افراسیاب خټک: کابل کې په روغتون هوایي برید «قتل عام» او نړیوال جنایت دی

د هند بهرنیو چارو وزارت د سې شنبې په ورځ (د کب ۲۶مه) دامید په نوم د معتادینو د درملنې ۲زره بستریز روغتون باند د پاکستان برید د افغانستان پر حاکمیت برید یاد کړی او دا یې د سیمې د سولې او ثبات پر وړاندې ګواښ ګڼلی.

نوي ډهلي‌ویلي چې د ملکي‌ خلکو په نښه کول هیڅ وخت د پوځې موخې په توګه نه شي توجیه کیدلی دوی زیاته کړې: «پاکستان اوس هڅه کوي دا قتل عام د پوځي عملیاتو په توګه وښيي.»

خو د پاکستان حکومت وایي چې په کابل کې یې روغتون نه بلکې د طالبانو نظامي اهدف په نښه کړي دي.

هند له نړۍوالې ټولنې غوښتې چې په دې برخه کې عاملین باید حساب ته حاضر کړي او دا ډول بریدونه باید ژر تر ژر ودرول شي.

هند د افغانستان د حاکمیت او ځمکنۍ بشپړتیا ملاتړ کړی، د قربانیانو له کورنیو سره یې خواخوږي ښودلې او زیاته کړې: «هند په دې سخت وخت کې د افغانستان له خلکو سره ولاړ دی.»

عبدالرحمان منیر وايي چې د معتادینو د درملنې په دې روغتون کې تر ۱۲سوه زیات کسان د تداوی لپاره ساتل کېدل. نوموړي ویلي چې په دې برید کې ټول ملکي کسان په نښه شوي او هیڅ نظامي کس نه شته.

منیر له نړۍوالې محکمې غوښتنه کړې چې د برید کوونکو سره دي د «نړۍوالو، بشري او اسلامي اصولو» له مخې چلند وکړي او مجازات دي شي.

منیر زیاته کړې: «د پاکستاني پوځ ولسي خلک تر هدف لاندې راوستل، پاکستان له طالبانو سره مخامخ مقاومت توان نه لري او دغه وحشیانه، ظالمانه او بې رحمانه کردار یې تر سره کړ او ولسي خلک یې په نښه کړه.»

د هغه په خبره چې په سیمه کې د ژغورنې ډله بوخته او د یو شمېر کسانو جسدونه سوځېدلي او تر خاور لاندې دي.

خو د یاد بریدو په تړاو د پاکستان حکومت ویلي چې د کابل کې یې روغتون نه بلکې د وسلو زیرمې او د هغه وسله والو کمپ په نښه کړی چې د پاکستان پر خلاف جګړه کوي.

د طالبانو له خوا په خپره شوې خبرپاڼه کې راغلي چې دغه بندیان د سترې محکمې د ځاګړي حکوم پر بنسټ خوشی شوي. خبرپاڼه زیاتوي چې له کندز زندان نه ۶۷ بندیان خوشي او د ۵۶ نورو د بند موده کمه شوې.

د طالبانو په خبره چې د بامیان له زندانه هم ۴۴ بندیان خوشي شوي او د ۸ نورو د بند په موده کې کمی راغلی.

طالبانو وايي چې دغه بندیان د کوچني اختر د را رسېدو په مناسبت خوشي کوي.

نورز منګل په خپل فیسبوک پوسټ کې لیکلي: «دا کوم اسلامیت او وجدان ده چې عامه وګړي ووژل شي، د الله او انسانیت دښمنان، اسراییل هم که وي، داسې نه کوي. نن شپه د کابل په یوه روغتون کې د امید څراغونه مړه شول. هغه ځوانان چې کورنیو یې د درملنې او نوي ژوند په هیله دلته سپارلي وو، د بمبار تر سیوري لاندې له موږه واخیستل شول. د هغوی میندې او خپلوان د روغتون دروازو ته راټولې شوې وې، هره یوه د خپل زوی نوم اخیست او د یو خبر په تمه ولاړه وه.»

نوموړي زیاته کړې چې وژل شوي کسان یوازې هغه ملکي وګړي وو چې کورنیو یې غوښتل بېرته عادي ژوند ته راستانه شي، خو د برید له امله یې ژوند پای ته ورسېد. د نوموړي په وینا، دغه پېښه د پاکستان د پوځي رژیم لخوا د ملکي خلکو پر وړاندې ترسره شوې یوه ناوړه جنایت دی.

سارا اډمز د ایکس له لارې ویلي چې ډېر رسنۍ او ژورنالستان په افغانستان کې د طالبانو د رسمي ملاتړ پرته، یوازې د ترهګرو د روایتونو خپرولو ته هڅول کېږي. هغې څرګنده کړې: «هغه کسان چې د طالبانو پروپاګنډه خپروي، تاسو ته د القاعده د پلانونو په اړه دروغ وايي او لوړ پوړو امریکایي چارواکو ته ډاډ ورکوي چې اندېښنه ونه کړي. دا یو لوبه ده، دا د ترهګرو چلونه دي.».

نوموړې ټینګار کړی چې څو کلونه د افغانستان په اړه غلط معلومات خپرېدل، دې چارې د امریکا د پوځي او استخباراتي ادارو کار اغېزمن کړی او په دغه هېواد کې د ترهګرو شبکو د فعالیت مخه نه ده نیولې. هغې زیاته کړې چې د طالبانو د دفاع وزارت او داستخباراتوځینې ترهګرې ډلې د وروستۍ شپې په جریان کې له سختو زیانونو سره مخ شوې، خو اصلي ارزونه د واقعیت او میداني شواهدو پر بنسټ لا پاتې ده، نه هغه څه چې د پروپاګنډې له لارې خپرېږي.

سارا اډمز خبرداری ورکړی چې که د دې ستونزې مستقیمه مقابله ونه شي، د ترهګرو د شبکو، نظریاتو او عملیاتو وړتیا به په دوامداره توګه وده وکړي، په ځانګړې توګه په لویدیځ کې د هغوی ملاتړي او له تعصب ډکې رسنۍ یې ملاتړ کوي.