ندا محمد ندیم د تحصیلي ادارو پر اصلاح او پرمختګ ټینګار کړی

نیول شویو افغان ډاکټرانو افغانستان انټرنشنل ته په لیږل شویو پیغامونو کې ویلي، چې دوی د پنجاب ایالت د ملتان ښار له یوه دولتي روغتون څخه پولیسو نیولي او اوس د اخراج په موخه د اټک توقیف مرکز ته لېږدول کېږي.

د دوی په وینا، په نیول شویو کسانو کې ۱۳ د تخصص محصلان، یو بل تن مسوول او یوه د طب محصله شامل دي.

دوی وایي، پنځو کسانو پاکستان ته د داخلېدو ویزې او نورو د ویزو د تمدید غوښتنلیکونه نږدې یو کال مخکې سپارلي وو، خو تر اوسه یې هېڅ غوښتنلیک نه دی منل شوی.

د نیول شویو افغانانو په وینا، سره له دې چې د پولیسو او ځانګړو امنیتي څانګو له لوري یې څو ځله د اسنادو او هویت د تایید بهیر بشپړ شوی، بیا هم د ویزو غوښتنلیکونه نه دي منظور شوي.

دوی له پاکستاني حکومت او د طالبانو له ادارې غوښتنه کړې چې د دوی د اخراج مخه ونیسي او اجازه ورکړي چې په پاکستان کې د تخصص زده کړې تر بشپړېدو پورې پاتې شي.

د طالبانو د ښاروالۍ د معلوماتو له مخې، په دې لیدنه کې کابل ښاروال د دې ادارې د پراختیايي برنامو او پلانونو د تشریح ترڅنګ، د زېربنايي او ټولګټو پروژو د پلي کېدو او د ښاري مدیریت په برخه کې د روسیې فدراسیون د دوامداره همکاریو غوښتنه کړې ده.

د روسیې فدراسیون سفیر د کابل ښاروالۍ د پراختیايي برنامو او پلانونو ستاینه کړې او ویلي یې دي، چې د کابل ښار د ابادۍ لړۍ په چټکۍ روانه ده او د پخوا په پرتله د ښار په بڼه کې د پام وړ مثبت بدلون راغلی دی.

نوموړي له کابل ښاروالۍ سره د خپل هېواد د همکاریو پر دوام ټینګار کړی او هیله یې څرګنده کړې چې د دواړو لوریو د اړیکو په لا پیاوړتیا سره به په کابل ښار کې د لا ډېرو اغېزناکو پروژو د پلي کېدو زمینه برابره شي.

د کونړ ځايي چارواکو له طالبانو سره تړلې رسنۍ حریت ته ویلي، چې د دغې سروې اصلي موخه پر کونړ سیند د اوبو او برېښنا د بندونو د جوړولو لپاره د مناسبو ځایونو دقیق تثبیتول دي.

د کونړ د برښنا امر عمر ګل نایب ویلي چې د دغو لومړنیو تخنیکي چارو په بشپړېدو سره به په راتلونکي کې په دغو سیمو کې د بندونو د رغولو عملي کارونو ته لاره هواره شي.

د کونړ ولایت اوسېدونکو د دغو بندونو د جوړېدو د لومړنیو چارو هرکلی کړی دی.

د سیمې خلک وایي چې پر دغه سیند د بندونو رغول د دوی د سیمې د ابادۍ او پرمختګ لپاره خورا حیاتي ارزښت لري او د دې پروژې پلې کېدو ته په تمه دي.

د سیمې د خلکو په وینا، د دغو بندونو په جوړېدو سره به د هغوی کرنیزې ځمکې او د استوګنې کورونه د موسمي او ویجاړوونکو سېلابونو له خطرونو څخه خوندي پاتې شي.

هغوی زیاتوي چې د دغو پروژو په عملي کېدو سره به په کونړ کې د ابادۍ او اقتصادي ودې یو نوی فصل پیل شي.

له دې وړااندې د هند د بهرنیو چارو وزارت ویاند پر کونړ سیند د طالبانو د بند جوړونې ملاتړ کړی و او وویلي و، چې نوی ډیلی چمتو دی د اوبي سرچینو د دوامداره مدیریت په برخه کې همکاري وکړي.

د طالبانو او پاکستان ترمنځ له نښتو وروسته د طالبانو ځینو مشرانو پر کونړ سیند د بند جوړ ولو خبر ور کړی و، خو په دې برخه کې تراوسه د عملي اقدام نښې نه ښکاري.

رندهیر جېسوال د خپل اونیز خبري کنفرانس پرمهال وویل چې د طالبانو د کرنې او اوبو لګولو وزیر عطاالله عمري نږدې یوه اونۍ په هند کې و او په یاده موده کې یې د هند د کرنې وزیر، د خوراکي توکو د پروسس وزیر او د بهرنیو چارو وزارت د مرستیال ترڅنګ د هند د سوداګرۍ او صنایعو فدراسیون، د سوداګرۍ خونې او د کرنې سکټور په برخه کې له یو شمېر کورنیو او نړۍوالو سازمانونو سره څو اړخیزې سوداکریزې ناستې وکړې.

رندهیر جېسوال د افغانستان او هند ترمنځ د سوداګرۍ د څرنګوالي په اړه وویل، چې د ډیلي او کابل ترمنخ هوايي دهلېز فعال دی او د یاد دهلیز له لارې د هند او افغانستان ترمنځ د سوداګریزو توکو راکړه ورکړه په عادي ډول جریان لري.

نوموړي دا څرګندونې پرداسې مهال کړې، چې د طالبانو او پاکستان ترمنځ د روان کړکېچ له پیل راهیسې د کابل او ډیلي ترمنځ د ځمکې له لارې پراخه سوداګري په ټپه دریدلې او د دواړو هیوادونو تر منځ د هوايي دهلېز له لارې د سوداګرۍ کچه هم روښانه نه ده.

د کراچۍ د ترهګرۍ ضد پولیسو مشر عرفان بهادر د یوه خبري کنفرانس پرمهال وویل، چې د جون پر ۲۷مه په کراچۍ کې د نیمه پوځي ځواک پر کمپ برید کې درې پاکستاني سرتېري وژل شوي او څلور نور ټپیان وو.

نوموړي ادعا وکړه:«دا برید په افغانستان کې پلان شوی و، لارښوونې او دغه راز کارول شوې وسلې او چاودېدونکي توکي هم له افغانستان څخه راغلي وو».

پولیسو ویلي، د برید اصلي طراح محمد بشیر نومېږي چې له پېښې وروسته له خپلو ۱۳ همکارانو سره یوځای نیول شوی دی.

پاکستاني پولیس وايي چې په یاده ډله کې د جانان، هادي، عمر او عثمان په نومونو د څلور بریدګرو ډله له افغانستان څخه کراچۍ ته ننوتې وه. د پولیسو د معلوماتو له‌مخې، د جانان په نوم بریدګر د کمپ په دروازه کې ځانمرګی برید کړی و چې نورو دریو بریدګرو ته د ننوتلو لاره خلاصه کړي.

پر همدغه مهال د سند ایالت د کورنیو چارو وزیر ضیاءالحسن لنجار ویلي، په بریدګرو کې درې تنه د افغانستان وګړي او یو تن د خیبر پښتونخوا د باجوړ اوسېدونکی و. پولیس وايي، د عثمان په نوم یو ټپي بریدګر اعتراف کړی چې هغوی په افغانستان کې په بېلابېلو کمپونو کې روزل شوي وو.

پاکستاني چارواکو ادعا کړې چې له نیول شویو کسانو څخه د برید د چمتووالي ویډیوګانې او په افغانستان کې د دغې ډلې د روزنیزو کمپونو اسناد هم ترلاسه شوي دي.

پاکستاني رسنیو د برید د پلان د لومړیو شیبو بې لوګو صافې ویډیوګانې هم خپرې کړې دي.

طالبانو د پاکستاني چارواکو د تازه ادعا په تړاو تر دې دمه غبرګون نه دی ښودلی، خو له دې وړاندې یې ورته ادعاوې رد کړې دي.