د طالبانو ویاند ذبیحالله مجاهد د پاکستان له خوا د افغانستان په خاوره کې د هر ډول پوځي اقدام په اړه خبرداری ورکړی دي. نوموړي له سعودي عربستان څخه غوښتي چې د طالبانو او پاکستان ترمنځ د اختلافاتو د حل منځګړیتوب وکړي.
د خیبر پښتونخوا پولیسو ویلي چې په کوهاټ کې د پولیسو پر مرکز موټر بم برید کې د پنځه پولیسو په ګډون ۱۵ کسان وژل شوي او تر ۴۰ ډېر نور ټپیان شوي دي. برید د جمعې د لمونځ پر مهال شوی دی.
د تېر جمهوري نظام د ملي امنیت پخواني سلاکار حمدالله محب په خپل نوي کتاب کې په افغانستان کې د امریکا پخوانی ځانګړی استازی زلمی خلیلزاد د جمهوري نظام د سقوط په بهیر کې پر «لوی خیانت» تورن کړی. نوموړي ویلي، خلیلزاد د سولې په خبرو کې د افغانستان حکومت څنډې ته کړی و.
د جرمني د بهرنیو چارو وزارت یوې سرچینې افغانستان انټرنشنل ته وویل، چې برلین له خپلو نړیوالو شریکانو سره په ګډه د افغان مېرمنو د حقونو د نقض په تړاو د طالبانو د ځواب ویلو لړۍ تعقیبوي.
د طالبانو د ریاست الوزرا اقتصادي مرستیال عبدالغني برادر پر سیمهییزو او نړیوالو اقتصادي سازمانونو غږ کړی چې په یادو سازمانونو کې د افغانستان غیرفعال حضور پای ته ورسوي او د هېواد رسمي فعال حضور ته زمینه برابره کړي.
د لوېدېځې اسیا لپاره د ملګرو ملتونو اقتصادي او ټولنیز کمېسیون «اسکوا» اټکل کړی، چې د امریکا او ایران جګړې یوازې په لومړۍ میاشت کې د عربي هېوادونو اقتصاد ته نږدې ۱۵۰ مېلیارد ډالره زیان اړولی چې د سیمې د ناخالص کورني تولید شاوخوا څلور سلنه جوړوي.
د جرمني پولیسو یو ۳۷ کلن افغان د دغه هېواد په لوېدیځ کې د ووپرتال ښار د یوې کنیسې د سوځولو د هڅې په شک نیولی دی. په دې پېښه کې څوک نهدي ټپیان شوي او اور ژر مهار شوی دی. دغه پېښه د پنجشنبې په ورځ (د وږي ۲۶مه) شوې ده.
د پاکستان د لاهور ښار عالي محکمې د پنجاب له طبي پوهنتونونو او کالجونو څخه د افغان محصلینو د اېستلو پرېکړه تر راتلونکې اورېدنې پورې وځنډوله او د هغوی د اېستلو مخنیوي حکم یې وغځاوه.
په بدخشان کې د طالبانو والي رحمت لله نجیب یوې غونډې ته د وینا پرمهال په افغانستان کې د یادې ډلې مخالفو جبهو فعالیتونو ته په اشارې ویلي، ټولو ته روښانه ده چې د ډیموکراسۍ، ازادۍ او تش په نوم جبهو مبارزه د څه لپاره ده.
په کونړ کې د طالبانو تر واک لاندې د پېښو پر وړاندې د مبارزې ریاست خبر ورکړی، د دغه ولایت د څوکۍ ولسوالۍ په دیوه ګل درې، بدګوړ او چلس سیمو کې سېلابونه راوتلي چې دوه ماشومان یې له ځان سره وړي دي.
له بدخشان ولایت نه یوشمېر روغتیایي کارکوونکو افغانستان انټرنشنل ته په رالیږلي پیغام کې ویلي، دوی ته ویل شوي یونېسف خپله بودجه ۳۰سلنه را کمه کړې او له همدې امله به په دغه ولایت کې ګڼ روغتیایي کلینیکونه وتړل شي.
په افغانستان کې د نجونو پر منځنیو زدهکړو د بندیز پنځه کاله پوره شول. یونېسف وايي، په همدې موده کې تر ۲.۶ مېلیونه ډېرې نجونې له منځنیو زدهکړو بېبرخې شوې دي. د نورو سیمو ترڅنګ د سویلي ولایتونو یوشمېر نجونې خپل راتلونکي ته نهیلې او یوشمېر یې ان په رواني ناروغیو اخته شوې دي.
فایننشل ټایمز د باخبره سرچینو په حواله راپور ورکړی، چې د پاکستان د پوځ مشر عاصم منیر په وار، وار له ایراني چارواکو غوښتي چې پر سعودي عربستان او د دغه هېواد د انرژۍ پر تاسیساتو د حوثیانو د بریدونونو درولو هڅه وکړي.
د لاهور د شیخ خلیفه بن زاید النهیان طبي او غاښونو کالج پنځو افغان محصلینو افغانستان ته د هغوی د بېرته ستنولو په اړه د پاکستان د طبي شورا د پرېکړې پرضد د لاهور عالي محکمې ته عریضه کړې ده.
په بغلان کې د طالبانو د کرنې، اوبو لګولو او مالدارۍ ریاست رسنیز مسوول ولي امیرخېل وايي، سږکال په دغه ولایت کې پر ۱۷۵۰ هکټاره ځمکه د مڼو باغونه جوړ شوي چې د اټکل له مخې به ترې ۷۴زره او ۷۹۴ مټریک ټنه حاصلات ترلاسه شي.
په ملګرو ملتونو کې د پاکستان دایمي استازي عاصم افتخار احمد یو وار بیا ویلي، چې طالبان په افغانستان کې د وسلهوالو ډلو پر وړاندې د عملي اقدام په ترسره کولو کې پاتې راغلي دي. نوموړي زیاته کړې، چې یادې ډلې د پاکستان په ګډون د نورو هېوادونو امنیتي اندېښنې له پامه غورځولې دي.
امریکا پر سعودي عربستان د شاوخوا ۲۴.۳ مېلیارد ډالرو په ارزښت د اېف-۳۵ جنګي الوتکې پلوري. د امریکا د بهرنیو چارو وزارت سعودي عربستان یو «مهم شریک» بللی او ویلي یې دي، چې د اېف-۳۵ جنګي الوتکې به د دغه هېواد د امنیت په پیاوړتیا کې مرسته وکړي.
د ۱۴۰۴کال د غبرګولي په ۲۷مه چې د ۲۰۲۵کال د جون له ۱۷مې سره سمون لري، طالبانو له چینايي شرکت «افچین» سره د امو سیند د تېلو د استخراج ۲۵ کلن قرارداد لغوه کړ او ادعا یې وکړه، چې لامل یې د یاد شرکت د «قراردادي مکلفیتونو تکراري سرغړونه او د پانګونې نشتوالی» دی.
د ملګرو ملتونو د کډوالو عالي کمېشنرۍ (UNHCR) وايي، د ۲۰۲۶کال له پیل راهیسې د سپټمبر تر ۱۲مې پورې له ایران نه تر ۵۲۲زره ډېر افغان کډوال افغانستان ته ستانه شوي چې له دې ډلې ۴۳۹زره کډوال په جبري توګه ستانه کړای شوي دي.
په کونړ کې د طالبانو د کانونو او پټرولیم ریاست خبر ورکړی، چې په دغه ولایت کې یې د ازادې بولۍ له لارې د ۱۵۴ مېلیونه افغانیو په ارزښت څه باندې ۹۰۰ کیلو ګرامه د بیروج ډبرې پلورلې دي.
د پاکستان پوځ اعلان کړی، چې په خیبر پښتونخوا کې د وسلهوالو پرضد د یو لړ عملیاتو پرمهال لږترلږه لس وسلهوال وژل شوي دي. د پوځ د بیان له مخې، له دې ډلې شپږ وسلهوال په شمالي وزیرستان او څلور نور په هنګو کې له پاکستاني ځواکونو سره په نښتو کې وژل شوي دي.