ایران د کاناډا شاهي سمندري ځواک د ترهګر سازمان په توګه اعلان کړ

د طالبانو مرستیال ویاند حمدالله فطرت د سې‌شنبې په ورځ (د مرغومي ۹مه) زیاته کړې، د ایران د رېل پټلۍ اداره غواړي د افغانستان له لارې رېل پټلۍ ته پراختیا ورکړي.

د نوموړي په خبره، د ایران د دې ادارې مشر جبار علي ذاکري له ملا برادر سره په لیدنه کې د رېل پلټۍ پروژې د ښه تطبیق‌ په موخه د ګډې کمېټې د جوړېدو غوښتنه وکړه.

فطرت زیاته کړې: «د ایران د رېل پټلۍ ادارې مشر غواړي د افغانستان له لارې رېل پټلۍ ته پراختیا ورکړي. څو د افغانستان د ستراتیژيک موقعیت څخه په استفادې د چین او اروپا سره وصل شي.»

ملا برادر په دې لیدنه کې ویلي، چې د همدې پروژې د ارزښت په اړه یې درې کاله وړاندې د ایران مرستیال ولسمشر ته خبر ورکړی و او اوس هغه هم د ګډې کميټې د عملي کار د ژر پيلېدو غوښتنه کړې.

د عربي اماراتو د دفاع وزارت په یوه بیان کې ویلي، دا پرېکړه د یمن د وضعیت د وروستیو بدلونونو له هر اړخیزې ارزونې وروسته په داوطلبانه ډول شوې ده.

د اماراتو رسمي خبري اژانس «وام» د دفاع وزارت له قوله راپور ورکړی، چې دغه اقدام د وروستیو سیاسي او پوځي پرمختګونو په رڼا کې شوی دی.

بیان زیاتوي، که څه هم متحده عربي اماراتو لا په ۲۰۱۹ کال کې خپل ډېری پوځي ځواکونه له یمن څخه اېستلي وو، خو د ترهګرۍ ضد ځینې ځانګړي واحدونه لا هم هلته فعال پاتې وو.

دا اعلان وروسته له هغه کېږي، چې د یمن د مشرتابه شورا مشر رشاد العلیمي له متحده عربي اماراتو سره د ګډ دفاعي تړون د لغوه کېدو اعلان وکړ.

د عربي رسنیو د راپورونو له‌مخې، العلیمي ویلي چې په یمن کې مېشت ټول اماراتي ځواکونه باید د ۲۴ ساعتونو په موده کې له هېواد څخه ووځي.

هغه همداراز اعلان کړی، چې د یمن په ټولو بندرونو او همدارنګه پر ځمکنیو او بحري لارو به د ۷۲ ساعتونو لپاره بشپړه هوايي، ځمکنۍ او بحري محاصره ولګول شي.

راپورونه وايي، دا پرېکړې په داسې وخت کې شوي چې د سعودي عربستان په مشرۍ پوځي اېتلاف په یمن کې محدود هوايي بریدونه کړي، چې د مکلا بندر هم په‌کې په نښه شوی دی. د سعودي اېتلاف په وینا، دغه عملیات د هغو بهرنیو پوځي مرستو پر ضد وو، چې د اماراتو په ملاتړ سوېلي بېلتون‌غوښتونکې ډلې سدرن ټرانزیشنل شورا (STC) ته برابرې شوې وې.

له دې وړاندې، د سعودي عربستان د بهرنیو چارو وزارت هم په یوه بیان کې له متحده عربي اماراتو غوښتي وو، چې د یمني حکومت د غوښتنې له‌مخې دې د ۲۴ ساعتونو په موده کې خپل ځواکونه له یمن څخه وباسي او له هر ډول پوځي او مالي ملاتړ څخه دې لاس واخلي.

د پولیسو د معلوماتو له مخې، د غلا شویو شتمنیو ارزښت شاوخوا ۳۰میلیونه یورو ته رسېږي.

پولیس وایي، د غلا پر مهال په بانک کې د اور لګېدود خبرتیا سیستم فعال شوی و، چې له امله یې اور وژونکي او د پولیس ځواکونه ودانۍ ته ورسېدل. د پلټنو پر مهال د خزانې خونې ته د ناقانونه ننوتلو نښې ولیدل شوې.

د پولیسو په وینا، غلو د یوې لویې برمې (ډریل) په وسیله ځانونه د بانک د خزانې خونې ته رسولي او هلته یې د امانتونو صندوقونه پرانیستي او لوټلي دي.

ریاض ویلي، دا برید پر داسې بار وړونکي هدف شوی چې د اماراتو له ملاتړه برخمنو وسله والو ته یې وسلې لېږدولې.

دا پېښه تر دې دمه د سعودي او اماراتو ترمنځ د اختلاف تر ټولو لوی پوځي تاوتریخوالی بلل کېږي.

سعودي عربستان او متحده عربي امارات، چې یو وخت د سیمې د امنیت دوه ستنې بلل کېدل، اوس یې ګټې په بېلابېلو برخو کې، له تېلو تر جیوپولیټیک نفوذ پورې، له یو بل سره واټن اخیستی دی.

د اماراتو د دفاع وزارت ویلي، چې دغه هېواد په خپله خوښه په یمن کې د ترهګرۍ ضد ځواکونو ماموریت پای ته رسولی دی.

د اماراتو دولتي خبري اژانس ددغه هېواد د دفاع وزارت له قوله ویلي، دا پرېکړه د وروستیو پرمختګونو له هر اړخیزې ارزونې وروسته شوې ده.

سعودي عربستان د سې ‌شنبې په ورځ وویل، چې ملي امنیت یې «سره کرښه» ده او تور یې پورې کړ چې اماراتو د یمن د جنوب بیلتونپالي هڅولي او عملیات یې د سعودي تر پولو ورسېدل.

اختلافونه هغه مهال لا زیات شول چې اماراتو د جنوبي انتقالي شورا (STC) ملاتړ وکړ، چې د یمن په جنوب کې د خپلواکۍ غوښتنه کوي، په داسې حال کې چې سعودي عربستان د یمن د نړیوالې ټولنې له‌خوا پېژندل شوي حکومت ملاتړ ته دوام ورکړی.

د ایران دولتي رسنیو په وینا، دا مظاهرې چې دایران په تاریخ کې د وروستیو کلونو د بې ثباتۍ پایله ګڼل کیږي، د یکشنبې او دوشنبې په ورځو کې شوې، چې د تهران داسعارو د سترو بازارونو سوداګر هم پکې شامل دي.

مسعود پزشکیان د دوشنبې په ماښام پر خپلې اېکس پاڼې د ایران د کورنیو چارو وزیر نه وغوښتل چې دلاریون کوونکو"قانوني غوښتنو" ته غوږ ونیسي.

بل لور دایران حکومت ویاندې فاطمه مهاجراني ویلي چې د خبرو یو میکانیزم به جوړ شي او د مظاهره چیانو له مشرانو سره به خبرو ته کښیني.

مهاجراني زیاته کړې "موږ مظاهرې په رسمیت پېژنو، موږ د هغوی غږونه اورو او پوهېږو چې دا د خلکو پر ژوند له فشار نه رامنځته شوې دي."

پر ایران د لویدیزو بندیزونو له امله په پرله پسې توګه د بهرنیو اسعارو پر وړاندي د ایراني کرنسۍ ارزښت راکمیږي او د بازار څارونکي وایي چې د دوشنبې په ورځ د ۳۳ امریکایي ډالرو په مقابل کې ریال یو میلیون او ۳۹۰ زرو ته راټیت شو چې دایو ریکارډ حد دی.

پزشکیان پر خپل اکس لیکلي : "موږ د پیسو او بانکدارۍ د سیسټم د اصلاح او د خلکو د پیر ځواک د ساتلو لپاره اساسي اقدامات په اجنډا کې لرو."

ایراني رسنیو خبر ورکړی چې د حکومت د اقتصادي ازادۍ وروستۍ پالیسۍ د ریال د ازاد نرخ پر بازار فشار راوړی دی.

په ۲۰۲۲ کال کې هم ایران کې مظاهرې د بیو د لوړوالي، په ځانګړې توګه د ډوډۍ د بیې په اړه وې.

دغه بې ثباتۍ په ۲۰۲۳ کال کې د یوې ځوانې ایرانۍ کُردې ښځې مهسا امیني له مړینې وروسته چټکې شوې چې د ایران د اخلاقي پولیسو په بند کې یې ساه ورکړه.