آرشیف

د قطر بهرنیو چارو وزارت ویلي، چې د اسلامي همکاریو سازمان د وزیرانو د تماس ډلې د شنبې په ورځ (د مرغومي ۲۷مه) په سعودي عربستان کې د افغانستان په اړه تخنیکي غونډه کړې ده.

ډاکټر علي شعث د غزې ادارې ملي کمیټې د مشر په توګه د خپل ماموریت اعلامیه لاسلیک کړه. نوموړي ویلي،چې د ملګرو ملتونو د امنیت شورا د پریکړه لیک او د غزې په اړه د ټرمپ د سولې پلان په چوکاټ کې د غزې د انتقالي دورې له لارې د فلسطین دایمي سولې د ټينګښت لپاره کار کوي.

د عراق دفاع وزارت ویلي، چې له عین الاسد هوايي اډې څخه امریکايي ځواکونه وتلي او اوس د یادې اډې بشپړ کنټرول د عراقي ځواکونه په واک کې دی.

د افغانستان د ژغورنې لپاره د مقاومت عالي شورا طالبانو ته په نوي ډیلي کې د افغانستان سفارت د سپارلو په اړه د هند پرېکړه «بېړه‌ناکه» بللې ده. دغې شورا په سیمه او نړۍ کې له طالبانو سره د اړیکو د عادي کولو او تعامل په برخه کې د امنیتي او ټولنیزو پایلو په تړاو خبرداری ورکړی دی.

د طالبانو د کار او ټولنیزو چارو وزاررت ویلي، چې د ۱۴۰۴ کال له پیل څخه تر دې دمه یې له شل زره څخه ډېرو کسانو ته په وړیا توګه حرفوي او مسلکي زده‌کړې ورکړې دي. له دغه ډول مرکزونو فارغ شوي ځوانان بیا له دې شکایت لري، چې په دولتي ادارو کې ورته هېڅ ډول کاري زمینه نه‌برابرېږي.

د فرانسې ولسمشر، د بریتانیا لومړي وزیر، د اروپايي کمېسیون مشرې، د سویډن لومړي وزیر او د اروپايي شورا مشر په جلا جلا بیانونو کې د ټرمپ هغه خبرداري ته چې د ګرینلنډ نه‌پېرلو هوکړې په صورت کې به د ګرینلنډ او ډنمارک پر ملاتړو هېوادونو لوړې تعرفې ولګولي سخت غبرګونونه ښودلي دي.

د طالبانو ستره محکمه وايي، په کابل کې یې یو کس په ۳۹ دُرو وهلی دی. د کابل ولایت لپاره د طالبانو د ښاري محکمې د درېیم زون د جزا دیوان د مسوولینو په وینا، دغه کس د جنسي تیري په تور په دُرو وهل شوی دی.

په هلمند کې د درېیو شمالي او درېیو سویلي ولسوالیو تر منځ د غېږ نیونې سیالۍ ترسره شوې. د هلمند ولایت لپاره د طالبانو د بدني روزنې او سپورټ مسوولین وايي، دغه سیالۍ په کجکي ولسوالۍ کې د ۱۰۰ لوبغاړو تر منځ وشوې او د سویلي ولسوالیو لوبغاړي د دغو سیالیو ګټونکي شول.

په تېرو شاوخوا ۲۶ کلونو کې په ایران د لاریونونو شپږ پراخې څپې راپوته شوې دي. د هر لاریون لامل بېل و. له ۲۰۰۰م کال راهیسې په لاریونونو کې په ښکاره ډول د دغه هېواد د مذهبي مشر علي خامنه‌يي پر ضد شعارونه ډېر شوي دي.

نوموتي سندرغاړي شفیق مُرید د یوه ویډیويي پیغام په خپرولو سره ویلي، چې طالبانو د ملا هبت‌الله په امر د هغه روزنتون تړلی او یتیم ماشومان او د روزنتون ټول وسایل یې د طالبانو تر کنټرول لاندې روزنتونونو ته لېږدولي دي.

د طالبانو تر واک لاندې د افغانستان برېښنا شرکت وايي، چې د کاسا ۱۰۰۰ پروژې چارې د افغانستان په خاوره کې ۷۵ سلنه بشپړې شوي او د ۲۰۲۷ کال تر پایه به یې ټولې چارې بشبړې شي. په دې پروژې سره د منځنۍ اسیا برېښنا سویلي اسیا ته لېږدول کېږي.

د ملي ډيموکراټيک غورځنګ مشر مُحسن داوړ په تیراه کې عملیاتو ته په غبرګون ویلي، چې په پښتونخوا کې حکومتولي د عمران خان د راخوشې کېدو لپاره قرباني شوې او په وینا یې، ایالتي مشران د ناامنیو پړه د تړلو دروازو تر شا پر پریکړو اړوي.

د امریکا ولسمشر ډونالډ ټرمپ اعلان وکړ، که د «ګرینلنډ د بشپړ او ټولیز پېرلو» په اړه کومه هوکړه ونه‌شي، نو متحده ایالات به پر ډنمارک، یو شمېر نورو اروپايي هېوادونو او برېتانیا پرله‌پسې زیاتېدونکي تعرفې ولګوي.

د پښتون ژغورنې غورځنګ مشر منظور احمد پښتین پر اروپامېشتو پښتنو غړ کړی، چې په سویس زیرلینډ کې د نړۍوال اقتصادي فورم کلنۍ غونډې پر مهال د پښتنو د حقونو لپاره د غږ پورته کولو په موخه لاریونونه وکړي.

د طالبانو د عامې روغتیا وزارت د وروستیو شمېرو له‌مخې، چې په ۲۰۲۵ کال کې یې راټولې کړي، په افغانستان کې شاوخوا ۳ میلیونه ښځې او ماشومان پر خوارځواکۍ اخته دي. نړۍوالو بنسټونو تر دې مخکې ویلي و، چې په افغانستان کې ۳ اعشاریه ۷ میلیونه ښځې او ماشومان پر خوارځواکۍ اخته دي.

د طالبانو د لوړو زده کړو وزیر ندا محمد ندیم په کابل طبي پوهنتون کې جوړې شوې ناسته کې ویلي، چې هیله لري د دغو استادانو په په واسطه په صحي میدان کې نور هم قوي، پر ځان بسیا او له پردیو مستغني شو. نوموړي ډاکټران د صحت معماران او د روغتیا د سنګر اتلان وبلل.

د الجزیرې د راپور له مخې، د تېر کال د اکتوبر له اوربند راهیسې لږ تر لږه ۴۶۳ فلسطیني وګړي وژل شوي او پر غزه د اسراییلي ځواکونو بریدونه لا هم دوام لري.

د طالبانو د کورنیو چارو وزیر سراج الدین حقاني د یو نهه کلن هلک محمد امیري کوربه توب وکړ، چې ویل کیږي د انټرنټ له لارې یې په څو بهرنیو ژبو کې مهارت ترلاسه کړی. حقاني، نوموړی یو بااستعداده ماشوم بللی او د زده کړې، روزنې او مالي ملاتړ په برخه کې یې ورسره د مرستې ژمنه کړې ده.

د جرمني په فرانکفورت کې د افغانستان د راتلونکي په اړه د بحث لپاره د لسګونو افغان سیاسي او اکاډمیکو شخصیتونو په ګډون دوه ورځنی کنفرانس پیل شو. دا غونډه، چې عنوان یې د راتلونکی لید، سیاسي نظام، ټولنیز عدالت، دوامداره پراختیا او په سیمه او نړۍ کې د افغانستان دریځ ته ځانګړی شوی و.

افغانستان لپاره د ملګرو ملتونو د بشري حقونو ځانګړي راپور ورکوونکي، ریچارډ بېنټ، د طالبانو له خوا په کندز کې د ناظره رشیدي او په هرات کې د خدیجه احمدزاده د نیولو په اړه ژوره اندېښنه څرګنده کړې او د دوی د سمدستي خوشې کېدو او د امنیت تضمین غوښتنه یې کړې.

د عوامي نېشنل ګوند مشر اېمل ولي خان وايي، چې په پښتنوخوا کې د ترهګرو بیا مېشتولو مسوولین د پاکستان د هغه وخت د پوځ مشر قمر جاوید باجوه، د ای اېس ای مشر جنرال فیض حمید، پخوانی ولسشمر عارف علوي او پخوانی لومړی وزیر عمران خان دی. نوموړی وايي ما د دوی پرضد شکایت کړی.