د طالبانو د بادغیس والي: د هبت‌الله فرمانونه د نظام اصل دي او تطبیق کې یې باید ځنډ ونه‌شي

په داسې حال کې چې د طالبانو د امربالمعروف او نهې عن‌المنکر وزیر د ۱۴۰۲ کال د وږي په لومړۍ اوونۍ کې د بامیان بند امیر ملي پارک ته د ښځو پر ورتګ بندیز ولګاوه، خو اوس ملګري ملتونه غواړي چې په یاد پارک کې د ښځو په ګډون یو ګډ سوداګریز مارکېټ جوړ کړي.

د هېواد په مرکزي زون کې د ملګرو ملتونو د پراختیايي پروګرام مسوولې اوریلیا او د ملګرو ملتونو د ښځو څانګې مسوولې یاسمین د سې‌شنبې په ورځ (د سلواغې ۲۱مه) د بامیان ولایت لپاره د طالبانو له والي ګل‌حیدر شفق سره په کتنه کې د ښځو د سوداګریزو چارو لپاره د یوه ګډ بازار د جوړېدو او افتتاح په تړاو خبرې کړې دي.

د بامیان ولایت لپاره د طالبانو د رسنیو دفتر په همدې تړاو په یوې خبرپاڼه کې ویلي، په یاد ګډ سوداګریز مارکېټ کې ۴۰ غرفې د ښځو لپاره ځانګړې شوي، خو د دغه مارکېټ د څرنګوالي او همداراز د لګښت په تړاو هېڅ جزییات نه‌دي ورکړي.

په خبرپاڼه کې د ملګرو ملتونو د یادو مسوولینو له قوله ویل شوي: «د بند امیر په ملي پارک کې تجارتي مارکېټ او بازار چې په‌کې جومات، د پاکو اوبو سیستم، لمریزه برېښنا، پلې لارې او نور شامل دي، په نږدې راتلونکې کې افتتاح او ګټې اخیستنې ته به وسپارل شي».

د طالبانو د بامیان والي ګل‌حیدر شفق د ملګرو ملتونو له دغه پروګرام څخه په دې شرط چې «اسلامي اصول مراعات شي» ملاتړ کړی دی.

ګل‌حیدر شفق د ملګرو ملتونو له یادو مسوولینو غوښتي: «خپل ټول فعالیتونه او کاري پروګرامونه باید د اسلامي قوانینو او اصولو په چوکاټ کې عملي کړي».

دا په داسې حال کې ده، چې د طالبانو د امربالمعروف وزیر د ۱۴۰۲ کال د وږي په ۴مه بند امیر ملي پارک ته د ښځو په ورتګ بندیز په شفاهي ډول اعلان کړ. نوموړي د دغه بنديز لامل یاد بند ته د تګ پر مهال د ښځو «بې حجابي» بللې وه.

د هغه دغه دریځ ګڼ غبرګونونه راوپارول او همداراز ښځې له څو کلونو راهیسې په افغانستان کې پارک ته د تګ اجازه نه‌لري.

یادې نړۍوالې مرستندویه ادارې زیاته کړې، چې د دوی موخه درمل او طبي وسایل برابرول دي. همداراز یې ټینګار کړی، چې د دغو خدمتونو په لړ کې یې ښځو او ماشومانو ته ځانګړې پاملرنه کړې ده. په دې وروستیو کې د ملګرو ملتونو د روغتیا نړۍوال پروګرام اندېښنه ښودلې، چې د امریکا د پراختیایي مرستو کمېدو له کبله د افغانستان روغتیایي سکټور له جدي بشري ناورین سره مخ دی.

یادې ادارې په یوه راپور کې ویلي، چې د افغانستان روغتیايي سکټور له ناورین سره مخ دی، سلګونه روغتیایي مرکزونه د بودیجې د نشتوالي له امله د هېواد په بېلابېلو ولایتونو کې بند شوي او که نړۍوالې مرستې ونه‌شي، نو دا ناورین به لا پراخ شي.

راپورونو کې راغلي، چې د افغانستان د اوسني روغتیايي ناورین تر ټولو ډېر قربانیان ښځې او ماشومان دي چې د درملنې بهیر یې سخت اغېزمن شوی دی.

په داسې حال کې چې د طالبانو تر حاکمیت لاندې افغانستان کې له نږدې پنځو کلونو راهیسې نجونې زده‌کوونکې له شپږم ټولګي پورته له زده‌کړو منع دي او همداراز د خپلو کورنیو د سرپرستو ښځو په ګډون ښځو ته د کار کولو اجازه نشته، د طالبانو اړوندې رسنۍ هم پر ښځو د «رحم» کولو غږ پورته کړی دی.

دغې ورځپاڼې په اسلام کې د ښځو مقام، عزت او حقونو ته په اشارې ویلي، له اسلام څخه وړاندې د نړۍ په ټولو ټولنو کې له ښځو سره خورا سخت ظلم روان و، خو د اسلام په راتګ سره ښځو بېرته خپل خدای ورکړی حق او مقام تر لاسه کړ.

ورځپاڼه کاږي، په «کفري نړۍ» کې له ښځو سره ډېر پرېوتی چلند کېږي او ډول ډول استفاده ترې کېږي او په وینا یې په اسلامي ټولنو کې د کورني ژوند او د ښځو د هوسا ژوند کیسې چې تر کفري ټولنو رسېږي، هلته ښځې د داسې ژوند تصور هم نه‌شي کولی او ځینې یې د حقیقت له درک کولو وروسته اسلام هم مني.

په دې مقاله کې راغلي: «همدا اوس تاسې د کفري نړۍ پر حال فکر وکړئ، چې هغوی له ښځو سره څومره پرېوتی چلند کوي؟! حتی ښځو ته د نفقې ګټل هم په خپله ور له غاړې دي، په خورا سختۍ او د درنو او شاقه کارونو له لارې یوه ګوله روزي ګټي او شپه پرې تېروي. په ځوانۍ کې ترې د خپلو خواهشاتو لپاره استفاده کوي، په تجارت او مارکټېنګ کې ترې کار اخلي او په مختلفو نومونو یې له ځان سره په ادارو کې مصروفوي، خو چې ځواني یې خزان شي، بیا څوک خیرات هم نه ورکوي. نه مېړه پر خپلې ښځې رحم کوي، نه ورور پر خپلې خور، نه زوی پر خپله مور او نه پلار پر خپله لور».

خو یو شمېر ښځې چې افغانستان ته په سیاحت راغلي او بېرته تللي، له رسنیو سره یې په مرکو کې ویلي، چې دوی تر ډېره د افغان ښځو په پرتله ډېرې ازادۍ لرلې او په افغانستان کې هم د افغان ښځو په پرتله زیاتې ازادۍ درلودې.

د «شریعت ورځپاڼې» په سرمقاله کې راغلي: «مګر دا چې اوس بیا وروستۍ زمانه ده، نو متأسفانه په اسلامي ټولنو کې هم د ښځو په حق کې یو څه کوتاهي راغلې، ظلم پرې کېږي او حقوق یې نه‌رعایت کېږي».

په داسې حال کې چې طالبانو تل ویلي، چې په افغانستان کې د اسلام په چوکاټ کې د ښځو ټول حقوق خوندي دي، خو دغه ورځپاڼه وايي چې په افغانستان کې ښځو ته میراث نه‌ورکول کېږي، په خپله خوښه د نکاح حق نه‌لري، ځينې یې په بدیو کې ورکوي او یو شمېر یې د پیسو (ولور) په بدل کې خرڅوي.

دغې ورځپاڼې د نجونو د تعلیم په تړاو هېڅ یادونه نه‌ ده کړې، په داسې حال کې چې افغان نجونې زده‌کوونکې له نږدې پنځو کلونو راهیسې له شپږم ټولګي پورته د زده‌کړو له دوامه محرومې دي.

خواجه اصف د پاکستان پارلمان ته په خپله وینا کې وویل، چې په افغانستان کې هغه دوه جګړې چې پاکستان په‌کې ښکېل و، د دین یا اسلامي ارزښتونو لپاره نه وې، بلکې د نړۍوالو ځواکونو او د پاکستان د دوو استبدادي حکومتونو او ډیکتاتورو جنرالانو جنرال ضیاءالحق او جنرال پروېز مشرف د مشروعیت ترلاسه کولو لپاره وې.

خواجه اصف وايي چې امریکا دوی د «تشناب کاغذ» په څېر پرېښودل | افغانستان انټرنشنل پښتو

د افغانستان د ملي امنیت پخوانی رييس رحمت‌الله نبیل د سې‌شنبې په ورځ په خپلې اېکس‌پاڼې وویل: «خواجه اصف جدي مه ګڼئ» او زیاته کړې یې ده چې دا هماغه سړی دی چې نن وايي د افغانستان جګړې سياسي او «اجاره‌يي» وې او پاکستان د لويو قدرتونو د ګټو لپاره په‌کې ورګډ شو، پرون چې طالبان واک ته ورسېدل، امريکا ته يې وويل: «طاقت له تاسو سره دی، خو خداى له موږ سره دی».

خواجه اصف پر افغانستان د پخواني شوروي یرغل نه ګڼي او په وینا یې، سور پوځ د کابل حکومت په غوښتنه راغلی وو او پروړاندې یې جګړه هم «جهاد» نه‌وو او دغه نظریه هم د امریکایانو روایت بولي.

رحمت‌الله نبیل له خواجه اصف څخه د پوښتنې په توګه مطرح کوي: «که هر څه سياست و، نو دا دیني شعارونه د څه لپاره وو؟ او که رښتيا د دين خبره وه، نو ولې نن هر څه د «سياسي تېروتنو» په نوم خلاصه کېږي»؟

نبیل زیاتوي، اصف ويل چې د شوروي راتګ «اشغال» نه‌وو، د افغانانو درد نه‌کموي. جګړه، ورانۍ او کډوالۍ د کاغذ پر مخ د لیکلو له لاری نه‌بدلېږي او په وینا یې، افغانانو اشغال د قانون له لارې ونه پېژاند؛ د هديرو، بې‌کوره کېدو او وران شويو ښارونو او کليو له لارې يې وپېژاند.

خواجه اصف زیاته کړې، چې د افغانستان د جګړو په ترڅ کې د پاکستان ښوونیز نصاب، سیاسي او مذهبي کلتور تر ډېره بدل شو، خو رحمت‌الله نبیل بیا څرګنده کړې چې د کتابونو د نصاب بدلول او د جګړې او جهاد روایت جوړول تصادفی نه وو. جنرال عاصم منير هم د هماغه پوځي نسل پيداوار دی، چې فکر يې د جنرال اختر عبدالرحمان او جنرال ضياءالحق په وخت کې جوړ شوی دی.

نبیل همداراز په ډاګه کړې: «حقيقت دا دی: پاکستان له پيل څخه د منطقې د نيابتي لوبو او ايډيالوژۍ پروژه وه، نه يو هېواد چې رښتينې ملي روایت/ارزښت ولري.»

د افغانستان د ملي امنیت پخواني رييس رحمت‌الله نبیل ټينګار کړی، دا چې نن [پاکستان] وايي: «موږ هم قرباني شوو»، دا يوازې نيمه خبره ده. پاکستان يوازې قرباني نه و؛ پخپله يې پرېکړه وکړه، لاره يې وټاکله او کلونه يې د جګړې، ايډيالوژۍ او د دين له نومه د وسيلې په توګه کار واخيست.

ملاخېل تر دې مخکې د جنسي تېري په یوې بلې پېښې هم اعتراف کړی و او همدارنګه د ماشوم تښتولو، د جنسي تېري په دوو قضیو او د ماشوم د ناوړه انځورونو جوړولو په جرم هم مجرم وپېژندل شو.

د هغه شریک تورن ۲۴ کلن محمد کبیر د همدې ورځې د یوې مخکېني پېښې په تړاو د ماشوم د تښتولو د هڅې، د جنسي جرم د نیت او قصدي غاړه‌نیونې له تورونو بې‌ګناه وپېژندل شو.

څارنوال ډینیل اوسکرافت تېره میاشت د ملاخېل د محاکمې په پیل کې منصفینو ته وویل، چې ملاخېل قرباني نجلۍ یوې «تنها کوڅې» ته بېولې وه، هلته یې پرې جنسي تېری کړی، ځورولې یې ده او د هغې ناوړه انځورونه یې اخیستي دي.

د راپورونو پربنسټ، ملاخېل ته به سزا په وروستۍ محکمه کې واورول شي.

تر دې مخکې ملاخېل په خپل بیان کې محکمې ته ویلي و، چې نجلۍ ورته ځان بالغه معرفي کړې وه او هر څه د نجلۍ په خپله خوښه ترسره شوي، خو د قضیې څارنوال دا بیان «د نه منلو وړ» بللی و.