د بنګلهدېش پخوانۍ لومړۍ وزیره او د دغه هېواد لومړۍ ښځینه صدراعظمه خالده ضیا د ورپېښې ناروغۍ له امله د ۸۰ کلونو په عمر ومړه. د هغې ګوند بنګلهدېش نشنلېسټ (BNP) ویلي، چې نوموړې له سختو روغتیایي ستونزو کړېدله.
خالده ضیا په ۱۹۹۱کال کې د بنګلهدېش د لومړۍ ښځینه لومړۍ وزیرې په توګه واک ته ورسېده او د شیخ حسینې سخته سیاسي سیاله وه، چې د دغه هېواد پر سیاست یې ژور اغېز کړی و.
نوموړې په ۲۰۰۶کال کې له واکه ګوښه شوه؛ خو له زندان او کورني بند سره، سره یې لا هم د خپل ګوند او پلویانو پراخ ملاتړ لاره. خالده ضیا د بنګلهدېش په سیاسي تاریخ کې د یوې اغېزمنې او جنجالي څېرې په توګه پېژندل کېده.
