د تاجکستان د اغاخان بنسټ د اړیکو مسوولې شرافت شفیعیوا ویلي، د بېړنیو حالاتو لپاره د ماشومانو د زدهکړو صندوق او د زدهکړو نړۍوال مشارکت په افغانستان کې د ۲۵ مېلیون ډالرو په ارزښت نوی ښوونیز پروګرام پیل کړی دی.
د نوموړې په وینا؛ دغه پروګرام به زدهکړو ته د لاسرسي پراختیا، د ښوونې د کیفیت ښهوالي او هغه سیمو ته د ښوونیزو خدمتونو د رسولو لپاره عملي شي چې تراوسه یې کافي ښوونیزې اسانتیاوې نهدي ترلاسه کړې.
هغې زیاته کړه، د دغه پروګرام موخه دا ده چې د افغانستان په بېلابېلو سیمو، په ځانګړي ډول محرومو ټولنو کې د ماشومانو لپاره د زدهکړو فرصتونه پراخ او د ښوونکو د تدریس کچه لوړه شي.
دا په داسې حال کې ده، چې واک ته د طالبانو له رسېدو وروسته یاد ډلې له شپږم ټولګي د پورته نجونو پر زدهکړو بندیز لګولی. د ملګرو ملتونو د دوو اړوندو ادارو یونسکو او یونېسف راپورونه ښيي، چې اوسمهال په افغانستان کې ۲.۲ مېلیونه تنکۍ نجونې له منځنیو زدهکړو محرومې دي.
یونېسف اټکل کړی، چې د دغه بندیز هرکال دوام شاوخوا ۲۵۰زره نورې نجونې هم د خپلو زدهکړو له دوام څخه بېبرخې کوي او که دغه بهیر ونه درېږي، تر ۲۰۳۰کال پورې به له دوه مېلیونه زیاتې نجونې د لومړنیو زدهکړو له دورې پورته زدهکړو څخه محرومې پاتې شي.
