د پاکستان د پنجاب ایالت په چنیوټ ولسوالۍ کې د یوه کور چت پرېوتو له امله د یوې کورنۍ څلور غړي مړه او یوه مېرمنه سخته ټپي شوې ده. ځایي چارواکي وایي، چې ټپي شوې مېرمنه یې د درملنې لپاره روغتون ته لېږدولې ده.
د طالبانو تر واک لاندې د کډوالو ستونزو ته د رسېدنې عالي کمېسیون وایي، تېره ورځ ۱۰۱۵ کډوالې کورنۍ چې ټولټال ۵زره او ۳۵۵ کسان کېږي؛ له ایران او پاکستان نه افغانستان ته ستنې شوې دي.
په ملګرو ملتونو کې د ایران استازي ځینې سیمهییز هېوادونه د «ایران پر وړاندې په تېري» کې په همکارۍ تورن کړل او د زیانونو د حساب ورکولو او جبران غوښتنه یې وکړه.
د خیبر پښتونخوا سر وزیر سهیل اپریدي صوبايي اسمبلۍ کې د وینا پرمهال ویلي، د راتلونکې شنبې ورځ به د ډرون بریدونو پر ضد یوه جرګه راوبلل شي چې پهکې به د قبایلي مشرانو او سیاسي ګوندونو استازو په ګډون د راتلونکو ګامونو په اړه پرېکړه وشي.
ډونالډ ټرمپ د ایران په اړه د امریکا د سمندري ځواکونو د یوه پخواني قوماندان د څرګندونو ستاینه وکړه او هغه یې «ډېر هوښیار» وباله. ټرمپ پر ټروت خواله رسنۍ له فاکس نیوز سره د کرک لیپولډ د مرکې ملاتړ وکړ. لیوپولډ ویلي و، ایران د سپاه پاسداران تر کنټرول لاندې دی.
پاکستان کې مېشتې افغان ښځینه خبریالانې او فعالانې چې اوسمهال د جبري ستنېدو له ګواښ سره مخ دي وایي، افغانستان ته بېرته تګ کولای شي د دوی ژوند له ګواښ سره مخ کړي. افغان خبریاله یاسمین نبيزاده د طالبانو تر ګواښونو وروسته دامهال په پاکستان کې له یوه ناروښانه برخلیک سره مخ ده.
ډیموکراټ سناتور ریچارډ بلومنټل خبرداری ورکړی، چې د محرمو معلوماتو پربنسټ په نږدې راتلونکي کې د ایران پر وړاندې د پوځي برید احتمال ډېر لوړ دی. هغه دغه احتمال «د اندېښنې وړ» وباله او ویې ویل، دغه ډول کړنې کولای شي د امریکایي سرتېرو ژوند له ګواښ سره مخ کړي او پراخ تلفات رامنځته کړي.
د افغانستان د فوټبال ښځینه لوبغاړې چې دامهال جلاوطنه دي، د فوټبال نړۍوال فدراسیون (فیفا) د وروستۍ پرېکړې له امله یو ځل بیا د المپیک سیالیو ته لاره موندلې او راتلونکې ته هیلهمنې شوې دي.
د افغانستان جمعیت اسلامي ګوند د یونېسف تازه راپور په غبرګون خبرداری ورکړی، چې د طالبانو د واک دوام د افغانستان راتلونکی په ټولو برخو کې له جدي ګواښ سره مخ کړی دی. د طالبانو دغه مخالف ګوند ویلي، له دغه وضعیت څخه د افغانستان ژغورل یو «ګډ ملي او نړۍوال مسوولیت» دی.
د برېتانوۍ ټېلګراف ورځپاڼې موندنې ښيي، چې په تېر کال کې له برېتانیا څخه د اېستل شویو افغان پناهغوښتونکو شمېر تر ۲ سلنې کم وو. د شبانه محمود په مشرۍ د برېتانیې کورنیو چارو وزارت تېر کال افغانانو ته د تحصیلي او همداراز د کاري ویزو بهیر هم بند کړی وو.
د جمهوریت پر مهال د دفاع وزارت سرپرست شاه محمود میاخېل د افغانستان او پاکستان ترمنځ د روان کړکېچ په اړه ویلي، چې له اسلاماباد سره غیر رسمي ناستې او «ټرک ټو» غونډې د افغانستان دریځ زیانمنوي او د پاکستان د دریځ د پیاوړتیا سبب ګرځي.
په نړیوالو اوبو کې د غزې په لور د روانې مرستندویې بېړۍ درولو او د سپرو کسانو د نیولو پر سر متضاد دریځونه راڅرګند شوي. د نیویارک ښاروال زهران ممداني دا اقدام د نړیوالو قوانینو ښکاره سرغړونه بولي، خو د امریکا بهرنیو چارو وزارت دغه کاروان «د حماس ملاتړی او بېګټې سیاسي حرکت» ګڼي.
د ننګرهار ولایت لپاره د طالبانو امنیه قومندانۍ وايي، په تېره یوه اونۍ کې یې د بېلابېلو عملیاتو په ترڅ کې ۱۹ کسان د نشهيي توکو د قاچاق، پېر او پلور په تور نیولي دي. یاده قومندانۍ زیاتوي، له دغو کسانو یوه اندازه نشهيي توکي هم ترلاسه شوي دي.
د واشنګټن پوسټ ورځپاڼې په یوه څېړنیزه مقاله کې راغلي، چې پر ایران اقتصادي محاصره په یوازې ځان نشي کولای دغه هېواد د هوکړې منلو ته اړ کړي، او د جګړې د پای ته رسولو لپاره امریکا ښايي نظامي اقدام ته مخه کړي
د جمهوریت پر مهال د افغان فلم پخوانۍ مشرې صحرا کریمي ویلي چې طالبانو نه یوازې د نجونو پر مخ ښوونځي او پوهنتونونه تړلي، بلکې د افغان ښځو د حضور، فکر او بیان د محدودولو هڅه هم کوي، خو په وینا یې افغان ښځو تسلیمي نه دي منلي.
د روسيې د بلګورود سيمې والي ویاچسلاو ګلادکوف د جمعې په سهار په ټيليګرام کې ويلي، چې يوې اوکراينۍ بېپيلوټه الوتکې دوه تنکي ځوانان وژلي دي. د هغه په وينا، دغه ځوانان پر موټرسايکل سپاره وو چې بريد پرې وشو او دواړه ووژل شول.
د افغانستان د مخکیني جمهوري نظام پر مهال د ولسمشر مرستیال احمد ضیا مسعود په خپلې تازه مقاله کې ليکلي، چې فدرالېزم د حکومتولۍ «وروستی جوړښت» نه دی، بلکې يوازې هغه مهال په ماناداره ډول ارزول کېدای شي چې د دولت جوړونې يو تدريجي بهير پوره شوی وي.
د طالبانو د سترې محکمې اداري مرستیال د کونړ لپاره د دغې ډلې د محاکمو مسوولینو ته په وینا کې وویل، که محاکم پر فساد اخته شول، نو بیا ټول نظام ورسره فاسدیږي. د طالبانو پر محاکمو تور دی، چې د خلکو قضایاوې ډېرې ځنډوي او دا په خپله فساد ته د زمینې برابرول دي.
د ملګرو ملتونو سرمنشي انتونیو ګوټریش خبرداری ورکړی، چې د هرمز تنګي په سیمه کې د تګ راتګ او کښتۍ چلونې د ازادۍ محدودیتونه نه یوازې د انرژۍ او سوداګرۍ نړیوال جریان ګډوډوي، بلکې د نړۍ اقتصاد د سخت رکود او بېثباتۍ له ګواښ سره مخ کوي.
د امريکا ولسمشر ويلي، ايران بايد هېڅکله اټومي وسلو ته لاسرسی پيدا نه کړي او امريکا د هر ډول احتمالي اقدام لپاره د نورو هېوادونو مرستې ته اړتيا نه لري. ټرمپ وويل، چې له لومړۍ ورځې راهيسې د ايران کار «پای ته رسېدلی و» او که اړتيا پېښه شي، امريکا بشپړ چمتووالی لري چې اقدام وکړي.
د طالبانو تر واک لاندې د پېښو سره د مبارزې او امادګۍ ادارې د نړیوالو باوري بنسټونو د ارزونو پر بنسټ خبرداری ورکړی، چې د هېواد په شمالختیځ، ختیځ او مرکزي ولایتونو کې د سېلابونو راوتلو ګواښونه شته، په داسې حال کې چې په ځینو سیمو کې وچکالي او لوړې تودوخې هم دوام لري.