د اسراییل ۱۳ شبکه: راتلونکې اوونۍ به پر ایران د امریکا د برید برخلیک روښانه شي
د اسراییل ۱۳ شبکې په خپل یوه راپور کې ویلي، چې راتلونکې اوونۍ په سیمه کې د امریکا د احتمالي پوځي اقدام لپاره «برخلیک ټاکونکې» ده.
د اسراییل ۱۳ شبکې په خپل یوه راپور کې ویلي، چې راتلونکې اوونۍ په سیمه کې د امریکا د احتمالي پوځي اقدام لپاره «برخلیک ټاکونکې» ده.
دغه اسراییلي شبکې په خپل راپور کې کې ویلي، چې امریکايي جنرال داد کوپر اسراییل ته د خپل سفر په ترڅ کې د اسراییل د پوځ له مشر سره کتلي او د یو لړ «برخلیک ټاکونکو» پرېکړو په تړاو یې خبرې کړې دي.
په راپور کې ویل شوي، چې امریکايي جنرال داد کوپر په تلابیب کې د اسراییل د پوځ له مشر ایال زمیر او د استخباراتو له لوړپوړو چارواکو سره کتلي دي.
په راپو کې د امریکايي جنرال له قوله ویل شوي، چې د امریکا ولسمشر ډونالډ ټرمپ تر اوسه پر ایران د برید وروستۍ پرېکړه نه کړې، خو وايي چې امریکا د احتمالي عملیاتو لپاره د روانې اوونۍ تر پایه ټول اړین وسایل او چمتوالي بشپړ کړي دي.
په راپور کې ویل شوي: «د اسراییل لوړپوړو پوځي چارواکو امریکایانو ته د خپل وړاندیز وړاندې کړ، چې لهمخې یې په لومړني برید باید پر ځانګړو نظامي اهدافو وشي».
په راپور کې ویل شوي، اسراییلي چارواکو له امریکايي لوري غوښتي چې امریکایي جنګي الوتکې باید د ایران د حکومتي بنسټونو د برید ترڅنګ، د دغه هېواد د توغندیو هغه سیسټمونه هم په نښه کړي چې تر ځمکې لاندې جوړ شوي دي.
