له پاکستاني ځواکونو سره د طالبانو له تازه نښتو وروسته د دغه ډلې ویاند ذبیح الله مجاهد ادعا کړې، چې د پېښو په وړاندې د دوی تدابیر «خورا سنجیده، پرېکنده او تاریخي» دي.
د پېښور په خزانه کمپ کې مېشت افغان کډوال افغانستان ته د بېرته ستنېدو لپاره تیاری کوي خو د ډېرو کورنیو لپاره ستنېدل یوازې د سامانونو ټولول نه دي هغوی هغه کورونه هم پرېږدي چې له کلونو راهیسې یې پکې ژوند کړی دی. ځینې کورنۍ خپل کورونه په خپلو لاسونو نړوي.
په ملګرو ملتونو کې د افغانستان مخکینی استازی محمود صیقل وايي، سږکال د ملګرو ملتونو د ۸۱مې عمومي غونډې په څنډه کې د افغانستان په تړاو ۴ غونډې وشوې. د نوموړي په وینا، په دې غونډو کې تر ډېره د افغان ښځو، سولې او عدالت او د افغانانو په مالکیت د سیاسي بهیر په تړاو خبرې وشوې.
د تېرو دریو لسیزو تجربې، او په ځانګړې توګه د تېرو پنځو کلونو کړنې، باید نور د دې پوښتنې لپاره ډېر ځای نه وي پرېښی چې طالب څوک دی، طالبي فکر څه دی او افغانستان باید ورسره څنګه چلند وکړي.
د طالبانو مخالفه وسلهواله ډله، متحده جبهه ادعا کوي چې د یکشنبې په ماخوستن یې د کندهار په شاوليکوټ ولسوالۍ کې یو طالب وژلی دی. دغې جبهې د هېواد په بېلابېلو سیمو کې د طالبانو پر ضد د خپلو عملیاتو پر دوام ټینګار کړی دی.
د طالبانو د عامې روغتیا وزیر نورجلال جلالي په کابل کې د هند له شارژدافیر سره په کتنه کې په کابل د دوو روغتونونو لپاره د واکسین او پرمختللو روغتیايي تجهیزاتو د برابرولو غوښتنه کړې. د هند شارژدافیر یتین پټېل بیا له افغانستان سره د روغتیا په برخو کې د همکاریو ډاډ ورکړی دی.
د پاکستان د بهرنیو چارو وزارت تایید کړه، چې په اسلام اباد کې یې د طالبانو ډیپلوماټانو ته پر پاکستان د ادعا شویو بې پيلوټه الوتکو بریدونو له امله خپل رسمي اعتراض لیک سپارلی دی.
د روغتیا نړیوال سازمان (ډبلیو ایچ او) وايي، په افغانستان کې د تنفسي ناروغیو له امله د ۱۷۰ کسانو د مړینې پېښې ثبت شوې دي.
د پښتونخوا اعلی وزیر سهیل اپریدی وايي، له پاکستان سره د جګړې لپاره چې هر څوک وسله پورته کوي هغه ترهګر دی. هغه ویلي چې یو ځل بیا هڅه کېږي چې پښتونخوا ناامنه او له وینو ډکه او پر خلکو ترهګري وتپل شي.
د پروان لپاره د طالبانو امنیه قوماندان جاوید ضیاءالرحمان په بګرام ولسوالۍ کې د دستاربندۍ په مراسمو کې له ځايي خلکو وغوښتل، ځوان نسل د «کفري» تبلیغاتو او د هغه په وینا، د هغوی د «لاسپوڅو» له دسیسو باخبره وساتي. نوموړي همداراز غوښتنه وکړه، چې ځوانان د دیني ارزښتونو په رڼا کې وروزي.
د هلمند لپاره د طالبانو والي امانالدین منصور د سویللوېدیځې حوزې لپاره د بېپولې ډاکټرانو له مسوولینو سره په کتنه کې وویل، په دغه ولایت کې د خلکو د نامناسب اقتصادي وضیعت او محدودو روغتیايي خدماتو له امله د خوارځواکو ماشومانو شمېر ډېر شوی دی.
د یمن د وسلهوالو ځواکونو ویاند ماجد عبدالله النزیلي ادعا کړې چې د یمني یاغیانو پر ضد عملیاتو کې څلور ایراني وګړي چې د بېپیلوټه الوتکو او توغندیو د چمتو کولو او توغولو په برخه کې یې تخصص درلود، وژل شوي دي.
د پاکستان پوځ ادعا کړې چې په تېرو څلورو ورځو کې یې د بلوچستان په بېلابېلو سیمو کې د عملیاتو پر مهال له ۷۰ څخه زیات وسلهوال وژلي دي.
د ملګرو ملتونو پراختیايي پروګرام (یو این ډي پي) وايي، په افغانستان کې د ښځینه سوداګرو د ملاتړ لپاره یې د ۱،۷میلیونه ډالرو په ارزښت نوی پروګرام پیل کړی چې له مخې به یې په راتلونکي یوه کال کې له ۱۵۰۰ ښځینه متشبثینو سره مرسته وشي.
د افغانستان د سوداګرۍ او پانګونې خونې رییس سید کریم هاشمي له افغانستان سره د روسیې د سوداګریزې همکارۍ شورا له رییس دیمیتري انتونوف سره په انلاین لیدنه کې د دواړو هېوادونو ترمنځ د اقتصادي او سوداګریزو اړیکو د پراختیا په اړه خبرې کړې دي.
د فرانسې ګونکور اکاډمۍ د مصنوعي ځیرکتیا کارولو او پلیجریزم له تورونو او ناندریو وروسته د کاناډايي لیکوال تلیسون اورلین ناول د دې معتبرې ادبي جایزې د نوماندانو له نوملړه ایستلی دی. د «دا و یا مرګ» په نوم ناول تر دې مخکې د ګونکور جایزې د ۱۶ لومړنیو نوماندانو په نوملړ کې شامل و.
د طالبانو د فراه د کانونو او پټرولیم ریاست وايي، د مرکز اړوند د خرمالق سیمې په ګرماب کلي کې د شاوخوا ۲۰۷ میلیونه افغانیو په ارزښت د مرمر ډبرو د کان استخراج پیل شوی دی.
روسیې د اوکراین تر ټولو لوی ګرځنده مخابراتي شرکت «کییف سټار» مرکزي دفتر او د «وډافون اوکراین» اړوند د معلوماتو یو مرکز په نښه کړی. د اوکراین چارواکي وايي، په کییف کې د معلوماتو پر یوه مرکز د برید له امله د دوو ماشومانو په ګډون درې کسان ټپیان شوي دي.
ازادۍ جبهې ویلي، چې د نورستان په کامدېش او د کونړ په ناړۍ ولسوالیو کې یې د طالبانو څو پوستې او دغه راز څو کلي نیولي دي. یادې جبهې «د ۳۷ طالبانو د وژل کېدو او ۲۴ نورو د ټپي کېدو» ادعا کړې ده.
د ایران د بهرنیو چارو وزیر عباس عراقچي وايي، د هرمز تنګي د بیا پرانیستلو هر اقدام د تهران د شرایطو له پوره کېدو سره تړاو لري. نوموړي ټینګار کړی چې یوازې د خبرو له لارې حللاره د ایران او امریکا ترمنځ روان کړکیچ پای ته رسولی شي.
د برېتانیا پولیسو اعلان کړی چې د ترهګرۍ ضد ځانګړو ځواکونو د دغه هېواد د هوايي ځواکونو یوې اډې ته څېرمه پنځه تنه نیولي دي. دا اډه د امریکا د هوايي ځواکونو له خوا کارول کېږي. د راپورونو له مخې، یاد کسان د یکشنبې په ورځ د ترهګریز برید د پلانولو او چمتووالي په تور نیول شوي دي.