د اسلاماباد د ترهګرۍ ضد محکمې د خیبر پښتونخوا د اعلی وزیر سهیل اپریدي په ګډون د پاکستان تحریک انصاف ګوند د ملي او ایالتي اسمبلۍ د ۲۴ غړو د پاسپورټونو د بلاک کولو حکم کړی او د فډرالي څېړنو ادارې ته یې سپارښتنه کړې چې تر بل حکم پورې یې بند وساتي.
د ایران د اسلامي جمهوریت ولسمشر مسعود پزشکیان وايي، که د دوی هېواد د اټومي وسلو د ترلاسه کولو په لټه کې وای، نو د اټومي وسلو د نهخپراوي تړون (این پي ټي) غړیتوب به یې نه درلود.
د روسیې په مشرۍ د ډلهییز امنیت تړون سازمان په سوېل ختیځ قزاقستان کې پوځي تمرینات پیل کړی چې اصلي تمرکز یې له افغانستان څخه د منځنۍ اسیا هېوادونو ته د احتمالي وسلهوالو ډلو د نفوذ پر وړاندې د مبارزې پر تمرین دی.
د تېلو او اوبلنو ګازو د بیو له لوړېدو سره هممهاله، د طالبانو د صنعت او سوداګرۍ وزارت وايي چې د دغو توکو د بیو د زیاتوالي عوامل یې له واردوونکو سره څېړلي دي.
د پاکستان د طبیعي پېښو او ژغورنې اداره وایي، د پښتونخوا د کوهاټ ولسوالۍ په دربو کچ سیمه کې د سرو زرو د کان پر سر د دوو ډلو ترمنځ وسله واله نښته شوې چې له امله یې څلور کسان وژل شوي او درې نور ټپیان دي.
د روغتیا نړیوال سازمان ویلي، چې په افغانستان کې د ماشومانو د ګوزڼ ناروغۍ (پولیو) کچه لوړه شوې او سږ کال یې مثبتې ثبت شوې پېښې ۲۵ ته رسېدلې دي.
د امریکا مرکزي استخباراتو اداره (سياېای) وايي، د سپټمبر ۱۱مې د بریدونو ۲۵ کاله وروسته هم د دغې پېښې یاد د ترهګرۍ پر وړاندې د امریکا د مبارزې او د هېواد د امنیت ساتنې د ماموریت مهمه برخه ده.
د پښتونخوا په لنډي کوتل کې د حمزه بابا په نوم د افغان کډوالو د بېرته ستنولو د کمپ مسوولین وایي چې له دغه مرکز څخه یې تېره ورځ له ۴۱۱ څخه ډېر افغان کډوال د تورخم له لارې افغانستان ته ستانه کړي دي.
د جمهوري نظام پر مهال د افغانستان د عدلیې وزیر فضلاحمد معنوي وايي، که په کابل کې د طالبانو د «امر بالمعروف» ادارې له لوري د ښځو او نجونو د جبري نیولو په اړه خپاره شوي راپورونه سم وي، دا یوازې د څو ښځو او نجونو د نیولو موضوع نه، بلکې د هغوی پر شخصي حریم تیری دی.
د پښتونخوا اعلی وزیر سهیل اپریدي د پنجاب ایالتي حکومت ته په اشارې سره ویلي چې د ده د تښتولو هڅه یې کړې او وروسته یې له امنیت پرته د لاهور په لکشمي چوک کې خوشې کړی دی. هغه دا پېښه د پاکستان د یووالي پر ضد دسیسه بللې او ویلي یې دي، په دې کار کې ښکېل کسان به د خپلو کړنو حساب ورکوي.
د ملګرو ملتونو د ماشومانو وجهي صندوق (یونیسف) وايي، د ۲۰۲۶ کال د جولای په میاشت کې په افغانستان کې ناڅاپي سېلابونو په ۱۴ ولایتونو کې ۱،۱۶۸ کورنۍ اغېزمنې کړې او ۱،۱۶۴ کورونه یې زیانمن یا په بشپړه توګه ویجاړ کړي دي.
د امریکا ولسمشر ډونالډ ټرمپ وايي، له ایران سره د پوځي نښتو له پای ته رسېدو سره به د تېلو بیه «لکه ډبره» په چټکۍ راټیټه شي.
افغان کرېکټ لوبډله به سبا سهشنبه، د هند پر وړاندې د درې شلاوریزو نړیوالو سیالیو د لوبلړۍ په دویمه لوبه کې د خپلې لومړۍ ماتې د جبران او د لوبلړۍ د برابرولو په هڅه کې به د نوي ډیلي د ارون جېټلي لوبغالي ته ښکته شي.
د «رواداري» په نوم د بشري حقونو بنسټ د «حسابورکونه، نه عاديکول» په نوم د یوه کمپاین په پیلولو سره له جرمني، کاناډا، اسټرالیا او هالنډ څخه غوښتي چې د ښځو پر وړاندې د هر ډول تبعیض د له منځه وړلو کنوانسیون په چوکاټ کې د طالبانو د حسابورکونې لپاره خپلو ژمنو ته عملي بڼه ورکړي.
ننګرهار کې د طالبانو ښار جوړولو ریاست وايي، د افغان کډوالو د پراخو راستنېدنو په دوام يې په تېرو دوو میاشتو کې، په ځانګړو ښارګوټو کې د بېرته راستنو شوو افغانانو لپاره ۵،۳۸۲ د استوګنې نومرې وېشلي، خو د راستنېدونکو د زیات شمېر په پرتله د استوګنې د زمینې برابرولو اړتیا لا هم ډېره ده.
د طالبانو د ترانسپورټ او هوايي چلند وزارت د هوا پوهنې ادارې د سې شنبې په ورځ په یو شمېر ولایتونو کې د سختو بارانونو، تالندې او برېښنا، له دوړو سره د تېزو بادونو او ناڅاپي سېلابونو د راوتلو د احتمال په اړه خبرداری ورکړی دی.
د ایران د زاهدان د محمد رسولالله جومات د اهل سنت امام مولوي یوسف گرګیج د ناپېژاندو وسلهوالو کسانو په ډزو کې وژل شوی. مولوي گرګیج د دوشنبې په ورځ د سپاه پاسداران د وژل شویو کسانو په جنازه کې هم ګډون کړی و.
د سویډن په پارلماني ټاکنو کې د کډوالۍ ضد «سویډن دیموکرات» ګوند ۱۷،۶ سلنه رایې ګټلې، چې د تېرو ټاکنو په پرتله درې سلنه کمې دي. په سټاکهولم کې کډوالو د دغه ګوند له شاتګ خوښي ښودلې ده.
د سعودي عربستان د انرژۍ وزیر شهزاده عبدالعزیز بن سلمان وايي، د مدینې په جبل سید پروژه کې اکتشافاتو او جیولوجیکي مطالعاتو شاوخوا ۱۱۰میلیونه ټنه کاني ډبره اټکل کړې، چې نادر عناصر لري او د یورانیمو د پام وړ زیرمې هم پکې دي.
د رویټز د راپور پر بنسټ د خلیج هېوادونو له ایران سره پلان شوې غونډه لغوه کړې ده. دا پرېکړه په داسې حال کې شوې چې د یمن وسله والو پر سعودي عربستان نوي بریدونه کړي دي.
د طالبانو د کورنیو چارو وزیر سراج الدین حقاني په افغانستان کې د چین له سفیر ژاو شېنګ سره د هغه د ماموریت د پای ته رسېدو په مناسبت لیدلي او د دواړو هېوادونو د اړیکو په پیاوړتیا کې یې د نوموړي رول مثبت بللی دی.