د افغانستان لپاره د اسلامي همکاریو سازمان ځانګړي استازي په استانبول کې د افغانستان د همغږۍ ډلې په دوه ورځنۍ ناسته کې پر نړیواله ټولنه غږ کړی، چې د افغانستان د اقتصادي وضعیت د ثبات لپاره بیړني او عملي ګامونه پورته کړي.
د ایران د سیستان او بلوچستان چارواکي وايي، چې په نیمروز کې یې د طالبانو له مسوولانو سره یو ۲۳ ټکی هوکړه لیک لاسلیک کړی، چې د دریو سیمه ییزو بازارونو فعالولو او د وړې سوداګرۍ د پیاوړتیا لپاره د عملي هوکړو پرمخ وړل پکې شامل دي.
طالبانو د قزاقستان په پلازمېنه استانه کې د اوسپنې پټلۍ ترمنځ د همکاریو سازمان په ۴۰م کنفرانس کې ګډون کړی. دغه کنفرانس د ۲۰۲۶م کال د اپریل له ۲۰مې تر ۲۴مې نېټې پورې شوی، چې د بېلابېلو هېوادونو د ریل پټلۍ چارواکو، تخنیکي کارپوهانو او د نړیوالو ادارو استازو پکې برخه اخیستې وه.
د پاکستان د بهرنیو چارو وزارت ویاند په یوه خبري ناسته کې وویل، چې په کابل کې د یاد هېواد شارژدافیر د طالبانو د بهرنیو چارو وزارت لهخوا احضار شوی نه دی، بلکې د یوې ناستې لپاره وربلل شوی و. طالبانو اعلان کړی، چې پر کونړ د بریدونو په تړاو یې د پاکستان سفیر احضار کړی و.
۴۰کلنه صالحه بيبي د هغو سلګونو افغان کډوالو له ډلې یوه ده چې له پاکستان نه افغانستان ته د ستنېدو لپاره په تورخم کې انتظار باسي. ۲۴کلن برهان خان وویل چې هغه او کورنۍ یې له دوو اونیوراهیسې د کرښې پر سر په موټرو کې شپې سبا کوي.
په داسې حال کې، چې امریکايي پوځي چارواکي ټرمپ ته پر ایران د احتمالي برید په اړه نن معلومات ور کوي، تهران خبرداری ورکړی، چې که امریکا بیا پر دوی بریدونه پیل کړي، نو د متحده ایالتونو پر اهدافو به «سخت او دردناک پرله پسې بریدونه» وکړي.
د کابل یو اوسېدونکی په یوه پیغام کې چې له افغانستان انټرنشنل سره یې شریک کړی، وایي چې د پلازمېنې د اوبو د کمښت ناورین د دوام له امله، خلک اړ دي، چې هره میاشت د اوبو په پېرلو ۹ زره افغانۍ ولګوي.
د طلبانو د سوداګرۍ او صنعت وزارت ویلي، چې د داخلي هوايي شرکتونو مسوولانو او د تېلو تامینوونکو شرکتونو استازو د یادې ډلې د سوداګرۍ وزیر نورالدین عزیزي سره د الوتکو د تېلو د کمښت او د بیو د لوړوالي په اړه خبرې کړې دي.
د افغانستان لپاره د بریتانیا ځانګړي استازي ریچارډ لیندسي کابل ته خپل وروستی سفر «ګټور» بللی او ټینګار یې کړی چې د طالبانو او پاکستان ترمنځ باید خبرې اترې او ډیپلوماسي بېرته پیل شي. لینډسي وايي، د ده د سفر مهم تمرکز د افغانستان او پاکستان ترمنځ پر اړیکو و.
د طالبانو د عامې روغتیا وزارت مرستیال د واکسین په اړه د عامه پوهاوي په برخه کې د کورنیو مشرانو، د جوماتونو ملایانو، ښوونکو او قومي مشرانو ونډه مهمه بللې ده، خو اندېښنه يې ښودلې چې لا هم په افغانستان کې یو شمېر ماشومان نه دي واکسین شوي.
د طالبانو د ریاستالوزرا اقتصادي مرستیال ملا عبدالغني برادر په مشرۍ د تدارکاتو کمېسیون په نوبتي غونډه کې د شاوخوا ۲،۸ میلیارده افغانیو په ارزښت ۱۹ پروژې منظورې شوې دي.
ازبکستان او طالبان د عامه خصوصي مشارکت پر بنسټ په مزار شریف ښار کې د یوه عصري روغتون د جوړولو په اړه هوکړې ته رسېدلي دي. د ازبکستان د روغتیا وزارت ویلي، چې دوی دغه روغتون ته مسلکي او روغتیايي کارکوونکي لیږي.
د ایران نوي مشر مجتبی خامنهیي ته منسوب پیغام کې ویل شوي، چې د خلیج او د هرمز تنګي لپاره یو نوی پړاو پیل شوی او د دغې حساسې سمندري لارې نوی مدیریت به په سیمه کې ارامي او اقتصادي ګټې راوړي.
سرچینو افغانستان انټرنشنل ته وویل، چې د طالبانو مشر ملا هبتالله اخوندزاده د دې ډلې د مالیې وزارت د رییسانو په ناسته کې ویلي چې د ده له احکامو اطاعت «د خدای او رسول د حکم په څېر» فرض دی او خبرداری یې ورکړې چې له دې وروسته به له هر ډول «نافرمانۍ» سره جدي چلند وشي.
په افغانستان کې د ملګرو ملتونو دفتر ویلي، چې په استانبول کې د افغانستان د همغږۍ ډلې په غونډه کې له افغانانو په ځانګړي ډول ښځو او راستنېدونکو کډوالو سره پر دوامداره ملاتړ ټینګار شوی.
په ترکمنستان کې د طالبانو د سفارت چارسمبالي فضل محمد صابر د ترکمنستان او چین په ګډ سوداګریز نندارتون کې ګډون کړی دی. په دغه نندارتون کې د چین شاوخوا ۲۰۰ شرکتونو خپل تولیدات، صنعتي توکي او بېلابېل سوداګریز محصولات نندارې ته وړاندې کړي وو.
د ۲۰۲۶ کال د رسنیو ازادۍ نړیوال شاخص ښيي، چې افغانستان د رسنیو د ازادۍ په برخه کې له ۱۸۰ هېوادونو څخه په ۱۷۵ ځای کې راغلی. بې پولې خبریالان وايي، طالبانو داسې قوانین پلي کړي چې موخه یې د انځور کنټرول، د طالبانو پر واک د هر ډول څارنې مخنیوی او د دوی د تبلیغاتي روایت پیاوړتیا ده.
افغان کرېکټ بورډ درې پخواني لوبغاړي په کورني کرېکټ کې د څلورو میاشتو لپاره له لوبیدو منع کړل. یاد درې لوبغاړي څه موده وړاندې د کرېکټ بورډ له اجازې پرته د هند په لیجنډز لیګ کې لوبیدلي وو.
په هرات کې د طالبانو د اسلام کلا او د ایران د دوغارون بندرونو اقتصادي مدیرانو د ایران په تایباد کې سره لیدلي او د سرحدي ستونزو په اړه غږېدلي دي. دواړو خواوو په صفري نقطو کې د خنډونو پر لرې کولو او هر ساعت د ۱۰۰ موټرو پر تګ او راتګ هوکړه کړې.
د طالبانو د ریاست الوزرا اقتصادي مرستیال ملا عبدالغني برادر د افغانستان لپاره د برېټانیا له ځانګړي استازي ریچارډ لینډسي سره د افغانستان او نړیوالې ټولنې ترمنځ د همغږۍ او ګډو همکاریو پر پیاوړتیا او د بریتانیا د مرستو پر دوام غږېدلي دي.
د طالبانو د ۲۰۷ الفاروق قول اردو قوماندان عبدالقیوم روحاني له ایران سره پر پوله د سرحدي امنیتي پوستو او سړکونو پر ژر جوړېدو ټینګار کړی. نوموړي د یادې ډلې له سرحدي قطعاتو څخه غوښتنه کړې، چې خپلمنځي همغږي پراخه کړي.