دوستم: وخت مه ضایع کوئ ځکه طالبان نه خبرې اترې او نه هم ډېپلوماسي پېژني
د ملي جنبش ګوند مشر عبدالرشید دوستم وایي، چې د طالبانو حکومت د سقوط په حال کې دی. هغه زیاته کړې، چې له طالبانو سره کوم هېوادونه تعامل لري ددې ډلې د ترهګرۍ له ماهیت څخه خبر دي.
د ملي جنبش ګوند مشر عبدالرشید دوستم وایي، چې د طالبانو حکومت د سقوط په حال کې دی. هغه زیاته کړې، چې له طالبانو سره کوم هېوادونه تعامل لري ددې ډلې د ترهګرۍ له ماهیت څخه خبر دي.
د طالبانو یو شمېر مخالفو سیاستوالو نن یکشنبه، د مرغومي پر ۷ نېټه په انلاین ډول د تخار د پخواني امنیه قوماندان جنرال اکرام الدین سریع فاتحه وکړه.
دې انلاین ناستې د ملي جنبش ګوند مشر عبدالرشید دوستم وویل، د هغه هدف د طالبانو نسکورول دي، نه د واک لاسته راوړل.
نوموړي ټینکار وکړ، چې له دې ډلې سره مقابله یوازې د زور او فشار له لارې ممکنه ده.
دوستم زیاته کړه، چې دوی د داسې شرایطو راوستلو په لټه کې دي، چې ځوانان واک ته ورسیږي.
هغه وویل، چې «وخت مه ضایع کوئ، طالبان نه خبرې اترې او نه هم ډېپلوماسي پېژني».
په دې انلاین ناسته کې د طالبانو مخالفو ډلو مشرانو له ایران څخه وغوښتل، چې تخار د پخواني امنیه قوماندان جنرال اکرام الدین سریع د ترور په اړه شفافې څېړنې وکړي.
دا په داسې حال کې ده، چې په تهران کې د تخار د پخواني امنیه قوماندان او د طالبانو د مخالف جنرال اکرامالدین سریع ترور پراخ غبرګونونو راپارولي دي.
جنرال اکرامالدین سریع د چارشنبې په ورځ په تهران کې خپل کور ته نږدې د مخ پټو وسلهوالو لهخوا ترور شو.
