د ایران ولسمشر مسعود پزشکیان د ډونالد ټرمپ د څرګندونو په غبرګون کې چې «که ایران بد چلند وکړي، د امریکا راتلونکی برید به له ۱۲ورځنۍ جګړې هم سخت وي»، ویلي، « ایران به هر ظالمانه تېري ته سخت، پرېکنده او پښیمانوونکی ځواب ورکړي».
ټرمپ چې د اسراییل له لومړي وزیر سره یې په خبري غونډه کې خبرې کولې، وویل چې که ایران د توغندیز او اټومي پروګرامونو بیا رغونه وکړي، له سخت ځواب سره به مخ شي.
ټرمپ وویل: «ما ورته وویل چې توافق وکړئ، توافق وکړئ. هغوی ونه منل، خو اوس زما خبره مني، ما اورېدلي چې هغوی د نورو سایټونو جوړولو په لټه کې دي، هغوی به هغه نقطې ته چې مخکې وو، نه ستنېږي، خو نور ځایونه شته چې هغوی پرې کار کولی شي، او که داسې وکړي دا به یوه لویه تېروتنه وي.»
