په سعودي عربستان کې د امریکا د متحدو ایالتونو سفارت، د کوربه هېواد د امنیتي وضعیت په اړه خپلو وګړو ته خبرداری ورکړی او ورڅخه یې غوښتي چې د سفارت اعلانېدونکې امنیتي سپارښتنې په پام کې ونیسي.
د پښتونخوا د لکي مروت ولسوالۍ پولیس وايي چې د دغه ولسوالۍ شاه حسن خېلو سیمې ته نږدې وسله والو یو ټولنیز فعال ثناءالله تښتولی او وروسته یې په غرنیو سیمو کې وژلی دی.
په تورخم کې د کډوالو د «عمري کمپ» لپاره د طالبانو مسوول محمد هاشم میوندوال وايي، د خوړو نړۍوال پروګرام او ځینو نورو مرستندویه موسسو له پاکستان څخه راستنېدونکو کډوالو سره خپلې مرستې بندې کړې دي. نوموړي په دې اړه چې له څومره وخت راهیسې دغه مرستې بندې شوي څه نهدي ویلي.
د سپاه پاسداران اړوند تسنیم خبري اژانس راپور ورکړی چې د ایران د بهرنیو چارو وزیر سید عباس عراقچي د ملګرو ملتونو د عمومي اسامبلۍ په غونډه کې د ګډون لپاره د یکشنبې په ماښام نیویارک ته روان شوی دی.
په کندوز کې له پاکستان او ایران څخه د زرګونه تازه راستنو شویو کډوالو له پرلهپسې شکایتونو او دغه ولایت ته د ملګرو ملتونو د مرستندویه پلاوي له سفر وروسته، د طالبانو ولایتي ادارې اعلان کړی چې د ابدان په دښته کې ۵ زره جریبه کرنیزه ځمکه د دغو کډوالو د ښارګوټي لپاره ځانګړې کوي.
د پاکستان د پخواني لومړي وزیر او تحریک انصاف کونډ د بنسټګر عمران خان خور، علیمه خان په لاهور کې د عامه نظم د ساتنې قانون ( ۳ اېم پي او) له مخې پولیسو نیولې ده. د لاهور مرستیال کمېشنر د ۳۰ ورځو لپاره علیمه خان د نظر بندې ساتلو حکم صادر کړی دی.
د پنجشېر لپاره د طالبانو والي د دغه ولایت «جـ.هـادي مدرسې» زدهکوونکو ته په خپله وینا کې ویلي چې باید له ځيرکو موبایلونو استفاده ونهکړي، ځکه فکر او «عقیده» یې خرابوي. نوموړي همداراز له زدهکوونکو وغوښتل چې له سیاسي مسایلو هم ځانونه لرې وساتي.
د پکتیا د اریوب ځاځیو ولسوالۍ د سپینې شکې او د کورمۍ ولسوالۍ د ترې منګل ترمنځ پر ډیورنډ کرښه د ډزو غږونه اورېدل کیږي. سرچینو افغانستان انټرنشنل ته وویل، چې له یو ساعت راهیسې د درندو او سپکو ډزو غږونه اورېدل کیږي.
د امریکا ولسمشر ډونالډ ټرمپ وایي، د ایران د جګړې په اړه درې انتخابونه پر مېز دي. هغه دغه انتخابونه د ایران له منځه وړل، له اقتصادي پلوه کمزوري کول او له دغه هېواد سره هوکړه بللي دي.
ایران د یکشنبې په ورځ د امریکا او د هغې د متحدینو د هر ډول نوي لوی برید په اړه خبرداری ورکړ او ویې ویل، چې د داسې برید لپاره چمتووالی روان دی. د ایران د پوځ مرکزي قوماندانۍ دویلي، چې د واشنګټن سیمهییز متحدین به هم د جګړې ښکېل لوري وبلل شي.
د طالبانو د امربالمعروف وزارت ویلي چې په افغانستان کې ټولې ښځې له خپلو بشپړو حقونو برخمني دي او د افغان ښځو د حقونو د نقض په اړه د ټولو سازمانونو ادعاوې «بې بنسټه»دي.
د امریکا د استخباراتو د مرکزي ادارې مشر جان رتکلیف قاهرې ته په یوه بېساري سفر کې د مصر له ولسمشر عبدالفتاح السیسي سره خبرې کړې دي. د مصر د ولسمشرۍ دفتر لیکلي چې په لیدنه کې په ایران، غزه او سودان کې د نښتو او د سیمې د پرمختګونو په اړه خبرې اترې شوې دي.
روسي چارواکي وایي، اوکرایني بې پیلوټه الوتکو پر مسکو او شاوخوا سیمو پراخ بریدونه کړي چې له امله یې دوه کسان وژل شوي او ددغه هیواد د پلازمېنې د تېلو چاڼځي یوه برخه زیانمنه شوې ده.
په امریکا کې د پاکستان پخواني سفیر حسین حقاني د خیبر پښتونخوا په کوهاټ کې د پولیسو پر مرکز د وروستي برید په غبرګون کې ویلي، چې په دې پېښه کې شوې مرګژوبله د پاکستان د تېرو ناسمو سیاستونو پایله ده.
د طالبانو د کورنیو چارو وزارت ویلي چې په ۱۲ ولایتونو کې یې د نشهيي توکو د قاچاق او پلور په تړاو ۶۰ کسان نیولي دي. له نیول شویو کسانو څخه لسګونه کیلوګرامه نشهيي توکي هم ترلاسه شوي دي.
د جاپان په ناګویا کې د ۲۰۲۶ کال د اسیايي لوبو په لړ کې د افغانستان د ووشو برخې پېژندل شوي لوبغاړي محمد خالد هوتک خپل یمني سیال امر محمد ته ماته ور کړې ده. هوتک په دغه بري د لوبو دویم پړاو ته لاره ومونده.
په کابل کې ځايي سرچینو افغانستان انټرنشنل ته وویل، چې د طالبانو استخباراتو د ځینو پخوانیو افغان چارواکو په کورونو کې مېشتو خلکو ته ویلي چې کورونه خالي کړي. د سرچینو په وینا، د طالبانو استخباراتو دغو کورنیو ته ویلي چې دا کار د مولوي هبت الله په امر کوي.
د طالبانو د کور او ښارجوړولو وزیر نجیب الله حیات حقاني د مزارشریف په دشت شور سیمه کې د کډوالو لپاره د ښارګوټي تفصیلي پلان لاسلیک کړی دی. د طالبانو د ښارجوړونې وزارت ویلي چې دغه ښارګوټی پر ۸۸۵۹ جریبه ځمکه جوړیږي.
د افغانستان کرکټ بورډ وايي، ابدالیان کرکټ ملي لوبډله د اسیايي اولمپیکي سیالیو په شلمه دوره کې د ګډون لپاره نن یکشنبه جاپان ته روانه شوې ده. کرکټ بورډ ویلي، چې افغان ابدالیان به راتلونکې پنجشنبه له کوربه هیواد سره د لوبې ډګر ته ووځي.
د پاکستان دفاع وزیر خواجه اصف وايي، چې له افغانستان نه د ناټو له وتلو وروسته یې تمه درلوده چې هېواد به یې خوندي شي، خو دده په وینا، اوس د پاکستان په « ۷۰ تر ۸۰ سلنه بریدونو کې افغانان» ښکیل دي. نوموړي ویلي، چې د اسلاماباد خلاف «د افغانانو دښمني» کمه شوې نه ده.
۲۳ کلنې افغانې فریبا هاشمي، چې په فاریاب کې یې له ویرې په نارینه جامو کې ورزش کاوه، د اسیايي لوبو د ښځو انفرادي «ټایم ټرایل» سیالۍ اووم مقام ګټلی. نوموړې ویلي، «په کوردننه مې ډېرې سختې ورځې تېرې کړې خو دا نه وایم چې زموږ خلک بد دي. موږ ډېر ښکلی هېواد لرو، خو ذهنیتونه متفاوت دي».