ایراني رسنۍ: د تهران په ګڼو سیمو کې د چاودنو غږونه اورېدل کېږي

سي‌اېن‌اېن نن يکشنبه (د کب ۱۰مه) راپور ورکړی، د عمان بندر د قم د بريد هدف ګرځېدلی چې له امله يې يو کارګر ټپي شوی دی. په همدې حال کې په مسقط کې د امريکا سفارت د امنيتي خبرتیا په خپرولو سره خپلو کارکوونکو او په عمان کې مېشتو امريکايانو ته سپارښتنه کړې، چې په خوندي ځایونو کې پناه واخلي.

هغه ويډيو چې د سي‌اېن‌اېن له‌خوا خپره شوې ښيي، چې يوه بې‌پيلوټه الوتکه د کويټ په ساحل کې پر ځمکه لګېدلې ده. د دوبۍ چارواکو هم اعلان کړی، دوه تنه هغه مهال ټپيان شول چې د ډرون پاتې شونې د دوو کورونو په انګړونو کې ولوېدل.

د قطر د کورنیو چارو وزارت هم پر اېکس پاڼه اعلان کړی، چې د دوحې په څنډو کې د يو توغندي د شنډولو پر مهال اورلګېدنه رامنځته شوې؛ خو د ټپي کېدو کومه پېښه نه‌ده راپور شوې.

د بحرین دولتي رسنيو د يکشنبې په ورځ راپور ورکړی، چې د بحرین هوايي دفاعي سيستمونو تېره شپه د ايران «توغنديزو بريدونو» ته ځواب ورکړی او لږ تر لږه ۴۵ توغندي او ۹ ډرونونه يې شنډ کړي دي.

د خبرپاڼې له مخې؛ دغه کسانو ته له یو کال څخه تر پنځو کلونو پورې د تنفيذي بند او له ۲۰ څخه تر ۳۹ دُرو سزا ورکړل شوې ده.

د طالبانو سترې محکمې د خپرو شویو شمېرو له‌مخې؛ دغه ډلې د خپلې واکمنۍ له پیل راهیسې ۱۸۴۸ کسانو ته په عام محضر کې سزاوې ورکړې دي. په دغه کسانو کې ۲۵۰ مېرمنې هم شاملې دي.

یادې ډلې په ۲۰۲۵کال کې بیا لږ تر لږه ۱۰۳۰ کسان د بېلابېلو تورونو په تور په عام محضر کې په دُرو وهلي دي. د افغانستان انټرنشنل - پښتو د څېړنو له‌مخې؛ په ۲۰۲۵کال کې په افغانستان کې بدني سزاوې د تېر کال پرتله دوه برابره زیاتې شوې وې.

د طالبانو د دفاع وزارت ویاند عنایت‌الله خوارزمي پر اېکس پاڼه په یوې خپره کړې خبرپاڼه کې ویلي، یاد بریدونه د ۲۰۳ منصوري، ۲۰۱ خالد بن ولید او ۲۰۵ البدر قول اردوګانو له‌خوا پیل شوي دي.

د نوموړي په وینا؛ د عملیاتو پر مهال «یو ټاور او څلور لویې پوستې نیول شوې دي او د ماینونو د چاودنو له امله ۳۲ عسکر وژل شوي او لسګونه نور ټپیان دي». هغه ادعا کړې، چې په دغه بریدونو کې «دوه ډرون الوتکې نسکورې شوې او یوشمېر پوځي تجهیزات په بشپړ ډول ویجاړ شوي دي».

طالبان دغه عملیات «انتقامي بریدونه» بولي؛ خو د یادو ادعاوو په اړه تر دې دمه پاکستاني چارواکو څه نه‌دي ویلي.

الطاف حسین پر اېکس پاڼه لیکلي، چې اوس‌مهال د دوو مسلمانو هېوادونو پاکستان او افغانستان ترمنځ جګړه روانه ده او په ورته وخت کې ایران د اسراییل او امریکا د پرله‌پسې بریدونو سره مخ دی.

هغه ټینګار کړی:« د پاکستان د مفتیانو او دیني عالمانو دنده دا ده، چې د قران او سنتو په رڼا کې ملت ته لارښوونه وکړي او روښانه کړي چې د اسلامي اصولو او ديني احکامو له مخې په دغه جګړو او بریدونو کې څه دریځ دی؛ خو له بده مرغه، دوی د دغه سترې ستونزې په اړه چوپتیا غوره کړې». هغه دغه چوپتیا د «جرمي چوپتیا» په نامه یاده کړې ده.

نوموړي زیاته کړې، چې د پاکستان دیني مشران د قران ایتونه او احادیث یوازې د یو بل پر وړاندې د کوچنیو مذهبي اختلافاتو د ښودلو لپاره کاروي او وخت ناوخت د مخالفو لیدلورو پر وړاندې د کفر ټاپې لګوي؛ خو کله چې خبره د طالبانو او پاکستان د جګړې یا د ایران پر وړاندې د اسراییل او امریکا هوايي بریدونو ته رسېږي، چې زرګونه مسلمانان، ښځې او ماشومان په‌کې وژل شوي؛ دوی هیڅ غږ نه پورته کوي. هغه وایي، داسې ښکاري چې د دوی غږونه قصدا ډب شوي دي.

هغې ادعا کړې، چې د وسلو له دغه ډېپو څخه القاعده، د پاکستاني طالبانو تحریک او یو شمېر نورو وسله‌والو ډلو ته وسلې ورکول کېدې. د هغې په خبره؛ په دې اډه کې د طالبانو ۲۲۱مې «شهید افتاب» پوځي قطعې مرکز و.

هغې ویلي، د امریکا د ولسمشر ډونالډ ټرمپ د بګرام د نیولو تر څرګندونو وروسته د القاعده د پوځي کمېسیون مرستیال لیبیايي عبدالعظیم علي موسی بن علي دغه وسلې له بګرام نه سویل ته لېږدولې.

لاتر اوسه طالبانو د دغه برید په اړه څه نه‌دي ویلي.