طالبانو د میدان وردګ څه باندې ۱۶۴ کیلوګرام یاقوت پر نږدې ۱۱نیم میلیونه ډالره وپلورل

په بغلان کې د طالبانو د کلیو، بیارغونې او پراختیا ریاست مسوولینو د دوشنبې په ورځ (د مرغومي ۱۵مه) ویلي، چې د وچکالۍ ځپلو له امله یو شمېر نورې زیانمنې سیمې یې هم مشخصې کړي او ژر به پرې د اوبو رسولو شبکې جوړې کړي.

د دوی په وینا: «زموږ ریاست ټولې زیانمنې ساحې مشخصې کړې دي. په ډېری سیمو کې پروژې روانې دي او هلته چې د اوبو رسولو شبکې یا پروژې په پلان کې شاملې شوې نه دي، د همدې کال په ترڅ کې به یې کارونه پیل شي».

په بغلان کې د طالبانو د کلیو، بیارغونې او پراختیا ریاست مسوولین همداراز وایي چې په روان کال کې د ۱۲۷ میلیونه افغانیو په ارزښت ۲۱ تخریب شوي او ۱۸ نوې د اوبو رسولو شبکې د جوړولو پلان لري.

د اوبو کمښت په افغانستان کې یو له لویو ننګونو څخه ده. څه موده وړاندې د طالبانو د کرنې، اوبو لګولو او مالدارۍ وزارت ویلي و، چې په افغانستان کې د ځمکې لاندې اوبو کچه ټیټه شوې او هېواد د اوبو له کمښت سره مخ دی.

د طالبانو د کرنې، اوبو لګولو او مالدارۍ وزیر عطاءالله عمري د دوشنبې په ورځ (د مرغومي ۱۵مه) ویلي، چې د ځمکو د اجارې د دغه تړونونو له لاسلیک سره به هر کال ۶۷ میلیونه او ۵۰۸ زره افغانۍ د دولت خزانې ته ورجمع شي.

عمري ویلي، چې وړاندې په اجاره د دولتي ځمکو ورکړه د قانون د نشتوالي له امله ځنډېدلې وه.

نوموړي‌ دا د کورنیو او بهرنیو سوداګرو لپاره د پانګونې په برخه کې ښه فرصت ګڼلی.

طالبانو په دې اقدام سره په هېواد کې د کاروبار د زیاتېدو، ځوانانو ته د کاري فرصتونو د رامنځته کېدو، د کورنیو او بهرنیو سوداګرو لپاره د پانګونې زمینې برابرېدو هيله ښودلې او د خپلو عاید د زیاتېدو یوه سرچینه یې یاده کړې.

واک ته د طالبانو له رسېدو را وروسته دغه ډله ادعا کوي، چې د هېواد په بېلابېلو برخو کې یې په میلیونونه جریبه ځمکه له غصب او زورواکو څخه خلاصه کړې؛ خو طالبانو تر اوسه د غصب څخه د خلاصو شویو ځمکو دقیق ارقام نه دي‌ وړاندې کړي.

پنټاګون د دوشنبې په ورځ د افغانستان انټرنشنل د پوښتنې په ځواب کې چې دا الوتکه د «اېم‌کیو–۹ ریپر» ډول دی، وویل چې «په دې اړه کوم معلومات نه‌لري».

دا بې‌پیلوټه الوتکه د پنجشنبې په ورځ (د مرغومي ۱۱مه) غورځېدلې ده. له دې پېښې وروسته د دې الوتکې پاتې شونې انځورونه او ویډیوګانې په ټولنیزو رسنیو کې خپرې شوې، چې په ځینو کې د پېښې په ځای کې د طالبانو حضور هم ښکاري.

طالبانو تر اوسه په رسمي ډول د دې الوتکې د غورځېدو په اړه کوم څرګند نظر نه دی ورکړی.

د ایران رسنیو لیکلي، چې طالبانو دغه بې‌پیلوټه الوتکه ویشتلې ده، خو په امریکا کې د پوځي چارو څېړونکی فرزاد ندیمي باور لري، چې یاده الوتکه د تخنیکي ستونزې له امله غورځېدلې ده.

امریکا له افغانستان څخه تر وتلو وروسته، د دې هېواد د هوايي څارنې لپاره د بې‌پیلوټه الوتکو کارولو ته مخه کړې ده. د امریکا پوځي چارواکو ویلي، چې په افغانستان کې د ترهګرو ډلو د فعالیتونو د څار لپاره پر دغو الوتکو تکیه کوي.

طالبانو منلې ده، چې امریکايي الوتکې د افغانستان هوايي حریم ته ننوځي او دا مهال د فضا د بشپړ کنټرول او د دغو الوتکو سره د مقابلې توان نه‌لري.

د طالبانو ویاند ذبیح‌الله مجاهد مخکې پاکستان تورن کړی و، چې د امریکايي بې‌پیلوټه الوتکو د افغانستان فضا ته د ننوتلو زمینه برابروي.

دا په داسې حال کې ده، چې د افغانستان ژغورنې ملي شورا مشر محمد عمر داوودزي تېره ورځ له افغانستان انټرنشنل سره په تازه مرکه کې وویل، چې امریکایانو د افغانانو د ارادې په پوهېدو سره د مخامخ اشغال د تګلارې پر ځای د پټ اشغال لاره غوره کړې ده.

نوموړی په دې باور دی، چې امریکا نور د دې لېوالتیا نه‌لري چې د ډېرو ځواکونو په لېږلو او پوځي مداخلې سره کوم هېواد اشغال کړي. خو دا څرګندونې داسې مهال کېږي، چې د امریکا د بهرني سیاست سابقه ښيي، دغه هېواد وخت ناوخت د خپلو ګټو لپاره پوځي حضور ته ترجیح ورکړې او ان که دا د اشغال بڼه هم خپله کړي.

سره له دې چې مقاومت جبهې په خپله خبرپاڼه کې چې د دوشنبې په ماښام (د مرغومي ۱۵مه) خپور شوی، د ظفر په نوم د دوی د یوه وسله‌وال د وژنې د څرنګوالي او همداراز له جسد سره یې د شوي چلند په تړاو توضېحات نه‌دي ورکړي، خو داسې ناتایید شوي راپورونه شته چې هغه پرون په بغلان کې د ښویېدنې او له یوې ډبې سره د جنګېدو له امله مړ شوی او د دغو ناتایید شویو راپورونو پر بنسټ، طالبانو د شپې له‌خوا د هغه پر قبر برید کړی دی.

مقاومت جبهې د طالبانو دغه چلند ښکاره شرعي او انساني ضد جنایت بللی او زیاته کړې یې ده: «داسې دوښمن چې ان د ازادۍ د مبارزانو له جسد څخه هم وېره لري، په اصل کې په دغه ډول جنایتونو سره خپله بې وسي او ناچاري نندارې ته وړاندې کوي».

دغې جبهې خبرداری ورکړی: «د افغانستان د عزتمندو نارینه وو او ښځو پر وړاندې د دغو بې‌حرمتیو او جنایتونو حساب به له طالبانو واخیستل شي او هېڅ جنایت به پرته له ځواب پاتې نه‌شي».

طالبانو لا تراوسه د مقاومت جبهې د دغه تور په تړاو څه سپیناوی نه‌دی کړی.

په هلمند کې د طالبانو د امنیه قومندانۍ ویاند نصیر احمد مهاجر د دوشنبې په ورځ (د مرغومي ۱۵مه) ویلي، له یادې کارخونې ۵۰ کیلو نشه‌يي مواد، ۱۵ کیلو مایع تاریاک، ۱۱۰ کیلو اهاک او د نشه‌يي توکو په پروسس کې یوه اندازه کارېدونکي وسایل هم ترلاسه شوي دي.

نوموړي ویلي، چې ټول ترلاسه شوي نشه‌يي مواد او وسایل له‌منځه وړل شوي او نیول شوي کسان به هم ډېر ژر عدلي او قضايي بنسټونو ته وسپارل شي.

د طالبانو لوړپوړو نظامیانو د روانې میاشتې په پيل کې په هلمند کې په یوې لویه غونډه کې له خلکو غوښتي و، چې د نشه يي‌ توکو د کر، تولید، قاچاق او کاروبار د مخنیوي په اړه د هبت‌الله اخوندزاده حکم عملي کړي.

دغې ډلې ګواښ کړی، چې له سرغړونکو سره به قانوني چلند وشي.