اېنبيسي نیوز د درېیو امریکایي چارواکو په حواله راپور ورکړی، چې په هرمز تنګي کې د دوی پر کښتۍ د ایران په توغندیز برید کې د امریکا د سمندري ځواک اته سرتیري ټپیان شوي دي. د راپور له مخې، دغه برید چې وړاندې یې راپور نه و ورکړل شوی، د وږي په ۲۳مه د کروز توغندي پر مټ ترسره شوی و.
د روغتیا نړۍوال سازمان وايي، په ۲۰۲۴کال کې افغانستان د هغه نهو هېوادونو په ډله کې شامل شوی چې د ختیځې مدیترانې په سیمه کې یې د نس ناستي او کولرا نږدې ۸۰ سلنه نړۍوالې پېښې ثبت کړې دي.
په جلاوطنۍ کې د بشري حقونو د مدافعینو نړۍوال فدراسیون (IFHRDE) په افغانستان کې د ښځو او نجونو د نیولو لړۍ دوام په اړه اندېښنه څرګنده کړې ده. دغه فدراسیون په یوه خبرپاڼه کې ویلي، چې طالبان دې د افغان مېرمنو پر وړاندې له ځپونکو سیاستونو لاس واخلي.
د امریکا ولسمشر ډونالډ ټرمپ د یکشنبې په ورځ (د تلې ۵مه) پر «ټروت» خواله رسنۍ د هرمز تنګي نقشه خپره کړه، چې پهکې د اوبو لاره د «ټرمپ تنګي» په نوم ښودل شوې ده. ټرمپ له دغه انځور سره کومه څرګندونه نهده کړې؛ خو تر دې وړاندې یې هم په خپله پاڼه ورته انځورونه خپاره کړي وو.
د غزني یوه اوسېدونکي افغانستان انټرنشنل ته په یوه لېږلي پیغام کې ویلي، چې د دغه ولایت د «قلعه شهاده» او «قلعه کلوخک» سیمو شاوخوا ۸ تر ۱۰زره کورنۍ له کلونو راهیسې له لومړنیو اسانتیاوو بېبرخې دي او له بېوزلۍ او ګڼو ستونزو سره مخ دي.
د افغانستان د ګډو رزمي هنرونو ځوان ورزشکار رامین عباسي د پاکستان په بلوچستان ایالت کې د ازادې مبارزې په اماتور او مسلکي سیالیو کې درې پاکستاني سیالان مات کړل او د دغه سیالیو اتلولي یې وګټله.
د فراه یو اوسېدونکي افغانستان انټرنشنل ته په لېږلي پیغام کې ویلي، چې د شیخ ابونصر فراهي بندر د تړل کېدو له امله زرګونه کورنۍ له اقتصادي ستونزو سره مخ شوې دي. د هغه په وینا، د دغه بندر له لارې د تېلو واردات بند شوي او ورسره د ډېرو خلکو د کار او عاید سرچینې هم لهمنځه تللې دي.
د برېتانیا حکومت غواړي د کډوالو د منلو یوه نوې طرحه پیل کړي، چې له مخې به یې افغان ښځې او نجونې، فلسطیني کډوال او معلولیت لرونکي کسان لومړیتوب ولري. دغه طرحه له تېرو دوو کلونو راهیسې ځنډول شوې وه.
د ۲۰۲۶کال د نړۍوالې خوښۍ د راپور له مخې، افغانستان د ارزول شویو ۱۴۷ هېوادونو په منځ کې وروستی ځای لري. د افغانستان وروستی ځای ښيي، چې د افغانانو د ژوند د ارزونې نمره تر ټولو ټیټه وه.
یوه اسراییلي چارواکي ویلي، چې د دغه هېواد لومړی وزیر بنیامین نتنیاهو، د یکشنبې په ورځ( د تلې ۵مه) په ابوظبۍ کې، د متحده عربي اماراتو له ولیعهد شیخ محمد بن زاید آل نهیان سره لیدلي. د نتنیاهو دفتر، په دې تړاو څه نه دي ویلي.
د پنجشېر لپاره د طالبانو والي محمد اغا حکیم په حصه اول ولسوالۍ کې په یوې ولسي غونډه کې د نورستان وروستۍ پېښې ته په غبرګون کې ویلي، اوس دوی د پخوا په پرتله ډېر امکانات او زرګونه «فدایان» [ځانمرګي] لري او په وینا یې، چمتو دي، د طالبانو له نظام څخه د دفاع لپاره ځانونه قربان کړي.
د پښتونخوا په لنډي کوتل کې د حمزه بابا په نوم د افغان کډوالو د بېرته ستنولو د کمپ مسوولین وایي چې له دغه مرکز څخه یې تېره ورځ له ۳۰۰ ډېر افغانان د تورخم له لارې افغانستان ته ستانه کړي دي.
د امریکا ولسمشر ډونالډ ټرمپ وايي، واشنګټن به له ایران سره روانه جګړه د اقتصادي فشارونو او پوځي اقداماتو په ګډولو سره وګټي او اجازه به ورنه کړي چې ایران اټومي وسلې ترلاسه کړي.
نړیوالو رسنیو راپور ورکړی چې د هند او نیپال په بېلابېلو سیمو کې د سختو بارانونو له امله د سېلابونو او ځمکې ښویېدنې په پېښو کې لږ تر لږه ۷۰ کسان مړه شوي دي.
د خیبر په ملاګورو کې د وژل شویو دوو ځوانانو خپلوان ادعا کوي چې اشفاق احمد او هدایت بېګناه وو او د پولیسو مرکز د مشر ریاض حسین په وژنه کې یې لاس نه درلود.پولیس وايي دواړه یې د پېښې په تړاو نیولي وو او د پېښې ځای ته د بیولو پر مهال د دوی ملګرو پر پولیسو ډزې وکړې چې دواړه ووژل شول.
د طالبانو د ترانسپورت او هوايي چلند وزارت د هوا پوهنې ادارې د افغانستان په څو ولایتونو کې د سختو بارانونو، تالندې برېښنا، تېزو بادونو او سېلابونو د پېښېدو اټکل کړی دی.
د طالبانو له پېښو سره د مبارزې اداره وايي، د کابل په ۷ شمالي ولسوالیو کې د ماین پاکۍ د عملیاتو له بشپړېدو وروسته یادې ولسوالۍ یې له ماینونو او نورو ناچاودو توکو څخه پاکې اعلان کړې دي. د مسوولینو په وینا، کابل کې د ماینونو له پاکولو وروسته به دغه بهیر نورو ولایتونو ته هم وغځول شي.
د طالبانو د کور او ښار جوړولو وزارت په بلخ کې د «امام شقیق بلخي»، په کابل کې د «تمیم انصار» او بغلان کې د «قتیبه ابن سعید بغلاني» په نومونو د درېیو صنعتي پارکونو د پلانونو له منظورېدو او لاسلیک کېدو خبر ورکړ. خو پانګوال د برېښنا په ګډون د نورو اسانتیاوو د برابرېدو غوښتنه هم لري.
په جلاوطنۍ کې د بشري حقونو د مدافعانو نړیوال فدراسیون، د طالبانو لخوا د ښځو او نجونو د خپلسري نیونو د سمدستي بندېدو او د هغوی د اساسي حقوقو د خوندي کولو غوښتنه کړې.
له پاکستاني ځواکونو سره د طالبانو له تازه نښتو وروسته د دغه ډلې ویاند ذبیح الله مجاهد ادعا کړې، چې د پېښو په وړاندې د دوی تدابیر «خورا سنجیده، پرېکنده او تاریخي» دي.
د پېښور په خزانه کمپ کې مېشت افغان کډوال افغانستان ته د بېرته ستنېدو لپاره تیاری کوي خو د ډېرو کورنیو لپاره ستنېدل یوازې د سامانونو ټولول نه دي هغوی هغه کورونه هم پرېږدي چې له کلونو راهیسې یې پکې ژوند کړی دی. ځینې کورنۍ خپل کورونه په خپلو لاسونو نړوي.