په ټانک ولسوالۍ کې پر یوې پوستې د موټربم برید له امله ۱۲ سرتېري وژل شوي او ۲۵ نور ټپیان دي

د پولیسو په وینا؛ بریدګر له چاودېدونکو توکو ډک موټر له امنیتي پوستې سره وجنګاوه، چې له امله یې پوستې ته زیان اوښتی او درې پولیس سرتېري په‌کې وژل شوي دي. د وژل شویو پولیسو مړي د ټانک ملکي روغتون ته لېږدول شوي دي.

د روغتون د سرچینو له مخې؛ د دغه برید شپږ ټپیان چې امنیتي کسان هم په‌کې شامل دي، روغتون ته وړل شوي دي. د ځینو ټپیانو حالت نازک ښودل شوی دی.

تر پېښې وروسته امنیتي ځواکونو سیمه کلابنده کړې او چاڼیز عملیات یې پیل کړي دي. تر یادې پېښې وروسته په ټانک ولسوالۍ کې ګرځ‌بندیز اعلان شوی دی. د ټانک مرستیال کمېشنر ویلي، چې د سهار له ۶ بجو د ماښام تر ۶ بجو پورې د خلکو پر تګ‌راتګ، هر ډول ټرافیک، مساپر وړونکو او بار وړونکو موټرو بندیز لګول شوی دی.

تحریک طالبان پاکستان (ټي‌ټي‌پي) ادعا کړې، چې د پنجشنبې په شپه (د زمري لومړۍ) د خیبرپښتونخوا د ډېره اسماعیل خان ولسوالۍ په منځي‌خيلو سیمه کې د پاکستان د پوځ او پولیسو پر یوه ګډ نظامي مرکز برید کړی دی.

دوی په څو پرلپسې اعلامیو کې ادعا کړې، چې د یادې نظامي اډې دیوالونه یې په ماینونو او نورو درنو وسلو له‌منځه وړي او اډې ته دننه شوي او له ځايي پوځيانو او پولیسو سره په مخامخ جګړه بوخت دي.

ټي‌ټي‌پي تر اوسه د لسګونه پاکستاني عسکرو د وژنې ادعا کړې، خو د پاکستان حکومت او په ځانګړې توګه پوځ او پولیسو لا تر اوسه په دې تړاو څه نه‌دي ویلي.

دغې ډلې همداراز ادعا کړې، چې تېره شپه یې د بلوچستان د کوېټې په زیارت سیمه کې د پاکستاني پولسیو یوه پوستې نیولې او د وسلو او نورو توکو له ترلاسه کولو وروسته یې پوسته د چاودېدونکو توکو په وسیله ‌له‌منځه وړې ده.

د یادونې وړ ده، د وړمې سې‌شنبې (د چنګاښ ۲۱مه) راهیسې د خیبر پښتونخوا په ډېره اسماعیل خان کې د ناامنیو له امله د دغې ولسوالۍ پر یو شمېر مهمو لویو لارو ګرځ‌بندیز لګېدلی دی. دغه بندیز د سهار له ۶ بجو څخه د ماښام تر ۶ بجو پورې اعلان شوی دی.

د ډېره اسماعیل خان مرستیال کمېشنر حکمت‌الله ویلي وو، چې د بندیز پر مهال به د مساپر وړونکو موټرو، بار وړونکو وسایطو، موټرسایکلونه او د عامو خلکو تګ‌راتګ منع وي، خو امبولانسونه، اطفایې او نور بېړني خدمتونه له دغه محدودیت څخه مستثنا دي.

منظور پښتون پر ایکس خواله رسنۍ کې لیکلي چې دغه پښتون مشر ته په زندان کې د ډاکتر او درملنې اسانتیاوې نه ورکول کېږي.

د منظور پشتین په وینا، حاجي عبدالصمد یو نیم کال وړاندې په بنو کې ونیول شو او د خیبر پښتونخوا په بېلابېلو ولسوالیو کې پرې یو په بل پسې جعلي عریضې یا ایف‌ايي‌ارونه ثبت شول. نوموړي زیاته کړه چې د خیبر پښتونخوا د کورنیو چارو وزارت په لاسلیک عبدالصمد د سیند حکومت ته وسپارل شو او هلته پرې په داسې سیمو کې تورونه پورې شول چې ده یې په خپل ټول ژوند کې لیدلي هم نه وو.

د پښتون ژغورنې غورځنګ مشر د پاکستان حکومت پر دوه‌ګوني چلند نیوکه وکړه او ویې ویل چې دغه هېواد د هند بندي کلبھوشن یادیو ته ښه درملنه برابروله خو د پښتنو دغه سپین‌ږیري مشر له درملنې محروموي. هغه همدارنګه د نورو پښتنو او بلوڅو مشرانو لکه علي وزیر، زبیر شاه آغا، ماه رنګ بلوڅ، بیبو بلوڅ او صبغت‌الله پر بندي کېدو او د نورالله ترین، حنیف پښتین او فرید اپریدي پر جبري ورکېدو سخت اعتراض وکړ.

پشتین دغه نیونې او جبري ورکېدنې د محکومو قومونو د غږ غلي کولو لپاره یو ناکام هڅه وبلله او ټینګار یې وکړ چې دا ډول سزاګانې به د خلکو کرکه او نفرت نور هم زیات کړي. نوموړي له خپلو پلویانو او د پي‌ټي‌ایم له ډیاسپورا وغوښتل چې د بښنې نړیوالې ډلې او نورو بشري حقونو سازمانونو ته برېښنالیکونه واستوي او د دوی دفترونو ته په ورتګ سره د پاکستان د دغو اقداماتو پر وړاندې غږ پورته کړي.

شفیع جان په يوه خبري غونډه کې ادعا وکړه چې د بلوچستان ۸۰ سلنه سيمې داسې حالت ته رسېدلې چې څوک ورته تګ نه شي کولی. هغه وويل، په بلوچستان کې د پاکستان پيپلز ګوند ايالتي حکومت او په مرکز کې د مسلم ليګ (ن) حکومت واکمن دي او ټولې دولتي ادارې په ګډه کار کوي. هغه پوښتنه وکړه: «نو بيا د دې ناکامي د چا ده؟».

هغه وويل، که دا د ايالتي او مرکزي حکومت ناکامي وي، بايد هغه ومني او استعفا ورکړي، او که نه، نو دا د هغو دولتي ادارو ناکامي ده چې د هغه په وينا، د بلوچستان ۸۰ سلنه سيمې يې له لاسه ورکړې دي.

شفیع جان زياته کړه، د پاکستان رسنۍ د بلوچستان د ناامنۍ په اړه چوپې پاتې دي، خو تل خيبرپښتونخوا د ناامنې سيمې په توګه ښيي او ادعا کوي چې هلته پوځي عمليات روان دي.

هغه وويل: «موږ د پوځي عملياتو ملاتړ نه کوو او د تړلو دروازو تر شا شوې پرېکړې نه منو. موږ باور لرو چې د خبرو اترو له لارې مو سترې موخې ترلاسه کړي دي».

نوموړي په پای کې وويل، دا د دوی لپاره د اندېښنې وړ ده چې د بلوچستان د ستونزو په اړه رسنۍ چوپې ساتل شوې دي، خو هڅه کېږي چې خيبرپښتونخوا د ناامنۍ سره برابره وښودل شي.

د خېبر پښتونخوا د هنګو د پولیسو مشر طارق حبیب ویلي، چې د امن کمېټې پر غړي ملک عزت ګل د هنګو ښار په کډاپه سیمه کې د سړک غاړي ماین چاودنه شوې، نوموړی لومړی ټپي او وروسته یې په روغتون کې د زړه د حملې له امله خپل ژوند له لاسه ورکړی.

پولیسو ویلي، له ماین چاودنې وروسته په ډزو کې یو بل تن هم ټپي شوی دی.

پولیسو ویلي، ملک عزت ګل د کورمې ولسوالۍ د امن کمېټې مهم غړی و او په کورمه، اورکزیو او هنګو کې یې د سولې په ټینګښت کې مهم رول درلود.