هند له خپلو وګړو غوښتي چې ایران ته له غیر ضروري سفرونو ډډه وکړي
د هند د بهرنیو چارو وزارت د ایران د روانو ولسي لاریونونو په تړاو له خپلو وګړو غوښتنه کړې چې تر بلې خبرتیا پورې دې ایران ته له غیر ضروري سفرونو ډډه وکړي.
د هند د بهرنیو چارو وزارت د ایران د روانو ولسي لاریونونو په تړاو له خپلو وګړو غوښتنه کړې چې تر بلې خبرتیا پورې دې ایران ته له غیر ضروري سفرونو ډډه وکړي.
یاد وزارت همدارنګه په ایران کې له مېشتو هندي وګړو غوښتي چې د لاریونونو له سیمو لرې پاتې شي، د هند د سفارت خبرونه او ټولنیزې شبکې په دوامداره ډول تعقیب کړي او د اړتیا په صورت کې خپل حضور له سفارت سره ثبت کړي.
راپورونه وایي، روان لاریونونه د تېرې اونۍ له یکشنبې وروسته د تهران د یو شمېر دوکاندارانو له لاریونونو پیل شوي او وروسته په چټکۍ سره نورو ښارونو ته هم غځېدلي دي. دا مهال په ګڼو ښارونو کې معترضان د حکومت ضد شعارونه ورکوي او له اقتصادي او سیاسي وضعیت څخه خپله نارضایتي څرګندوي.
ځینې رسنۍ راپور ورکوي چې د امنیتي ځواکونو د ډزو له امله شاوخوا ۱۷ تنه وژل شوي دي.
