مېډلاېسټای راپور ورکړی، چې ترکیې د امریکا د بندیزونو د خطر له امله دغه هېواد او له دغه هېواده د ایران د «ماهان» هوايي شرکت د ټولو الوتنو د بندولو پرېکړه کړې ده. د راپور لهمخې، دا پرېکړه به د وږي له ۳۰مې عملي شي او د ایران او ترکیې ترمنځ د «ماهان» ټولې الوتنې به پهکې شاملې وي.
څو ورځې وړاندې د ترکیې د استخباراتو د ملي سازمان رییس ابراهیم کالین او د قطر د ملي امنیت شورا مرستیال حماد خمیس کابل ته د خپل سفر پر مهال له لوړپوړو طالب چارواکو سراج الدین حقاني، مولوي یعقوب مجاهد او عبدالحق وثیق سره جلا جلا لیدنې او خبرې اترې وکړې.
د ازادۍ جبهې د سیاسي برخې مشر داوود ناجي په بدخشان کې د طالبانو د والي وروستیو څرګندونو ته په غبرګون کې ویلي، دوی د طالبانو د «امارت» او «بیعت» د لهمنځه وړلو او د یوه داسې ځواب ویونکي او انتخابي حکومت د جوړولو لپاره مبارزه کوي چې د واک موده یې محدوده وي.
د پاکستان سرحدي ځواکونو د دغه هېواد د بشري حقونو سازمان په غوښتنه په تورخم کې یوه افغان مور او پلار او د هغوی ناروغ ماشوم ته د درملنې لپاره له ویزې پرته پاکستان ته د اوښتو ځانګړې اجازه ورکړې ده.
د لوګر لپاره طالب مسوولینو د دغه ولایت په محمد اغې ولسوالۍ کې د نامعلومو وسلهوالو له لوري د یوه قومي مشر حاجي ببرګ احمدزي وژل کېدل تایید کړل. دغه ولایت لپاره د طالبانو امنیه قومندانۍ په همدې تړاو د درېیو مشکوکو کسانو له نیولو خبر ورکړ.
د ملګرو ملتونو کارپوهانو له پاکستان څخه غوښتي، چې د افغان کډوالو او په ځانګړې توګه د بېسرپرسته ښځو او ماشومانو بېرته ستنول ودروي او د هر افغان له اېستنې مخکې، په انفرادي ډول د هغه د ځورونې، شکنجې او نورو جدي بشري حقونو د نقض خطرونه وڅېړي.
د خیبر پښتونخوا په کوهاټ ولسوالۍ کې د پولیسو پر مرکز په شوې چاودنه او بريد کې د وژل شویو کسانو شمېر ۲۱ ته رسېدلی او ۱۰۳ نور ټپیان شوي دي. دغه برید د جمعې په ماسپښین ترسره شوی او ځايي پولیسو د بریدګرو د لټون عملیات پیل کړي دي.
یو شمېر افغان محصلان چې له پاکستان نه افغانستان ته ستانه کړل شوي، وایي د پاکستان د معتبرې ویزې په لرلو سربیره هم په کابل هوايي ډګر کې پاکستان ته د بېرته تګ اجازه نه ورکول کېږي.
د طالبانو د ریاست الوزرا اقتصادي مرستیال ملا عبدالغني برادر په بلخ کې د «امام شقیق بلخي» په نوم د صنعتي ښارګوټي د بنسټ ډبرې اېښودو په مراسمو کې ویلي چې افغانستان به پر یوه پیاوړي تولیدي هېواد بدل کړي.
د طالبانو د کاپیسا ولایت د کرنې ریاست وايي چې سږ کال په دغه ولایت کې د جڼغوزیو حاصلات ۴۰ سلنه زیات شوي دي. د ریاست په وینا، په نجراب او اله سای ولسوالیو کې شاوخوا ۱۱ زره هکتاره ځمکه د جڼغوزیو ونې لري او د حاصلاتو زیاتوالی هم د سالم مدیریت او وروستیو ورښتونو له امله دی.
د افغانستان په جنگونو كې د سترو استعماري ځواكونو؛ شوروي اتحاد او امريكا او د دوى استخباراتي شبكو ونډه تر ډېره حده جوته او څېړل شوې، خو د تيل شركتونه، نيابتي جنگونه، كرايي جنگيالي او دلالان یې لږ د رسنيو تر كامرو لاندې نيول شوي؛
د پاکستان د کورنیو چارو وزیر محسن نقوي په کوهاټ کې د پولیسو په مرکز کې موټر بم برید ته په غبرګون ویلي چې د خیبر پښتونخوا اعلی وزیر او ایالتي حکومت دې د لاریونونو پر ځای د ترهګرۍ په وړاندې مبارزه وکړي.
جنرال سمیع سادات په مشرۍ د طالبانو مخالفې ډلې، متحدې جبهې ادعا کړې چې تېره شپه یې په جلال ابادښار کې د طالبانو د استخباراتو یو غړی وژلی دی. یادې جبهې ویلي، چې په نښه شوې کس د پخوانیو امنیتي ځواکونو او ځوانانو په وژلو کې لاس درلود.
د پاکستان د بلوچستان ایالت د کورنیو چارو وزیر ضیا لانګو ویلي، چې د حکومت ځینې چارواکي، سیاسي څېرې او غیر دولتي ادارې په دغه ایالت کې له فعالو وسلهوالو ډلو سره مالي مرستې کوي او د هغوی د فعالیتونو لپاره اسانتیاوې برابروي.
ملګرو ملتونو د کډوالۍ اداره وايي، د یمن په لوېدیځ ساحل کې د جګړو له زیاتېدو سره په تېرو دوو اوونیو کې لږ تر لږه ۱۱۲ زره کسان د دغه هېواد دننه بېځایه شوي او نږدې درې زره نور د سمندر له لارې جبوتي ته تښتېدلي دي.
له زرو زیات افغانان له څو کلونو راهیسې د قطر په السیلیه کمپ کې له بېبرخلیکۍ، ناروغیو او رواني فشارونو سره ژوند کوي او درملنې ته محدود لاسرسی لري. په دغه کمپ کې لږ تر لږه ۱۰۰ ماشومان زیږېدلي چې یو شمېر یې همالته لوی شوي، خو له منظمو زدهکړو محروم دي.
د ملي امنیت پخواني سلاکار حمدالله محب په خپل نوي کتاب کې د جمهوریت د سقوط تر شا د کابل سیاسي اختلافونو، د دولتي ادارو د کمزورۍ، د سیاسي څېرو د سیالیو او د امریکا د رول په اړه خپل روایت وړاندې کړی او زلمي خلیلزاد یې پر «لوی خیانت» تورن کړی دی.
«باور به مو ونه شي، خو ان د ښوونځي مېز او څوکۍ راته یادېږي». دا د هغه ۱۵ کلنې هیله ژړغونې خبرې دي چې پنځه کاله وړاندې، په لس کلنۍ کې د شپږم ټولګي زده کوونکې وه، خو پنځه کاله وړاندې، په همدې ورځ یې پر مخ د زده کړو دروازه وتړل شوه.
طالبانو د خپلې روانۍ ماکمنۍ پرمهال په کابل کې د درېیو سیاسي او مذهبي مشرانو خصوصي پوهنتونونه تړلي دي. په دغو پوهنتونونو کې د عبدالرب رسول سیاف اړوند دعوت د ګلبدین حکمتیار اړوند اسلامي د محمد اصف محسني اړوند خاتمالنبین پوهنتونونه شامل دي.
د طالبانو ویاند ذبیحالله مجاهد د پاکستان له خوا د افغانستان په خاوره کې د هر ډول پوځي اقدام په اړه خبرداری ورکړی دي. نوموړي له سعودي عربستان څخه غوښتي چې د طالبانو او پاکستان ترمنځ د اختلافاتو د حل منځګړیتوب وکړي.
د خیبر پښتونخوا پولیسو ویلي چې په کوهاټ کې د پولیسو پر مرکز موټر بم برید کې د پنځه پولیسو په ګډون ۱۵ کسان وژل شوي او تر ۴۰ ډېر نور ټپیان شوي دي. برید د جمعې د لمونځ پر مهال شوی دی.