روسیې د اوکراین پر ځانګړو ځواکونو د توغندیز برید خبر ورکړی
روسیې اعلان کړی په خارکیف ښار د توغندیز برید په ترڅ کې یې د اوکراین یو شمېر ځانګړي ځواکونه وژلي دي. روسیې ویلي، په دې برید کې د اوکراین ځینې پوځي تجهیزات هم له منځه تللي دي.
ددغه برید په تړاو اوکرایني چارواکو تر اوسه څه ندي ویلي.
بل پلو د اوکراین ولسمشر ولادیمیر زیلنسکي، تر دې وړاندې ویلي وو چې دغه هېواد یوازې د جنورۍ په میاشت کې له شپږ زره بېپیلوټه الوتکو، څه باندې ۱۵۰ توغندیو او تر پنځه زره ډېر رهبري شویو بمونو سره چې د روسیې له لوري توغول شوي، مقابله کړې ده.
