په اسلاماباد کې نن د ایکو سازمان د وزیرانو لسمه غونډه کېږي
د پاکستان دولتي راډیو خبر ورکړی، چې د طبیعي افتونو د ګواښونو راکمولو په اړه د اقتصادي همکاریو سازمان (ECO) د وزیرانو لسمه غونډه به نن چهارشنبه د (سلواغې لومړۍ) نېټه په اسلاماباد کې پیل شي.
په دې لوړپوړې سیمهییزه غونډه کې به د ايکو د غړو هېوادونو وزیران او لوړپوړي دولتي چارواکي، د ايکو د دارالانشاء استازي او همدارنګه د سیمې او نړۍوالو همکارو بنسټونو استازي ګډون ولري.
تمه ده، چې د ايکو د غړو هېوادونو پلاوي چې پهکې خپله کوربه پاکستان، ترکیه، اذربایجان، قزاقستان، قرغزستان، تاجکستان، ترکمنستان، ایران، ازبکستان او افغانستان شامل دي، په دې دوه ورځینۍ غونډه کې برخه واخلي.
دا غونډه به د پاکستان د ملي ناورینونو د مدیریت ادارې (NDMA) په مرکزي دفتر کې ترسره شي.
