پاکستاني ځواکونو په بنو کې په یوه کالج کې د وسله والو پر «پټنځي» هوايي برید کړی

د خیبر پښتونخوا ایالتي حکومت ویاند او ایالتي وزیر شفیع جان له افغانستان سره د سوداګرۍ بندول دوه ګونې پالیسي بللې او ویلي یې دي چې له هند سره سوداګري خلاصه ده خو له افغانستان سره ټولې لارې د سوداګرۍ پرمخ تړل شوې دي.

د پنجشنبې په ورځ په پېښور کې یوې خبري غونډې ته د وینا پر مهال نوموړي وویل چې «موږ د امریکا او د ایران د اسلامي جمهوریت ترمنځ منځګړیتوب کوو چې دا یو ښه کار دی، خو زموږ د خپل مسلمان ګاونډي او ورور هېواد افغانستان پر وړاندې له پوره ځواک څخه کار اخیستل کېږي».

نوموړي وویل چې که له افغانستان څخه وسله وال ورځي، نو باید پر وړاندې یې خامخا اقدام وشي خو زیاته یې کړه، چې د خیبر پښتونخوا اعلی وزیر په وار وار له مرکزي حکومت سره د افغانستان د لارو پر پرانیستلو خبرې کړې دي، خو اوس پوښتنه دا ده چې دا لارې به تر کله تړلې ساتل کېږي.

شفیع جان د افغان کډوالو پر وړاندې د روانو عملیاتو په اړه وویل چې دا د مرکزي حکومت موضوع ده او دوی پکې ښکیل نه دي.

ټي‌ټي‌پي همداراز ویلي، څلور پاکستاني سرتېري یې ژوندي نیولي وو، خو وروسته یې په دې شرط خوشې کړي چې بیا به د دې ډلې پر ضد په پوځي فعالیتونو کې برخه نه اخلي.

د ډلې په وینا، د برید پر مهال یې درې کلاشینکوفونه او یو سپکه ماشینګڼه هم د پاکستاني ځواکونو څخه ترلاسه کړې ده.

ټي‌ټي‌پي د خپلو احتمالي مرګ‌ژوبلو په اړه څه نه دي ویلي.

د پاکستان پوځ تر اوسه د دې ادعاوو په اړه رسمي غبرګون نه دی ښودلی.

د سوات ځایي اوسېدونکو، مشرانو او قومي مخورو له ځایي امنیتي ادارو غوښتي، چې د هر ډول احتمالي ګواښ د مخنیوي لپاره بېړني او اغېزمن اقدامات وکړي. د دوی په وینا؛ د کلونو قربانیو په پایله کې ټینګ شوی امن باید له ګواښ سره مخ نه‌شي.
د راپور له مخې؛ په وروستیو ورځو کې د مټې ولسوالۍ د روډینګار او د چارباغ د لرو پرتو غرنیو سیمو په اړه داسې ادعاوې شوې، چې هلته مشکوک وسله‌وال لیدل شوي دي. که څه هم دغه راپورونو د خلکو اندېښنې زیاتې کړې؛ خو تراوسه یې په خپلواکه توګه پخلی نه‌دی شوی.

اندېښنې هغه مهال لا زیاتې شوې، چې څو ورځې وړاندې د مټې په شکردرې سیمه کې د عوامي نېشنل ګوند پر یوه سیمه‌ییز مشر برید وشو. ځايي مشران وايي، په سوات کې اوسنی امن د امنیتي ځواکونو، پولیسو او ولس د ګډو قربانیو پایله ده او هر ډول امنیتي ګواښ باید په جدي توګه وڅېړل شي. د دوی په خبره؛ خلک نه غواړي سیمه یو ځل بیا د تېرې ناامنۍ حالت ته ستنه شي.

په خوازه خېلو کې سلګونه کسانو د وسله‌والو د ادعا شوي حضور پر ضد احتجاج وکړ. د غونډې ویناوالو مختیار یوسفزي، خورشید کاکاجي او عجب خان وویل، د سوات خلک د خپلې سیمې د سولې د ساتنې لپاره یو موټی دي او هېڅ وسله‌والې ډلې ته به اجازه ورنه کړي چې د سیمې امن ګډوډ کړي.

دوی زیاته کړه، که امنیتي ادارې خپله دنده ترسره نه‌کړي خلک به خپله د سولې د دفاع لپاره ودرېږي. ویناوالو ټینګار وکړ، چې له ۲۰۰۷کال سوات او د ۲۰۲۶کال سوات ترمنځ لوی توپیر شته او اوس خلک د هر ډول وضعیت بشپړ درک لري.

د بر سوات د پولیسو مشر مشتاق احمد خان بیا ویلي، چې په ولسوالۍ کې امنیتي وضعیت ډاډمن دی او پولیس د هر ډول احتمالي امنیتي ګواښ پر وړاندې بشپړ چمتووالی لري. هغه له خلکو غوښتي، چې پر اوازو او په خواله رسنیو کې پر خپرېدونکو ناتایید شویو معلوماتو باور ونه کړي.

د ايالتي حکومت د کورنیو او قبایلي چارو سلاکار طارق سعید مروت په يوه خبرپاڼه کې وويل، د ادعا شوي پوځي عملیاتو په اړه خپرېدونکي راپورونه ناسم او ګمراه کوونکي دي.

هغه وویل چې په بودجه کې ځانګړي شوي بودجه له کوم نوي پوځي عملیاتو سره تړاو نه لري، بلکې دغه پيسې د بېړنیو حالاتو، طبیعي افتونو، احتمالي بې‌ځایه کېدو، مرستو، بیا رغونې او نورو اداري اړتیاوو لپاره ځانګړې شوې دي.

هغه زیاته کړه، چې د خیبر، ټانک، کورمې، باجوړ، کوهاټ، لکي مروت، بنو او وزیرستان په ګډون په هېڅ سیمه کې د نوي پوځي عملیاتو منظوري نه ده ورکړل شوې.

طارق سعید په خلکو غږ کړی چې پر غیرمصدقو معلوماتو او د ټولنیزو رسنیو پر اوازو باور ونه کړي او یوازې د مستندو او رسمي سرچینو له خوا خپرېدونکو معلوماتو ته پام وکړي.

هغه وویل، د امن او نظم او د خلکو د سر او مال د ساتنې لپاره ایالتي حکومت له ټولو اړوندو ادارو سره په دوامداره توګه په اړیکه کې دی.

نوموړي دا نه دي ويلي چې ادعا چا کړې خو د فېس بک په ځينو پاڼو داسې ادعاوې شوي چې د خيبرپښتونخوا ایالتي حکومت په اتوو ولسوالیو کې د استخباراتو پر اساس د عملياتو منظوري ورکړې ده.

دا ادعاوې په داسې مهال شوي چې په ایالت کې د ناامنۍ پېښو زور اخيستی دی.

په کوهاټ ولسوالۍ کې د ژغورنې ادارې (رېسکيو ۱۱۲۲) مشر نورالامين افغانستان انټرنشنل - پښتو ته د پېښې په اړه وويل، دا پېښه مازيګر د کوهاټ او کرک ولسواليو په پوله پرته د مالګين په سيمه کې رامنځته شوې ده.

هغه زياته کړه، په دغه کور کې چې د پېښې ښکار شوی يوه مېلمستیا روانه وه او ګڼه ګوڼه جوړه وه او د کوهاټ په لاچۍ سيمه کې په دغه وخت شديد باران او توپان راغلی چې له امله یې د دغه کور يوه خونه راغورځېدلې ده.

نوموړي په پېښه کې د مړه شوو او ژوبلو جزيات د افغانستان انټرنشنل - پښتو سره شريک کړي چې له مخې، په مړه شوو کسانو کې زياتره ښځې او ماشومان شامل دي.

همداراز په پېښه کې زياتره هم ښځې او ماشومان ټپیان شوي دي.

د ژغورنې د ادارې مشر وويل، په پېښه کې ټپيان روغتونونو ته لېږدول شوي چې پکې د یو تن روغتيايي حالت نازک دی.