په سردار محمد داود خان روغتون کې د لومړي ځل لپاره د یوه ماشوم د زړه عملیات شوی

د طالبانو د ریاست الوزرا اقتصادي معاونیت د سې‌شنبې په ورځ د یوې خبرپاڼې په خپرولو سره ویلي، چې ملا عبدالغني برادر د عزیزي ګروپ له رییس عزیزي او تخنیکي ډلې سره د لیدنې پرمهال د لس زره مېګاواټه برېښنا د تولید پروژې د پرمختګونو په اړه خبرې کړې دي.

میرویس عزیزي ویلي، چې د لس زره مېګاواټه برېښنا د تولید تخنیکي وسایل به ډېر ژر افغانستان ته انتقال کړي او همدارنګه طالبانو ته یې ډاډ ورکړی چې ډېر ژر به په هېواد کې د سرطاني ناروغیو د درملنې د روغتونونو جوړولو چارې هم پیل کړي.

په یاده ناسته کې د طالبانو او عزیزي ګروپ ګډې تخنیکي کمیټې ویلي، چې د کابل ولایت په نغلو او د پروان په باریک‌اباد کې د ۱۰۰ـ ۱۰۰ مېګاواټه او په غزني کې د ۱۳۰ مېګاواټه لمریزې برېښنا پروژو امکان سنجي او مطالعات بشپړ او د برېښنا د پېر تړونونه یې لاسلیک شوي.

همدارنګه یادې کمیټې ویلي، چې په تخار کې د ډبرو سکرو څخه د ۱۶۵ او بغلان کې د ۳۵۰ مېګاواټه برېښنا په اړه یې د امکان سنجۍ چارې دوام لري.

ملا عبدالغني برادر د یادې لیدني پر مهال د عزیزي ګروپ مسوولانو ته د همکارۍ ډاډ ورکړی او غوښتنه یې کړې چې د برېښنا د تولید چارې په ټاکلي موده کې بشپړي کړي.

میرویس عزیزي شاوخوا یو کال وړاندې له طالبانو سره د افغانستان په بېلابېلو ولایتونو کې د لس زره مېګاواټه برېښنا د تولید په برخه کې هوکړه لاسلیک کړه، خو لا هم د یادې پروژې د چارو د پیل کوم څرک نه لېدل کېږي.

په افغانستان کې د ملګرو ملتونو د سرمنشي ځانګړي استازي مرستیال برونو لیمارکوي ویلي، د هغو کورنیو او ټولنو ترڅنګ ولاړ دی چې د افغانستان په ختیځ کې د وروستیو سېلابونو له امله یې خپل عزیزان له لاسه ورکړي دي.

په ورته وخت کې، د افغانستان لپاره د بریتانیا ځانګړي استازي ریچارډ لېنډسي هم د خواشینۍ تر څنګ ویلي چې فکرونه یې له اغېزمنو خلکو، د قربانیانو له کورنیو او هغو بیړنیو ژغورونکو ډلو سره دي چې د لټون او ژغورنې عملیات پر مخ وړي.

تر دې وړاندې، په افغانستان کې د جاپان سفیر ماساموتو هم د نورستان د سېلابونو له امله د قربانیانو له کورنیو سره خواخوږي ښودلې وه.

همداراز، د ترکیې سفارت هم پر خپل ایکس پاڼې خواخوږي څرګنده کړې ده.

د سعودي عربستان سفارت هم دخواخوږۍ تر څنګ ويلي چې دوی د افغانستان له ولس سره ولاړ دي.

د نورستان ولایت د مرکز پارون کې دوه ورځې وړاندې د سختو بارانونو له امله ویجاړوونکي سېلابونه راوتلي وو چې د طالبانو د پېښو پر وړاندې د چمتووالي ادارې په وینا، په دې پېښه کې د مړو شمېر ۲۳ ته رسېدلی، د ۱۵ کسانو جسدونه موندل شوي او له ۱۰۰ څخه ډېر کسان لا هم ورک دي او د ژغورنې او لټون عملیات لا هم روان دي.

د طالبانو اړوند الاماره وېپاڼه وايي، چې دواړو لوریو د ریل پټلۍ د عملیاتو پر پیاوړتیا او د افغانستان او ایران ترمنځ د سوداګرۍ او ټرانزیټي همکاریو پر پراختیا خبرې وکړې.

د طالبانو د هرات والي د خواف-هرات پټلۍ د افغانستان او ایران ترمنځ یو له مهمو سوداګریزو او ټرانزیټي دهلیزونو بللې ده.

نوموړي له ایراني لوري غوښتي، چې په دې لاره د سوداګریزو توکو د لېږد کچه لوړه کړي.

اسلام جار په دې لیدنه کې همدا راز ډاډ ورکړی چې د هرات محلي اداره د شته ننګونو په هوارولو او د دې ریل پټلۍ په لا پراختیا کې هر اړخیزې همکارۍ ته چمتو ده.

دغه غورځنګ د سې شنبې په ورځ د یوې ویډیو په خپرولو ویلي چې دا عملیات د چنګاښ د ۲۹مې، د شپې شاوخوا ۱۱ بجې ترسره شوي او د همدې اقدام له لارې یې په یاده سیمه کې د خپل حضور او فعالیت اعلان کړی دی.

د خپرې شوې ویډیو له مخې، د ازادۍ او عدالت نهضت وسله وال د یوې لارې پر سر لیدل کېږي چې یو شمېر موټر دروي او پلټنه یې کوي. خو د ویډیو د ثبت دقیق وخت او ځای په خپلواکه توګه نه دي تایید شوي.

تر اوسه طالبانو د دې ادعا په اړه څه نه دي ویلي.

د روغتیا نړۍوال سازمان په راپور کې راغلي چې په جون میاشت کې د ساري ناروغیو له امله د مړینو شمېر د نورو میاشتو په پرتله لوړ و.

په راپور کې راغلي، چې په جون میاشت کې په سینه بغل ناروغۍ د اخته ناروغانو شمېر ۶۵۶۷۳ تنه ثبت شوی او له دې ډلې ۱۶۸ کسان مړه شوي دي.

همدارنګه په جون میاشت کې د کانګو تبې د ۴۸۳ مشکوکو پېښو له ډلې ۲۱ کسان مړه شوي دي.

د روغتیا نړۍوال سازمان ویلي، چې په تېره میاشت کې د شدید نس ناستي ۱۸۲۳۲ ناروغانو له ډلې ۱۴ تنه او د شري ناروغۍ له امله ۱۱ کسان مړه شوي دي.

یاد نړۍوال سازمان ویلي، چې په افغانستان کې یې په تېره میاشت کې میلیونونو کسانو ته روغتیايي خدمتونه وړاندې کړي او ټینګار یې کړی چې د بېړنیو طبي کڅوړو د وېش او د روغتیايي کارکوونکوو د روزنې له لارې هڅه کوي په ټول هېواد کې د ساري ناروغیو له امله د مړینو کچه راټیټه کړي.