د طالبانو د مالیې وزارت وایي چې پر وارداتي اوړو د ګمرکي تعرفې له لوړولو وروسته افغانستان ته د غنمو واردات ۳۴۵ سلنه زیات شوي دي. د وزارت په وینا، دا اقدام د کورنیو تولیداتو د ملاتړ او د اوړو د پروسس صنعت د پیاوړتیا په موخه شوی دی.
د طالبانو د مالیې وزارت د عامه اړیکو ریاست په خپره کړې خبرپاڼه کې راغلي چې تېر کال د غنمو پر وارداتو ګمرکي تعرفه کمه او د اوړو تعرفه له ۵ سلنې څخه ۸ سلنې ته لوړه شوه، څو کورني تولیدات وهڅول شي.
د وزارت په وینا، د نوې تعرفې له پلي کېدو وروسته هېواد ته د غنمو واردات په چټکۍ زیات شوي، چې له امله یې د اوړو د تولید فابریکو فعالیت پراخ شوی او د داخلي تولیداتو کچه هم لوړه شوې ده.
د خبر پاڼې له مخې، د ۱۴۰۵ مالي کال د کب او وري په میاشتو کې، افغانستان ته ۱۹۸ زره ټنه غنم وارد شوي، حال دا چې د ۱۴۰۳ د کب او د ۱۴۰۴ د وري په میاشتو کې دا شمېر یوازې ۴۴ زره ټنه و. وزارت وایي، دا د غنمو په وارداتو کې ۳۴۵ سلنه زیاتوالی ښيي.
د طالبانو د مالیې وزارت زیاتوي چې د غنمو د وارداتو له زیاتېدو سره به د کورنیو تولیدي فابریکو ظرفیت لوړ شي، کاري فرصتونه به ډېر شي او په بازار کې به د داخلي تولیداتو ونډه هم پراخه شي.
افغانستان هر کال میلیونونه ټنه غنمو ته اړتیا لري چې یوه برخه یې په کور دننه تولیدېږي او پاتې برخه له بهرنیو هېوادونو واردېږي.
طالبانو له واک ته رسېدو وروسته یو پراخ کمپاین پیل کړی چې د افغانستان ځوانان د طالباني تفکر پر لور جذب کړي، خو دې هڅو سره له دې چې د هېواد ستونزې نه دي اوارې کړي بلکې وضعیت یې لا نور ترینګلی کړی دی.
په تېرو دریو کلونو کې د دیني مدرسو شمېر د تېرو شلو کلونو پرتله پنځه برابره زیات شوی، چې اوس یې شمېر نږدې ۷۰۰۰ ته رسېدلی او لا هم زیاتېږي. افغانان اړ دي چې خپل اولادونه ښوونځي ته ولېږي، آن که دا ښوونځی مدرسه هم وي.
د طالبانو د پوهنې وزارت د مدرسو او دارالحفاظونو مشر عبدالرزاق صدیق رسنیو ته ویلي و: «افغانستان یوه مذهبي ټولنه ده او هر کس باید لومړنۍ او د لوړې کچې دیني زدهکړې ولري. له همدې امله موږ د دیني مدرسو وده ضروري بولو».
خو دا فکر آن د طالبانو دننه هم پراخ ملاتړ نه لري. ځینې طالب چارواکي وایي چې افغانستان یوازې طالب او ملا ته اړتیا نه لري بلکې انجینرانو او ډاکټرانو ته هم اړتیا ده. دا وضعیت نړۍ ته یو انزوا طلبه او افراطي افغانستان معرفي کوي چې نه یوازې کولتوري ستونزې لري، بلکې سیمه او نړۍ ته قوي امنیتي ګواښ هم پېښولی شي.
که څه هم افراطي فکرونه پراخېږي، خو ټکنالوژي دا وړتیا لري چې له افراطیت سره مبارزه وکړي. انټرنټ او رسنۍ هغه څه دي چې په اوسني عصر کې ورسره ځوانان په بېلابېلو ډولونو نښلول شوي دي. د شمېرو له مخې، د افغانستان ۶۷ سلنه وګړي لږ تر لږه میاشت کې یو ځل ټلوېزیون ګوري، چې دا ۱۲ میلیونه ماشومان او ۱۴ میلیونه ځوانان رانغاړي.
نجیب پیکان زیاتوي، چې تر ټولو مهمه مسئله له دې ځوانانو سره د اړیکو جوړول دي: «افغان ځوانان په دوو برخو وېشل کېدای شي. لومړی، تحصیلکرده او ناراضه ځوانان دي چې په میدان یوازې پرېښودل شوي او د بدلون ځواک یې له لاسه ورکړی. دا هغه ځوانان دي، چې که څه هم ناهیلې دي، خو د ځان ژغورلو یوازینۍ لاره د آزادې نړۍ سره همکاري ګڼي.دویم، هغه ځوانان دي چې د طالبانو په اداره کې دي؛ هغوی افراطي شوي. هر کال نیم میلیون طالبان له مدرسو فارغېږي او د افراطیت پر لور ګام اخلي.»
د حالاتو د بدلون لپاره باید له دواړو ډلو سره کار وشي. تر ټولو مهمه لاره دا ده چې د رسنیو، خبرو اترو، کنفرانسونو او مشورو له لارې د ځوانانو ترمنځ پل جوړ شي، ترڅو هغوی انتقادي فکر ته وهڅول شي او خپل بحثونه له دین او آخرت څخه ور هاخوا هم وغځوي.
دا ځوانان کار غواړي، او د کار موندلو لپاره اړیکو ته اړتیا لري. له هغو هېوادونو درس اخیستل کېدای شي، چې د ځوانانو کچه پکې لوړه ده، او دغه ځوانان د سمې لارې پر لور هڅول کېدای شي.
