ذبیح الله مجاهد: موږ د سوداګرۍ او روغتیا په برخه کې هند ته اړتیا لرو

د شنبې په ورځ د (مرغومې ۱۳مه) طالبانو د فرمانونو او حکمونو د تعقیب او نظارت لوی ریاست له لوري په خپره شوې خبرپاڼه کې ویل شوي چې ملا هبت الله ۱۴ نوي فرمانونه صادر کړي دي. د اعلامیې له مخې، په دوو فرمانونو کې په ځانګړي ډول د خپلمنځي باور او اعتماد پر پیاوړتیا ټینګار شوی او په بل فرمان کې طالبانو ته سپارښتنه شوې چې د یو بل په چارو کې مداخله ونه کړي.

دا په داسې حال کې ده چې په دې وروستیو کې د طالبانو د کورنیو چارو وزیر سراج‌الدین حقاني د خپلو ولایتي سفرونو پر مهال په غیرمستقیم ډول د دې ډلې د مشر پر کړنو او چلند نیوکې کړې وې او د کندهاري طالبانو سخت غبرګونونه یې راپارولي وو. هغوی دغه څرګندونې د امیر په چارو کې لاس‌وهنه بللې وه.

بلخوا، شنونکي په دې باور دي چې په ایران کې د اخوندانو پر ضد ولسي پاڅون د طالبانو د اندېښنو او وېرو سبب شوی او له همدې امله یې د یووالي او اتفاق د ټینګښت هڅې بیا پیل کړې دي.

په ورته وخت کې، د طالبانو ترمنځ د خپلمنځي اختلافاتو او ډلبندیو راپورونه په وار وار خپاره شوي دي.

ددغه وزارت د یوې خبرپاڼې له مخې، په ۲۰۲۵ کال کې د هېواد په کچه د یتیمانو، کونډو او معلولینو د ملاتړ لپاره پراخ مالي پروګرام پلی شوی چې له مخې یې څه باندې ۶ لکه مستحق کسان تر پوښښ لاندې راغلي دي.

د خبرپاڼې پر بنسټ، هر یتیم او کونډې ته په میاشتني ډول ۲۰۰۰ افغانۍ ورکول کېږي، چې موخه یې د یاد قشر د لومړنیو اړتیاوو پوره کول او د هغوی د ژوندانه د ستونزو کمول بلل شوي دي.

یاد وزارت وایي، دغه مرستې د ټولنیز ملاتړ د پالیسیو په چوکاټ کې تنظیم شوې او هڅه کېږي چې مرستې مستحقو کسانو ته په منظم او شفاف ډول ورسېږي.

د طالبانو د عامې روغتیا ادارې راپورونه ښيي چې په ۲۰۲۵ کال کې د نشه‌یي توکو د روږدو کسانو د درملنې پروسه روانه وه او ۳۵۲۲۸ تنه روغ شوي او خپل عادي ژوند ته راګرځېدلي.

په ورته وخت کې، په لویو ښارونو کې ۱۰۶۴۴ تنه تثبیت شوي او راټول شوي، چې حکومت هر یوه فقیر ته دوه زره افغانۍ مالي مرسته ورکوي.

خو څېړونکي ټینګار کوي چې دغه اقدامات د روږدو کسانو د ستونزو لنډمهاله حلونه دي او د بېکارۍ، فقر او اقتصادي محرومیت له امله خلک بیا ژر نشه‌یي توکو ته مخه کوي.

د فعالانو په وینا، که د نشه‌یي توکو د روږدو کسانو درملنه یوازې د درملنې او مالي مرستو پورې محدوده وي، دا کار د ټولنې لپاره دوامداره حل نه ګڼل کېږي او د بېکاري اساسي لامل پاتې کېږي.

شاهدانو رویټرز ته ویلي چې د شنبې سهار وختي کاراکاس کې د الوتکو لوړ غږونه اوریدل شوي او همداراز لږ تر لږه د لوګي یوه نښه هم لیدل شوې ده.راپورونه وایي، چې د کاراکاس په جنوبي سیمه کې یوې سترې پوځي اډې ته نږدې برېښنا هم پرې شوې.

فاکس نیوز راپور ورکړی چې د وینزویلا په پلازمېنه کې ۷چاودنې شوې دي.

د امریکا ولسمشر ډونالډ ټرمپ د مرغومې په ۸مه اعلان وکړ چې وینزویلا کې یې پر یوه بندر برید کړی او هلته یې د نشه‌يي توکو د لېږد لپاره باریدونکې کښتۍ په نښه کړي. دا د امریکا له لوري د وینزویلا پر خاوره لومړنی اعلان شوی برید و چې موخه یې د نیکولاس مادورو حکومت تر فشار لاندې راوستل او له واکه لرې کول بلل شوي دي.

کله چې له ټرمپ وپوښتل شول، چې ایا دا برید د امریکا مرکزي استخباراتي ادارې(سي‌آی‌اې) ترسره کړی، هغه وویل: «نه غواړم په دې اړه څه ووایم».

ټرمپ تر دې وړاندې ویلي وو چې سي‌آی‌اې ته اجازه یې ورکړې، څو په وینزویلا کې پټ عملیات ترسره کړي. هغه تېره اوونۍ هم په یوه راډیويي مرکه کې په مبهم ډول د «وینزویلا پر یوه ستر تاسیساتي مرکز د امریکا د برید» یادونه کړې وه.

د راپور تر لیکلو پورې، د وینزویلا چارواکو په کاراکاس کې د چاودنو او د الوتکو د الوتنې په اړه څه نه دي ویلي.

یاد وزارت د شنبې په ورځ (د مرغومې ۱۲مه) په یوې خبرباڼه کې ویلي چې په بامیان ولایت کې نیول شوی کوډګر د تېرو اوو کلونو راهیسې په دغه ولایت کې د «دم او دوعا» تر نوم لاندې له خلکو څخه ډېرې پیسې اخیستې او د دوی په وینا، د شریعت خلاف کړنې یې ترسره کولې.

د خبرپاڼې له مخې، بل کس یې د بلخ ولایت شولګرې ولسوالۍ کې نیولی دی. د طالبانو یاد وزارت وایي، دواړه کوډګر یې د جادوګرۍ د اعمالو د ترسره کولو پر مهال لاس په لاس نیولي او له لومړنیو څېړنو وروسته یې خپلو عدلي او قضايي بنسټونو ته سپارلي دي.

د طالبانو د امر بالمعروف او شکایتونو اورېدو وزارت تر دې وړاندې هم د ورته کړنو په تړاو د ګڼو کسانو د نیولو خبرونه ورکړي دي.