ د ۲۰ ماده‌ییز پلان او اوکراین ته د امنیتي تضمینونو د ورکړې په اړه خبرې وکړي.

هغه زیاته کړه، چې په دې لیدنه کې به د یو «اقتصادي تړون» په اړه هم بحث وشي او اوکرایني لوری به په‌کې «ځمکنۍ یا ارضي مسلې» هم مطرح کړي.

مسکو ټینګار کوي، چې اوکراین باید له هغو پاتې سیمو څخه هم لاس واخلي، چې لا هم د دونباس په سیمه کې د اوکراین تر کنټرول لاندې دي؛ خو اوکراین دا غوښتنه رد کړې ده.

روسیې د لوهانسک د سیمې ډېره برخه او د دونتسک شاوخوا ۷۰ سلنه نیولې ده؛ دا هغه دوې سیمې دي، چې دونباس جوړوي.

زېلېنسکي د همدې اوونۍ په پیل کې ویلي و، چې دی چمتو دی څو د سولې د یوه پلان د برخې په توګه د اوکراین ځواکونه د دې هېواد د ختیځ له صنعتي زړه څخه وباسي؛ خو یوازې په هغه صورت کې چې روسیه هم شاتګ وکړي او دا بې‌وسلې سیمه وګرځي او د نړۍوالو ځواکونو تر څار لاندې وي.

زېلېنسکي د جمعې په ورځ وویل، چې د امریکا او اوکراین ترمنځ یو احتمالي تړون ۹۰ سلنه بشپړ شوی او زیاته کړې یې ده، چې ځمکنۍ مسلې د سولې په دغو خبرو کې تر ټولو لوی خنډ دي. هغه وویل: «زموږ موخه دا ده، چې دا کار ۱۰۰ سلنې ته ورسوو، خو دا اسانه نه ده.»

په همدې حال کې د کرملېن ویاند ډیمیتري پېسکوف د جمعې په ورځ خبریالانو ته وویل، چې د روسیې د ولسمشر د ځانګړي استازي او امریکایي استازو تر وروستۍ لیدنې وروسته هوکړه شوې، چې خبرې به دوام ومومي.

مسعود پزشکیان د شنبې په ورځ (د مرغومي ۶مه) د رهبرۍ (خامنه‌يي) رسنۍ سره په ځانګړې مرکه کې وویل، پر ایران د اسراییل بیا ځلي برید ته به په ټول قوت سره ځواب ورکړي او زیاته یې کړه، چې له ۱۲ ورځنۍ جګړې را وروسته ډېر قوي شوي دي.

پزشکیان همداراز ویلي: «اوس د ځواکونو او تجهیزاتو له اړخه له خپلو ټولو مشکلاتو سره سره د تېر ځل د [اسراییل] د برید پر تله ډېر قوي یو، نو که وغواړي بیا ځلي برید وکړي طبیعتاً له قاطع ځواب سره به مخ شي».

هغه څرګنده کړه: «د هغوی [اسراییل] هیله دا ده او په خپلو خبرو کې یې هم ویلي چې باید په کور دننه یوه پېښه رامنځته شي، څو دوی وکولی شي، راشي او بیا مداخله پیل کړي».

د ایران ولسمشر په دې مرکه کې په ډاګه کړې، که چېرې ایرانیان سره یو موټی واوسي، نو اسراییل به ناهیلی شي.

د «Greening the Blue» کلني راپور له مخې د ۲۰۱۹ کال راهیسې د شنوخونو ګازونو په خپریدو کې شاوخوا ۳۰ سلنه کموالی راغلی دی.

په راپور کې د چاپېریال ساتنې او د دوامداره مدیریت په برخه کې د ملګرو ملتونو پر لاسته راوړنو ټینګار شوی.

د ملګرو ملتونو د چاپېریال شنه کول، هغه نوښت او کلنی راپور دی چې د دغه سازمان د چاپېریالي اغېزو د کمولو هڅې ارزوي. په دې راپور کې د ملګرو ملتونو د ادارو د شنوخونو ګازونو خپریدل، د انرژۍ مصرف، د اوبو کارونه، فاضله مواد او د دوامداره پرمختګ نورې برخې څېړل کېږي، تر څو د اقلیم بدلون پر وړاندې د سازمان د پرمختګ کچه وښيي.

د بهرنیو چارو وزارت ویاند عبدالقهار بلخي له خوا په ایکس خپره کړې خبرپاڼه کې راغلي، چې په یاد برید کې لسګونه بې‌ګناه کسان شهیدان او ټپیان شوي دي.

خبرپاڼه کې د سوریې له حکومت او ولس سره د ژورې خواخوږۍ او تسلیت څرګندونه شوې ده.

په خبرپاڼه کېټينګار شو، چې پر ملکي وګړو او دیني ځایونو بریدونه نه شي توجیه کېدای او دا ډول کړنې د انسانیت له بنسټیزو ارزښتونو سره په ټکر کې دي.

نن د ډسمبر ۲۷ د «د وباوو پر وړاندې د نړیوال چمتووالي ورځ» ده. ملګري ملتونه ټینګار کوي چې وباګانې د بشري ژوند، اقتصادي پرمختګ او ټولنیزو خدمتونو پر وړاندې جدي ګواښونه دي، او د هغو د مخنیوي، چمتوالي او نړیوالې همکارۍ له پاره باید هر اړخیز اقدامات وشي.

د ملګرو ملتونو له خوا په خپره شوې خبرپاڼه کې راغلي، د کروناویروس (COVID-19) وبا څرګنده کړه چې لویې ناروغۍ کولی شي روغتیايي نظامونه له حد زیات فشار لاندې کړي، نړیوالې عرضه‌يي لارې ګډوډې کړي، او د ښځو، ماشومانو او د بې وزلو هېوادونو د خلکو ژوند ته جدي زیان ورسوي.

په خبرپاڼه کې ټینګار شوی چې د وباوو په وړاندې د چمتووالي لپاره پیاوړي او مقاومت لرونکي روغتیايي نظامونه ضروري دي او د ملي، سیمه‌ییز او نړیوالو هڅو همغږي، د معلوماتو تبادله، علمي پوهه، غوره تجربې، او د پوهاوي پروګرامونه باید د وباوو د مخنیوي او کنټرول لپاره عملي شي.

د ملګرو ملتونو سیسټم، په ځانګړي ډول د روغتیا نړیوال سازمان (WHO)، په دې برخه کې اساسي رول لري او د هېوادونو، سیمو او نړیوالو هڅو ملاتړ کوي.

همدارنګه په خبرپاڼه کې راغلي چې حکومتونه، اړوند سازمانونه او ټولنې باید په وباګانو کې د ټول شموله ګډون، د جنسیتي نظر په پام کې نیولو او د زیان منونکو خلکو ځانګړې پاملرنې ته ژمن پاتې شي.

ملګرو ملتونو په دغه خبرپاڼه کېټولو غړو هېوادونو، نړیوالو او سیمه‌ییزو ادارو، غیر دولتي سازمانونو، علمي موسسو او شخصي سکتور ته بلنه ورکړې چې د وباوو د چمتوالي نړیواله ورځ د تعلیم او پوهاوي له لارې په ملي شرایطو او لومړیتوبونو سره هر کال ولمانځي.