ایراني چارواکی او د ننګرهار طالب والي د دوه‌اړخیزو همکاریو پر پراختیا غږېدلي

مېرمن نیومن په ایکس خواله رسنۍ کې لیکلي چې د کډوالو د بېرته شړلو په تړاو د خبرو لپاره بروکسل ته د طالبانو بلنه او افغان کونسلګریو ته د هغوی د لاسرسي هڅې د اندېښنې وړ دي. د هغې په وینا، دا چاره به هغه افغانان له خطر سره مخ کړي چې د طالبانو له ځپلو او ظلمونو تښتېدلي او په اروپا کې مېشت شوي دي.

د اروپا پارلمان دغه غړې د دې ټولنې لپاره د ایرلینډ د بهرنیو چارو وزیر توماس برن څخه وغوښتل چې د اروپايي ټولنې د شورا د ریاست له لارې د دغو قانوني تشو مخه ونیسي. هغې ټینګار کړی چې اروپايي هېوادونه باید د داسې پرېکړو مخنیوی وکړي چې د کډوالو امنیت ګواښي.

د مېرمن نیومن په وینا، د طالبانو له حکومت سره د کډوالو د بېرته شړلو په اړه هر ډول معامله او هغوی ته په اروپا کې د افغان ډیپلوماتیکو استازولیو سپارل به په اروپا کې د مېشتو افغان پناه غوښتونکو پر ژوند ناوړه اغېز وکړي او هغوی به له نویو ګواښونو سره مخ کړي.

دا په داسې حال کې ده چې د اروپايي ټولنې غړو هېوادونو د روان زیږدیز کال له پیل راهیسې نږدې ۵۰ افغان پناه غوښتونکي د داوطلبانه ستنېدو د پروګرام په چوکاټ کې د طالبانو تر واک لاندې افغانستان ته بېرته ستانه کړي دي.

د طالبانو د لوړو زده کړو وزارت وايي، د کابل د طبي علومو پوهنتون اړوند د علي‌اباد تدریسي روغتون کې د افغانستان تر ټولو لوی د سرطان د تشخیص او درملنې مرکز د بشپړېدو وروستي پړاو ته رسېدلی او له تجهیز او د متخصصینو له ګومارنې وروسته به فعالیت پیل کړي.

د دغه وزارت په خبرپاڼه کې راغلي چې د لوړو زده کړو وزیر ندا محمد ندیم د چهارشنبې په ورځ د یاد مرکز له چارو لیدنه وکړه او مسوولانو ته یې د پاتې کارونو د ژر بشپړېدو سپارښتنه کړې ده.

ندیم د لیدنې پر مهال ویلي، افغانان معیاري روغتیايي خدمتونو ته اړتیا لري او د دغه مرکز په فعالېدو سره به د سرطان ناروغانو ته د درملنې اسانتیاوې برابرې شي او د درملنې لپاره به بهرنیو هېوادونو ته د تګ اړتیا کمه شي.

د وزارت د معلوماتو له مخې، د مرکز د ودانۍ پر جوړولو ۴۱۷ میلیونه افغانۍ لګول شوې او ساختماني چارې یې بشپړې شوې دي.

وزارت زیاتوي، د مرکز د راډیولوژۍ او انکولوژۍ د تجهیزاتو لپاره ۹۶۴ میلیونه افغانۍ او د نورو طبي تجهیزاتو لپاره ۱۱۰ میلیونه افغانۍ ځانګړې شوې دي. د راډیولوژۍ او انکولوژۍ د تجهیزاتو د تدارکاتي پروسې چارې بشپړې شوې او د نورو وسایلو د تدارک بهیر به هم ژر پیل شي.

ندیم د مرکز مسوولانو ته لارښوونه وکړه چې د اړتیا په صورت کې له هېواده بهر متخصص تخنیکي کارکوونکي هم استخدام کړي. هغه وویل، په دې برخه کې د سیمې له یو شمېر هېوادونو سره هم خبرې شوې دي.

د افغانستان بانک ویلي، په سوځول شویو بانک نوټونو کې لس ګون، شل ګون، پنځوس ګون، سل ګون، پنځه سویز او زرګون افغانیو نوټونه شامل وو..

دیاد بانک دویم مرستیال محمد اخند ویلي، د هېواد د بانکي او مالي سکتور پیاوړتیا ته ژمن دی او هڅه کوي چې هېوادوالو ته معیاري، اسانه او شفاف بانکي خدمتونه وړاندې کړي.

هغه له هېوادوالو غوښتي چې د بانک نوټونو ساتنې ته جدي پاملرنه وکړي، څو د بانکنوټونو له ژر زړېدو او د نوو پیسو د چاپ له اضافي لګښتونو مخنیوی وشي.

دطالبانو د کورنیو چارو وزارت د معلوماتو له مخې، د دغه وزارت د فوټبال لوبډلې په خوست، پکتیا، ننګرهار او هلمند ولایتونو کې د زونونو په کچه سیالیو کې لومړی مقام خپل کړی دی.

حقاني له لوبغاړو وغوښتل چې ورزش ته لا ډېره پاملرنه وکړي، خپلې وړتیاوې پیاوړې کړي او د هېواد اسلامي او ملي ارزښتونه په عمل کې وساتي.

هغه همداراز سپارښتنه کړې چې لوبغاړي د ښو اخلاقو بېلګه وګرځي، د ورورولۍ، اتحاد او ملي یووالي پیغام خپور کړي او له تعصب او بدبینۍ څخه لرې واوسي.

د نوموړي په وینا، د اړتیا وړ امکاناتو او اسانتیاوو د برابرولو په برخه کې به د کورنیو چارو وزارت ملاتړ له لوبډلې سره دوام ولري.

د پاکستان د ولسمشر اصف علي زرداري ویاند مرتضی سولنګي د چهارشنبې په ورځ د «پاکستان په یوه داسې جیوپولیټیک چاپیریال کې چې د بدلون په حال کې دی» تر سرلیک لاندې کنفرانس کې د سیمې د بدلونونو، له افغانستان سره د اړیکو او د خپل هېواد د امنیتي ننګونو په اړه وینا وکړه. سولنګي په دغه ناسته کې وویل: «د پاکستان اصلي اندېښنه لا هم له پولې اخوا ترهګري ده چې د افغانستان له خاورې سرچینه اخلي او زموږ د ملکي وګړو او امنیتي منسوبینو لپاره مستقیم ګواښ دی.»

مرتضي سولنګي دغه راز د چین، قطر، سعودي عربستان، ترکیې او متحده عربي اماراتو د هغو منځګړیتوبونو او هڅو هرکلی وکړ چې د پاکستان او طالبانو ترمنځ د تلپاتې امنیتي تفاهم د رامنځته کولو لپاره یې د خبرو اترو اسانتیاوې برابرې کړې دي. دغه پاکستاني چارواکي ټینګار وکړ چې د ترهګرۍ پر وړاندې د مبارزې، د پولو د مدیریت او د کډوالو د بېرته ستنېدو په برخو کې د همکارۍ لپاره د حقیقي او عملي چوکاټونو جوړول اړین دي.

اسلام‌اباد په ځانګړي ډول په افغانستان کې د طالبانو له بیا واکمنېدو وروسته، په وار وار په خپل هېواد کې د وسله‌والو بریدونو او ناامنیو د زیاتېدو په اړه اندېښنه ښودلې او طالبان یې د ټي‌ټي‌پي غړو ته په پناه ورکولو او له هند سره په همکارۍ تورن کړي دي. خو طالبانو دا تورونه تل رد کړي او ټینګار کوي چې هېچا ته اجازه نه ورکوي چې د افغانستان خاوره د بل هېواد په زیان وکاروي. د دواړو لورو ترمنځ کړکېچ په تېر کال کې زیات شوی چې کله ناکله په مرګونو نښتو، هوايي بریدونو او سرحدي جګړو هم اوښتی دی.