افغانستان انټرنشنل د طالبانو د لوړو زدهکړو وزارت یو مکتوب ترلاسه کړی، چې له مخې یې د ټولو پوهنتونونو له استادانو او کارکوونکو څخه د امر بالمعروف قانون تقریري ازموینه اخیستل کېږي. دغه پرېکړه د لوړو زدهکړو سرپرست وزیر ندا محمد ندیم په لارښوونه شوې ده.
د تېر جمهوري نظام پر مهال د عدلیې وزیر فضل احمد معنوي په هرات کې د طالبانو له خوا د ښځو د بیا نیول کېدو په غبرګون ویلي چې د ظلم تکرار او ورسره د خلکو عادت کېدل خطرناکې پایلي لري. معنوي وايي، د نجونو او ښځو نیول او سپکاوی نه دین دی او نه شریعت او خلک باید چوپ پاتې نه شي.
د کندهار یو شمېر اوسېدونکي وايي، د ښار د ۱۵مې ناحیې په زاړه ګنج سیمه کې هغه پل چې ډنډ ولسوالۍ له دې ناحیې سره نښلوي، شاوخوا درې میاشتې کېږي نړول شوی، خو د بیا جوړولو چارې یې نه دي پیل شوې.
د طالبانو د فرمانونو د تعقیب او نظارت ریاست یو مکتوب افغانستان انټرنشنل ته رسېدلی، چې د مولوي هبت الله له لوري د امربالمعروف قانون له سرغړونکو دولتي کارکوونکو سره د سخت چلند سپارښتنه شوې ده. د سرغړونکو لپاره د معاش کمول، د رتبې ټیټول او له دندې ګوښه هم شامل دي.
د طالبانو تر کنټرول لاندې افغانپست شرکت د ایران له ملي پست شرکت سره د پستي همکاریو د پراختیا او د دواړو هېوادونو ترمنځ د برېښنايي سوداګرۍ د ودې لپاره د همکاریو ګډه هوکړه لاسلیک کړې ده.
د خوړو نړۍوال پروګرام په راپور کې راغلي، چې د بیو محدود بدلونونه، د تېلو بیو لوړوالي او د وارداتو د لګښتونو زیاتوالي د ترانسپورټ او اکمالاتو لګښتونه لوړ کړي او د بازار پر بیو یې د لوړېدو اغېز پراخ کړی دی. په راپور کې راغلي، چې د بیو لوړوالي پر کورنیو اقتصادي فشارونه زیات کړي دي.
د پاکستان لومړي وزیر شهباز شریف د ملګرو ملتونو د عمومي اسمبلۍ ۸۱مې غونډې په څنډه کې د ملګرو ملتونو له سرمنشي انتونیو ګوترېش سره لیدلي دي. شهباز شریف په دغه لیدنه کې له ګوترېش سره د «افغانستان له خاورې د ترهګرۍ د مخ پر زیاتېدونکي ګواښ» په اړه د پاکستان اندېښنې شریکې کړې دي.
نیپال د ۲۰۲۶کال د ناګویا اسیايي لوبو ۲۰م پړاو په لړ کې د افغانستان الف کرېکټ لوبډلې ته د پنځو وېکټو په توپیر ماتې ورکړه. افغان لوبډلې لومړی توپ وهنه وکړه او د اوو لوبغاړو په سوځېدو یې د نیپال لوبډلې ته د ۱۰۳ منډو هدف وټاکه او د نیپال لوبډلې دغه هدف په ۱۷م اور کې پوره کړ.
د پاکستان تر بریدونو وروسته په پکتیا کې د طالبانو د والي مهرالله حماد په مشرۍ د یادې ډلې د پکتیا، پکتیکا، غزني، خوست او لوګر والیانو او نظامي مسوولینو ترمنځ غونډه شوې. په غونډه کې د امنیت پر ټنګښت او د ولایتونو پر همغږۍ ټینګار شوی.
پاکستاني رسنیو راپور ورکړی، چې د تحریک انصاف ګوند د لاریونونو په درشل کې په اسلاماباد، راولپینډۍ او ځینو نورو ښارونو کې د تګراتګ پر مهمو لارو ګڼ کانټینرونه اېښودل شوي او پلازمېنې ته پر تلونکو لارو څو امنیتي پوستې هم جوړې شوې دي.
د افغانستان الف کرېکټ لوبډله نن جمعه (د تلې ۳مه) د ۲۰۲۶کال د ناګویا اسیايي لوبو د ۲۰م پړاو په لړ کې خپله دویمه لوبه د نیپال پر وړاندې پیل کړه. افغان لوبډلې لومړی توپ وهنه وکړه او د اوو لوبغاړو په سوځېدو یې د نیپال لوبډلې ته د ۱۰۳ منډو هدف وټاکه.
د مدني ټولنې بنسټونو د استرالیا، کاناډا، جرمني او هالنډ د حقوقي نوښت دویمې کلیزې په مناسبت له دغه هېوادونو غوښتي، چې د طالبانو د ځواب ویلو او په افغانستان کې د ښځو له حقونو د سرغړونو د مخنیوي لپاره عملي او رسمي ګامونه پورته کړي.
د بلوچستان ایالت د نوشکي ولسوالۍ پولیسو ویلي، چې د یادې ولسوالۍ په احمدوال سیمه کې د اېن-۴۰ پر لویه لار د افغان کډوالو پر موټر ډزې شوې دي. د پولیسو د معلوماتو له مخې، په دغه پېښه کې دوه افغان کډوال وژل شوي او څلور نور ټپیان دي.
د برېټانیا پخوانی لومړی وزیر او د نړۍوالو زدهکړو په برخه کې د ملګرو ملتونو ځانګړی استازی ګورډن براون وايي، نړۍ د افغان نجونو په وړاندې لوی مسوولیت لري. نوموړي زیاته کړې، چې په افغانستان کې د نجونو حقونه تر پښو لاندې کېږي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، تېره میاشت له پاکستان او ایران نه ۷زره او ۴۱۹ کورنۍ چې ټولټال ۳۵زره او ۷۷۸ کسان کېږي؛ افغانستان ته ستنې شوې دي.
د طالبانو د بهرنیو چارو وزارت ویاند په اسلاماباد کې د امریکا سفارت هغه څرګندونې رد کړې، چې ویلي و امریکا او پاکستان په ګډه سریلانکا ته د افغانستان د نشهیي توکو د قاچاق مخه نیولې ده. عبدالقهار بلخي ویلي، چې په افغانستان کې د نشهيي توکو کښت او قاچاق په مطلق ډول بند دی.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، چې تېره میاشت یې پر ۴۰۲۲ راستنو شویو کډوالو استوګنیزې نمرې وېشلې دي. یاد کمېسیون ویلي، چې له دې سره تر دې دمه د وېشل شویو نمرو شمېر ۷۱زره او ۸۱۷ ته رسېدلی دی.
د محمد تمیم صدیقي په نوم یو افغان وايي، له پاکستان نه تر جبري ستنېدو وروسته په افغانستان کې هغه او د کورنۍ غړي یې له امنیتي ګواښونو او جدي بشري ستونزو سره مخ دي. نوموړي ویلي، د دغه پېښو د ګواښ لیکونه، اسناد، د روغتون طبي اسناد او شاهدان هم لري.
د پنجشنبې په ورځ (د تلې ۲مه) شاوخوا ۸۰ هېوادونو په یوه ګډه خبرپاڼه کې د هرمز تنګي د سملاسي پرانیستلو غوښتنه وکړه او په سیمه کې یې د ایران حکومت او یمني وسلهوالو بریدونه وغندل.
په نیمروز کې د طالبانو د امنیه قوماندانۍ ویاند ګل محمد قدرت وايي، چې د زرنج-دلارام پر لویه لار د یوه کوچني موټر د چپه کېدو له امله یو کس مړ او ۴ نور ټپیان شوي دي. نوموړي ویلي، ټپیان روغتیايي مرکز ته لېږدول شوي دي.
د ملګرو ملتونو د کډوالو عالي کمېشنرۍ او د کډوالۍ نړۍوال سازمان په یو ګډ راپور کې ویلي، چې د ۲۰۲۳کال د سپټمبر له ۱۵مې د ۲۰۲۶کال د سپټمبر تر ۱۹مې پورې ۲ مېلیونه، ۷۲۵زره او ۳۲۲ افغان کډوال له پاکستان نه افغانستان ته ستانه شوي دي.