د طالبانو ویاند ذبیح الله مجاهد تایید کړه چې په خصوصي پوهنتونو کې د حقوقو او سیاسي علومو پوهنځي لغوه شوي، خو وايي، په دولتي پوهنتونونو کې د حقوقو او سیاسي علوموو پوهنځي نه دي لغوه شوي.
په افغانستان کې د بشري مرستو لپاره د بودجې د کمېدو له امله له ۱۰۰ ډېر هغه مرکزونه تړل شوي، چې په شدیده خوارځواکۍ د اخته ماشومانو درملنه پکې کېده. د ملګرو ملتونو د اړیکو مشره ملیسا فلېمېنګ وايي، چې شاوخوا ۳،۷میلیونه افغان ماشومان له حادې خوارځواکۍ سره مخ دي.
د افغانستان د سوداګرۍ خونې ویلي چې د ازبکستان له سوداګرو سره یې په کابل کې د غنمو، اوړو، مېوو، پنبې او نورو توکو په برخو کې د ۱۷،۲ میلیارده افغانیو په ارزښت سوداګریز تړونونه لاسلیک کړل.
د بلوچستان د لادرکه شویو کسانو د مدافعې ډلې مشر نصرالله بلوڅ وایي، په دغه ایالت کې د بېلابېلو ټولنیزو قشرونو د شاوخوا ۱۷زره کسانو د جبري ورکېدو قضیې له «وایس فار بلوچ مسنګ پرسنز» بنسټ سره ثبت شوې دي.
د ایران د مازندران ولایت په بابلسر ښار کې د جمعې په ماښام په سمندر کې درې افغانان ډوب شوي دي. د بابلسر د ژغورنې ډلې مشر مهدي حبیباللهپور ویلي، له دې ډلې د دوو کسانو جسدونه موندل شوي؛ خو د درېیم لادرکه شوي کس د موندلو لپاره د ژغورنې او لټون عملیات لاهم دوام لري.
په اندونیزیا کې د طالبانو سفارت خبر ورکړی، چې د یادې ډلې د بهرنیو چارو وزارت د سیاسي چارو لومړي رییس شعیب بریالي او په جاکارتا کې د طالبانو د سفارت سرپرست سعدالله بلوچ د اندونیزیا د بهرنیو چارو وزارت له مرستیال وزیر انیس ماتا سره د سیاسي اړیکو پر پراختیا خبرې کړې دي.
د پښتونخوا ملي عوامي ګوند مشر محمودخان اڅکزی وايي، چې د پښتونخوا، بلوچستان او افغانستان د خلکو ستونزې له یو بل سره تړاو لري او د دغه ستونزو د حل لپاره ګډ سیاسي او ولسي بحث ته اړتیا ده.
د پاکستان د پنجاب ایالت پولیسو د افغان کډوالو پرضد د عملیاتو پرمهال د دغه ایالت په بېلابېلو سیمو کې شاوخوا ۱۸ افغان کډوال نیولي دي. د پولیسو په وینا، دغه عملیات د لاهور، بهاولپور او پنجاب په نورو سیمو کې ترسره شوي دي.
د طالبانو د کورنیو چارو وزارت خبر ورکړی، چې په کاپیسا، فاریاب او زابل ولایتونو کې یې ۱۴ کسان د «ناقانونه کانکېندنې، غلا او نشهیي توکو د لېږد» په تور نیولي دي.
په لوګر کې د طالبانو د امنیې قوماندانۍ ویاند احمدالله انس وایي، په دغه ولایت کې د جلا، جلا ترافیکي پېښو له امله دوه کسان مړه او لس نور ټپیان شوي دي.
د پاکستان د بلوچستان ایالت د دوکۍ ولسوالۍ د لوڼي تحصیل اړوند د بختیار خان کلي په سیمه کې د سړک غاړې د ځای پرځای شوي ماین په چاودنه کې درې وروڼه وژل شوي او یو بل کس ټپي شوی دی.
د طالبانو ویاند ذبیحالله مجاهد د یکشنبې په ورځ (د وږي ۸مه) په یوې خبري ناسته کې له شپږم ټولګي پورته د نجونو د ښوونځیو د بیا پرانیستلو په اړه له څرګندونو ډډه وکړه. مجاهد د نجونو د زدهکړو برخلیک په اړه وویل: «اوس یې وخت نهدی» او دوی وړاندې هم دغه پوښتنې ته ځواب ورکړی دی.
د خیبرپښتونخوا د سوات پر لویه لار د یوې ترافیکي پېښې له امله ۴ کسان مړه او ۷ نور ټپیان شوي دي. د ژغورنې ډلې وايي، پېښه د سوات اېکسپرېس لویې لارې درېیم تونل ته نږدې شوې ده.
د طالبانو د عامې روغتیا وزارت خبر ورکړی، له «هېواد» موسسې سره یې د ۱ مېلیون، ۲۲زره او ۵۰۵ امریکايي ډالرو په ارزښت یو کلن هوکړهلیک لاسلیک کړی چې موخه یې په ۱۴ ولایتونو کې مېندو او ماشومانو ته د روغتیايي خدمتونو د لاسرسي کیفیت ښهوالی او د روغتیايي ستونزو کمښت ښودل شوې ده.
د ملي ډیموکراتیک غورځنګ مشر محسن داوړ له افغانستان انټرنشنل پښتو سره په مرکه کې ویلي، په افغانستان کې داسې منتخب حکومت نهشته چې د ولس په رایه راغلی وي او د افغان ولس استازیتوب وکړي.
د پاکستان او افغانستان ترمنځ له اوږدې مودې راهیسې د سوداګریزو لارو بندښت د دواړه خواوو سوداګریز فعالیتونه سخت اغېزمن کړي، چې له امله یې د پاکستان د چرګانو له صنعت سره تړلي سوداګر، فارم لرونکي او د چرګانو پلورونکي له درنو مالي زیانونو سره مخ شوي دي.
د تېر جمهوري نظام پرمهال د ملي دفاع وزارت سرپرست شاه محمود میاخېل وايي، د افغانستان د ستونزې حل سیاسي لارې او بینالافغاني مذاکراتو پورې تړلی دی. نوموړي خبرداری ورکړی، چې د جګړې دوام کولای شي افغانستان یو ځل بیا له پراخې ویجاړۍ سره مخ کړي.
د افغانستان انټرنشنل پښتو د معلوماتو له مخې، د ۲۰۲۶کال له پیل راهیسې د پاکستان د بلوچستان ایالت په بېلابېلو سیمو کې لږترلږه ۱۳ افغانان د ناپېژاندو وسلهوالو لهخوا وژل شوي او ۱۷ نور ټپیان شوي دي؛ خو د دغه پېښو عاملان لاتراوسه نهدي نیول شوي او د پلټنو پایلې هم نهدي اعلان شوې.
د افغانستان متحدې جبهې د یوې خبرپاڼې په خپرولو سره ادعا کړې، چې د یادې جبهې ځواکونو تېره شپه د هلمند ولایت د ګرشک ولسوالۍ اړوند د طالبانو یوه پوسته نیولې. د یادې جبهې په خبرپاڼه کې راغلي، چې په دغه عملیاتو کې د طالبانو درې وسلهوال وژل شوي دي.
چینایي رسنۍ بيسټلي ګلوبل پوسټ (د وږي ۷مه) د یوه راپور په خپرولو ويلي، چې افغانستان تر لسیزو جګړو او سیاسي بېثباتۍ وروسته د اقتصادي رغېدو ځینې نښې ښودلې؛ خو لاهم د فقر، بېکارۍ، بانکي محدودیتونو او د نړۍوالو مالي بندیزونو له جدي ننګونو سره مخ دی.
د بشري حقونو فعاله عایشه خرم چې د طالبانو له واکمنۍ وروسته جلاوطنه شوې، د برېتانیا د ویزې د محدودیتونو له امله ونه توانېده چې په اکسفورډ پوهنتون کې د ماسټرۍ زدهکړې پیل کړي.