د بربتانیا د شاهي سمندري ځواکونو درې غړي د چورلکې پرېوتو په پېښه کې مړه شوي
د برېتانیا د دفاع وزارت د چارشنبې په ورځ په یوه خبرپاڼه کې ویلي چې د شاهي سمندري ځواکونو درې غړي د دغه هېواد په سوېل لوېدیځ کې د یوې چورلکې د لوېدو په پېښه کې وژل شوي دي.
د شاهي سمندري ځواکونو ویاند ویلي: «په ژورې خواشینۍ سره تاییدوو چې د شاهي سمندري ځواکونو درې غړي د چهارشنبې په ورځ د جون په درېیمه نېټه له سهار څلور بجو لږ مخکې د ډېون ولایت د سورټن سیمې ته نږدې د چورلکې د روزنیز تمرین پر مهال مړه شوي دي».
