د بلوچستان په کیچ ولسوالۍ کې د ډزو په پېښه کې درې کسان وژل شوي

دغه سازمان د سه‌شنبې په ورځ په خپره کړې خبرپاڼه کې ویلي، ډېر افغان کډوال د نیول کېدو له وېرې روغتیايي مرکزونو ته مراجعه نه کوي او یا هم هغه مهال د درملنې لپاره ورځي چې ناروغي یې جدي شوې وي.

د دغه بنسټ په وینا، روغتیايي خدمتونو ته نه لاسرسی د هغو ناروغیو د زیاتېدو لامل شوی چې مخنیوی یې ممکن دی، چې پکې د ماشومانو خوارځواکي او د امیندوارۍ جدي ستونزې هم شاملې دي.

سازمان د یوه افغان کډوال کیسه هم خپره کړې چې ویلي یې دي، سره له دې چې د قانوني ثبت اسناد یې لرل، د پولیسو د عملیاتو پر مهال ونیول شو.

د هغه په وینا، مېرمن یې چې درې میاشتې امیندواره وه، د نوموړي تر نیول کېدو وروسته د سخت رواني فشار له امله د وینې بهېدنې سره مخ شوه او خپل ماشوم یې له لاسه ورکړ.

بې‌پولې ډاکټرانو زیاته کړې چې د افغانانو د ایستلو تګلارې او د نیول کېدو وېرې د دوی کاري فرصتونه محدود کړي او د ډېرو کورنیو وړتیا یې د ژوند د لګښتونو د برابرولو لپاره کمزورې کړې ده.

د راپور له مخې، د ۲۰۲۶ کال په لومړیو کې د یاد سازمان ګرځنده روغتیايي کلینیکونو د بلوچستان ایالت په مرکز کوټه ښار کې د ماشومانو ترمنځ د شدیدې خوارځواکۍ لوړه کچه ثبت کړې ده.

د دغو معلوماتو له مخې، له معاینه شویو ماشومانو څخه یو پر درېیمه برخه په شدیدې خوارځواکۍ اخته وو. په دې ډله کې ۷.۶ سلنه ماشومان په شدیدې حادې خوارځواکۍ او ۲۵.۷ سلنه په منځنۍ کچې حادې خوارځواکۍ اخته وو.

راپور وایي، د خوارځواکۍ د درملنې لپاره نږدې ۹۰ سلنه مراجعه کوونکي افغان کډوال وو، چې ډېری یې ښځې او ماشومان جوړول.

بې‌پولې ډاکټران له ټولو هغو هېوادونو څخه چې د افغان کډوالو کوربه‌توب کوي غوښتنه کړې، تر هغه چې په افغانستان کې د خوندي ستنېدو شرایط نه وي برابر شوي، د افغانانو له جبري بېرته ستنولو ډډه وکړي.

د ټريبيون ورځپاڼې د راپور له مخې، پوليس افسر (ډي ایس پي) مرید بګټي هغه مهال ووژل شو کله چې وسله والو کسانو د سې شنبې په ماښام په خټه چوکۍ په سیمه کې د ګزمې پر مهال د هغه د پولیسو پر موټر ډزې وکړې.

د بلوچستان ايالتي وياند بابر يوسفزي ويلي، د بارکهان د پوليسو مشر مرید بګټي په مېړانه د وسله والو مقابله کړې او ژوند یې له لاسه ورکړی دی.

په راپور کې زياته کړل شوې، په یوه بله پېښه کې، ناپېژانده وسله والو د کېچ ولسوالۍ په مرکز تربت کې د اوو کارګرانو موټر ودرولی، بریدګرو د خیبر پښتونخوا د صوابۍ ولسوالۍ اوسېدونکی جاوید خان په ډزو وژلی او پاتې شپږ کارګران یې تښتولي، په تښتول شویو کارګرانو کې څلور د پنجاب او دوه د خیبر پښتونخوا اوسېدونکي وو.

د دې پېښې په جریان کې، یو لاروی د پولیسو او وسله والو ترمنځ په نښته کې د ښکېل کېدو له امله هم وژل شوی دی.

د راپورونو له مخې، په خضدار سیمه کې څلور نور کسان هم ناپېژانده وسله والو تښتولي دي. ويل شوي دغو کسانو د اوبو په يوه پروژه کار کولو.

دې ته ورته په په چاغي ولسوالۍ کې د کوټې تفتان پر لويه لاره ناپېژانده کسانو پنځه ټریلرونه او دوه د ګازو ټانکرونه سوځولي دي.

د سيمه ييزو سرچينو له مخې، د سه شنبې په ورځ په نوشکي ولسوالۍ کې د امنیتي ځواکونو په يوه پوسته وسله وال بريد شوی او بيا د بلوچستان د کورنيو چارو محکمې د سه شنبې د شپې څخه تر ۳۱مې جولای پورې په دغه ولسوالۍ ګرځبنديز اعلان کړی دی.

سېنټکام په یوه اعلامیه کې وويل، چې ځواکونه یې په سیمه کې په لوړ چمتووالي کې دي او د هر ډول احتمالي بریدونو د ځوابولو لپاره پوره بیداري لري.

امریکایي ځواکونو ټینګار کړی چې د خپلو سرتېرو او اډو د امنیت ساتلو لپاره به هر ډول لازم اقدامات ترسره کړي.

سېنټکام له ایران له خوا د دغو بالستيک توغنديو د بريد خبر په داسې حال کې ورکړ چې د امریکا ولسمشر ډونالډ ټرمپ تېره جمعه د ایران پر ضد د امریکا بریدونه وځنډول، څو ډیپلوماسۍ ته یو بل فرصت ورکړل شي.

یادې ادارې، چې د بریتانیا له سمندري ځواکونو سره تړاو لري، د سې‌شنبې په ماښام (د زمري ۷مه) ویلي چې دا پېښه د زمري په ۶مه رامنځته شوې ده.

د دغه ادارې په وینا، بېړۍ او د هغې عمله خوندي دي او د چاپېریال د ککړتیا یا زیان کوم راپور نه دی ورکړل شوی.

د بریتانیا د سمندري سوداګرۍ د عملیاتو ادارې په خپل وروستي تازه معلوماتو کې له ټولو بېړیو غوښتي چې د سره سمندر له لارې د تګ راتګ پر مهال له ډېر احتیاط څخه کار واخلي او هر ډول شکمن فعالیت دې سمدستي راپور کړي.

دغه سازمان ټینګار کړی چې د انټرنېټ او موبایل خدماتو بندېدل په سیمه کې د رامنځته شوي وضعیت د خپلواکې ارزونې او تایید مخه نیسي.

د سوېلي اسیا لپاره د بښنې د نړیوال سازمان سرپرستې مشرې ایزابل لاسي د پاکستان تر ولکې لاندې کشمير په راولاکوټ سیمه کې پر معترضانو د وسله وال ځواک کارولو ته په اشارې سره وویل، چې دا ډول چلند په جمو او کشمیر کې د لاریونوالو په وړاندې د پاکستاني چارواکو د ناقانونه تاوتریخوالي د اوږد تاریخ دوام دی.

هغې زیاته کړه چې د ځواک کارولو د دغو پېښو په اړه باید سمدستي، خپلواکې او روښانه څېړنې پیل شي او له سیمې څخه باید ټول مخابراتي محدودیتونه لیرې شي ترڅو رسنۍ او خپلواک څارونکي وکولای شي حقایق روښانه کړي.

د بښنې نړيوال سازمان ويلي، د ترلاسه شویو راپورونو له مخې، د جولای په ۲۷مه په راولاکوټ او کوټلي سیمو کې سخت تاوتریخوالی شوی چې په ترڅ کې یې د سیاسي ګوندونو د پلویانو ترمنځ په نښته کې یو سیاسي فعال هم وژل شوی دی.

ګډې ولسي کاري کمېټې ادعا کړې چې د امنیتي ځواکونو په ډزو کې لږ تر لږه ۱۹ معترضان وژل شوي او لسګونه نور ټپیان دي، په داسې حال کې چې د سیمې پولیسو یوازې د خپلو دوو سرتېرو د ټپي کېدو خبر ورکړی دی.

د روان ۲۰۲۶ کال د جون له پنځمې نېټې راهیسې په جمو او کشمیر کې د موبایل انټرنیټ خدمات په بشپړ ډول بند دي او په همدې نېټه ګډه ولسي کاري کمېټه د دغې سیمې د ترهګرۍ ضد قانون له مخې د غيرقانونه سازمانونو په لېست کې شامل شوې وه.

د بښنې نړیوال سازمان د راپورونو له مخې ويلي، د کشمیر د ټاکنو په لړ کې په نښتو کې لږ تر لږه ۴۰ کسان وژل شوي چې ۳۴ یې لاریونوال او شپږ یې پولیس او نیمه پوځي سرتېري دي.