ازادۍ جبهه: طالبانو ته سزا ورکړه خپل دیني او انساني وجیبه ګڼو

د طالبانو تر واکمنۍ لاندې افغاني سرې میاشتې ټولنې د دوشنبې په ورځ (د مرغومي ۱۵مه) په درېیو جلا جلا خبرپاڼو کې ویلي، د خوست په مرکز کې پر ۱۰۰۰ راستنو شویو کورنیو ۷۱ ټُنه خوراکي توکي وېشل شوي دي.

په دې مرستو کې هرې کورنۍ ته ۷۱ کیلو خوراکي توکي ورکړل شوي چې په‌کې اوړه، وریژې، غوړي، بوره، رُب او مکروني شامل دي. له دې سربېر هرې کورنۍ ته د ښځینه‌وو کالي، د سر مینځلو شامپو او نور اړین توکي هم سپارل شوي دي.

له دې سره سم، د پکتیا د مرکز ګردېز په ګډون په زرمت او روحاني بابا ولسوالیو کې له ۱۰۰۰نورو راستنو شویو کورنیو سره ۱۰۰ټُنه د خوراکي او غېر خوراکي توکو مرسته وشوه. دغه مرستې چې د‎ ترکیې سرې میاشتې له لوري برابرې شوي، هرې کورنۍ ته په خوراکي توکو کې ۵۰ کیلو اوړه، ۱۰ کیلو وریژې، ۵ لیټره غوړي، ۱۰ کیلو نخود، ۵ کیلو بوره، ۱۰ کیلو مکروني، ۳ کیلو مالګه، ۳۵۰ ګرامه سرېلاک او په غېر خوراکي توکو کې ۱ کمپله او ۲ بوتله د لوښو مینځلو شامپو ورکړل شوي دي.

دغې ټولنې همداراز د کونړ د څوکۍ ولسوالۍ په بېلابېلو سیمو کې پر ۷۰۰ زلزله‌ځپلو کورنیو څه باندې ۱۰۷ ټُنه خوراکي توکي وېشلي دي.

دغه مرستې هم د ترکیې د سرې میاشتې له لوري برابرې شوي او هرې کورنۍ ته د اوړو، غوړیو، وریژو، بوره، لوبیا، شین چای، مالګه او بېسکېټ په ګډون ۱۵۳ اعشاریه ۳ کیلوګرامه خوراکي توکي او همداراز یوه روغتیايي بسته هم ورکړل شوي دي.

افغاني سرې میاشتې ټولنې زیاته کړې، دا مرسته به د یادو کورنیو د خوراکي توکو د لنډمهاله اړتیاوې پوره کړي.

دغه مرستې په داسې حال کې دي، چې په دې وروستیو کې له ګاونډیو هېوادونو او په ځانګړې توګه له ایران او پاکستان څخه میلیونونه افغان کډوال په زوره اېستل شوي او له ډېریو سره یې لا تر اوسه هېڅ ډول مرستې نه‌دي شوي او له اړوندو چارواکو په دې سړه هوا کې د مرستو غوښتونکي دي.

د طالبانو د کانونو او پټرولیم وزارت د دوشنبې په ورځ (د مرغومي ۱۵مه) د یوې خبرپاڼې په خپرولو سره ویلي، دغه یاقوت چې څه موده مخکې داوطبۍ ته وړاندې شوي و، بالاخره نن د احمد فواد شېرزوی شرکت د داوطلبۍ ګټونکی شو.

دغه شرکت یو کیلو ګرام یاقوت په ۷۰ زره ډالرو وپېرل. په دې بیې سره د دغو یاقوت ټولییز ارزښت ۱۱ میلیونه او ۴۸۰ زره ډالره کېږي.

له دې سره سم، د کابل په شمالي دروازه کې ترلاسه شوي ۱۲۵۵ کیلوګرامه عقیق او ۲۷۲ کیلوګرامه لاجورد هم نن د طالبانو له لوري په یوې داوطلبۍ کې وپلورل شول.

په دې داوطلبۍ کې یو کیلوګرام عقیق پر ۱۱۵ افغانۍ او یو کیلو ګرام لاجورد پر ۱۵۰ افغانیو وپلورل شول.

د یادونې وړ ده، چې د کاني سرچینو ټول عواید مخامخ د دولت خزانې ته ځي او د کاني سرچینو په اړوندو ساحو کې اوسېدونکو لپاره د ژوند هېڅ ډول امکانات نه‌برابرېږي.

په بغلان کې د طالبانو د کلیو، بیارغونې او پراختیا ریاست مسوولینو د دوشنبې په ورځ (د مرغومي ۱۵مه) ویلي، چې د وچکالۍ ځپلو له امله یو شمېر نورې زیانمنې سیمې یې هم مشخصې کړي او ژر به پرې د اوبو رسولو شبکې جوړې کړي.

د دوی په وینا: «زموږ ریاست ټولې زیانمنې ساحې مشخصې کړې دي. په ډېری سیمو کې پروژې روانې دي او هلته چې د اوبو رسولو شبکې یا پروژې په پلان کې شاملې شوې نه دي، د همدې کال په ترڅ کې به یې کارونه پیل شي».

په بغلان کې د طالبانو د کلیو، بیارغونې او پراختیا ریاست مسوولین همداراز وایي چې په روان کال کې د ۱۲۷ میلیونه افغانیو په ارزښت ۲۱ تخریب شوي او ۱۸ نوې د اوبو رسولو شبکې د جوړولو پلان لري.

د اوبو کمښت په افغانستان کې یو له لویو ننګونو څخه ده. څه موده وړاندې د طالبانو د کرنې، اوبو لګولو او مالدارۍ وزارت ویلي و، چې په افغانستان کې د ځمکې لاندې اوبو کچه ټیټه شوې او هېواد د اوبو له کمښت سره مخ دی.

د طالبانو د کرنې، اوبو لګولو او مالدارۍ وزیر عطاءالله عمري د دوشنبې په ورځ (د مرغومي ۱۵مه) ویلي، چې د ځمکو د اجارې د دغه تړونونو له لاسلیک سره به هر کال ۶۷ میلیونه او ۵۰۸ زره افغانۍ د دولت خزانې ته ورجمع شي.

عمري ویلي، چې وړاندې په اجاره د دولتي ځمکو ورکړه د قانون د نشتوالي له امله ځنډېدلې وه.

نوموړي‌ دا د کورنیو او بهرنیو سوداګرو لپاره د پانګونې په برخه کې ښه فرصت ګڼلی.

طالبانو په دې اقدام سره په هېواد کې د کاروبار د زیاتېدو، ځوانانو ته د کاري فرصتونو د رامنځته کېدو، د کورنیو او بهرنیو سوداګرو لپاره د پانګونې زمینې برابرېدو هيله ښودلې او د خپلو عاید د زیاتېدو یوه سرچینه یې یاده کړې.

واک ته د طالبانو له رسېدو را وروسته دغه ډله ادعا کوي، چې د هېواد په بېلابېلو برخو کې یې په میلیونونه جریبه ځمکه له غصب او زورواکو څخه خلاصه کړې؛ خو طالبانو تر اوسه د غصب څخه د خلاصو شویو ځمکو دقیق ارقام نه دي‌ وړاندې کړي.

پنټاګون د دوشنبې په ورځ د افغانستان انټرنشنل د پوښتنې په ځواب کې چې دا الوتکه د «اېم‌کیو–۹ ریپر» ډول دی، وویل چې «په دې اړه کوم معلومات نه‌لري».

دا بې‌پیلوټه الوتکه د پنجشنبې په ورځ (د مرغومي ۱۱مه) غورځېدلې ده. له دې پېښې وروسته د دې الوتکې پاتې شونې انځورونه او ویډیوګانې په ټولنیزو رسنیو کې خپرې شوې، چې په ځینو کې د پېښې په ځای کې د طالبانو حضور هم ښکاري.

طالبانو تر اوسه په رسمي ډول د دې الوتکې د غورځېدو په اړه کوم څرګند نظر نه دی ورکړی.

د ایران رسنیو لیکلي، چې طالبانو دغه بې‌پیلوټه الوتکه ویشتلې ده، خو په امریکا کې د پوځي چارو څېړونکی فرزاد ندیمي باور لري، چې یاده الوتکه د تخنیکي ستونزې له امله غورځېدلې ده.

امریکا له افغانستان څخه تر وتلو وروسته، د دې هېواد د هوايي څارنې لپاره د بې‌پیلوټه الوتکو کارولو ته مخه کړې ده. د امریکا پوځي چارواکو ویلي، چې په افغانستان کې د ترهګرو ډلو د فعالیتونو د څار لپاره پر دغو الوتکو تکیه کوي.

طالبانو منلې ده، چې امریکايي الوتکې د افغانستان هوايي حریم ته ننوځي او دا مهال د فضا د بشپړ کنټرول او د دغو الوتکو سره د مقابلې توان نه‌لري.

د طالبانو ویاند ذبیح‌الله مجاهد مخکې پاکستان تورن کړی و، چې د امریکايي بې‌پیلوټه الوتکو د افغانستان فضا ته د ننوتلو زمینه برابروي.

دا په داسې حال کې ده، چې د افغانستان ژغورنې ملي شورا مشر محمد عمر داوودزي تېره ورځ له افغانستان انټرنشنل سره په تازه مرکه کې وویل، چې امریکایانو د افغانانو د ارادې په پوهېدو سره د مخامخ اشغال د تګلارې پر ځای د پټ اشغال لاره غوره کړې ده.

نوموړی په دې باور دی، چې امریکا نور د دې لېوالتیا نه‌لري چې د ډېرو ځواکونو په لېږلو او پوځي مداخلې سره کوم هېواد اشغال کړي. خو دا څرګندونې داسې مهال کېږي، چې د امریکا د بهرني سیاست سابقه ښيي، دغه هېواد وخت ناوخت د خپلو ګټو لپاره پوځي حضور ته ترجیح ورکړې او ان که دا د اشغال بڼه هم خپله کړي.