آرشیف

د طالبانو د بدخشان ولایت اطلاعاتو او کلتور ریاست وایي، چې د کشم ولسوالۍ پولیسو له یوه عمرخوړلي او مسلکي سوالګر سره ۴۹۱ زره افغانۍ کشف او ضبط کړې دي.

د طالبانو له سرې میاشتې ټولنې ترلاسه شوی اسناد ښيي، چې د یادې ادارې مشر شهاب الدین دلاور خپل زوی کریم الله دلاور ته، چې ده د خپل ساتونکي په توګه معرفي کړی، د قطر، ترکیې، ډنمارک او ناروې په ګډون د بېلابېلو هېوادونو له پنځو مرستندویه ادارو امتیازي معاشونه اخلي.

د امریکا ولسمشر ډونالډ ټرمپ د یکشنبې په ورځ وړاندیز وکړ چې کیوبا باید له متحده ایالاتو سره یوه معامله وکړي او خبرداری یې ورکړ چې که دا کار ونه کړي، نور به له هېڅ لوري تېل او مالي ملاتړ ترلاسه نه کړي.

له پېښو سره د طالبانو د مبارزې د چمتووالي ادارې رییس د ډنمارک د کډوالو شورا د پروګرامونو له مسوولې هنا روزهالوي سره په لیدنه کې ویلي، چې طالبان اړمنو خلکو ته د مرستو رسېدو په خاطر له موسساتو سره له خنډ او ځنډ پرته د همکاریو هوکړه لیکونه لاسلیکوي.

د کډوالۍ نړیوال سازمان (ای او ایم) وایي، له ګاونډیو هېوادونو څخه افغانستان ته بېرته راستانه شوي شاوخوا ۲،۴ میلیونه کډوال د بېرته ادغام په بهیر کې له ګڼو او جدي ننګونو سره مخ دي. د سازمان په وینا، یوازې ۱۱سلنه راستنو شویو کډوالو کار موندلی او پاتې ۸۹ سلنه نور یې لا وزګار دي.

د طالبانو د کرنې، اوبو لګولو او مالدارۍ وزارت وایي، چې د روان کال په ترڅ کې له کندهار ولایت څخه ټولټال دوه نیم ټنه شات بهرنیو هېوادونو ته صادر شوي دي. د یاد وزارت په وینا، دغه صادرات د شاتو په تولید کې د پام وړ زیاتوالي او د ریحان د کرنې د پراخېدو ښکارندویي کوي.

ای‌بي‌سي نیوز په خپل یوه تازه راپور کې ویلي، چې په افغانستان کې واک ته د طالبانو له بېرته راګرځېدو څلور کاله وروسته، یوازې د جګړو بڼه بدله شوې او د هوايي بمباریو او ځانمرګو بریدونو پر ځای اوس د طالبانو فرمانونه د خلکو ژوند اغېزمنوي او قربانۍ ترې اخلي.

په ننګرهار کې د طالبانو د عامې روغتیا ریاست سرچینو افغانستان انټرنشنل ته یو نوملړ سپارلی، چې له مخې یې د یاد ریاست رییس امین الله شریف په اړوندو ادارو کې ۳۲ تنه خپلوان او د خپلې ولسوالۍ کسان ګومارلي دي. په دغو ګومارنو کې د ولسوالیو مدیران او د دولتي روغتونونو امرین شامل دي.

د افغانستان لپاره ځانګړي اماني صندوق اعلان کړی چې سویډن شاوخوا ۶،۵ میلیونه ډالر له افغانستان سره مرسته کړې. د یاد صندوق په وینا، دغه مرسته به د بنسټیزو خدماتو د پراختیا، د اقتصادي او اقلیمي مقاومت د پیاوړتیا او د زیانمنو شویو او بې‌ځایه شویو ټولنو د ملاتړ په برخه کې ولګول شي.

په خوست کې ځینو افغان خبریالانو افغانستان انټرنشنل ته وویل، چې طالبانو ددغه ولایت په دیني مدرسو کې پر انځور او ویډیو اخېستو باندې بندیز لګولی دی. دوی زیاتوي، چې دوه ورځې وړاندې د خوست د جهادي مدرسې په کلنۍ دستاربندي کې خبریالانو ته د کمرو د وړلو اجازه نه ده ورکړل شوې.

په دوحه کې د طالبانو سفیر سهیل شاهین له اندونیزیایي دیني او اقتصادي استازو سره په لیدنه کې ټینګار کړی چې افغانستان د بهرنیو پانګوالو لپاره د پانګونې پراخ فرصتونه لري. اندونیزیایي پانګوالو ویلي چې په نږدې راتلونکي کې به په افغانستان کې د پانګونې شته فرصتونه له نږدې وګوري.

په ایران کې روان ولسي اعتراضونه، د نړیوالو فشارونو زیاتوالی او د احتمالي بهرنۍ مداخلې بحثونه د سیمې پر هېوادونو، په ځانګړي ډول پر افغانستان هم له ځان سره ژورې اغیزې درلودای شي. که روان وضعیت د ایران د اوسني نظام په سقوط تمامیږي، نو افغانستان به د دغه بدلون له اغېزو خوندي نه وي.

د طالبانو د لوړو زده کړو وزارت ویلي، د کابل پولي‌تخنیک پوهنتون له بېلابېلو پوهنځیو او څانګو څخه تر زرو زیات کسان د لېسانس او ماسټرۍ برنامو څخه فارغ شوي. وایي، دې ډله کې زده‌کړیالانو د ساختماني، الکترومیخانیک، جیولوژۍ، کانونو، کیمیاوي انجینرۍ او جیوماتیک څانګو کې زده‌کړې کړي دي.

د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی چې تېره ورځ (د مرغومې ۲۰مه) له پاکستان او ایران نه ۴۵۲ کورنۍ چې ټولټال غړي یې ۲۴۸۲ کسان کېږي، افغانستان ته ستانه شوي دي.

د افغانستان د مخکېني جمهوري نظام پر مهال د ارګ د. دفتر رییس عبدالکریم خُرم وايي، طالبان غواړي د باغ بالا تپه کې د ودونو تالار او د تیلو پمپ جوړ کړي. همداراز، د کابل نوي ښار پارک کې د لوړپوړیزو ودانیو د جوړولو پلان هم په پام کې نیول شوی دی.

د طالبانو د لوړو زده کړو وزیر ندا محمد ندیم د یکشنبې په ورځړ(مرغومې ۲۱مه) د یوه پلاوي په مشرۍ عمان ته ولاړ. د طالبانو د لوړو زده کړو وزارت ویلي، چې د دغه سفر موخه د عمان له چارواکو سره لیدنې او د «علمي همکاریو پیاوړتیا» ده.

د طالبانو د کانونو او پټرولیم وزارت وایي، د دغه وزارت یو رسمي پلاوی چې له ۲۰ فني او مسلکي کارکوونکو جوړ شوی، د معادن او تخنیکي تفتیش انسټیټیوت غړي د ظرفیت لوړولو او مسلکي ودې د پروګرام په موخه د ۲۸ورځو لپاره ازبکستان ته سفر کړی.

د امریکا مرکزي قومندانۍ (سنټکام) د شنبې په ورځ د (مرغومې ۲۰مه) اعلان وکړ چې د سوریې په بېلابېلو سیمو کې یې د داعش پر څو هدفونو پراخ بریدونه ترسره کړي دي. دا بریدونه وروسته له هغه شوي چې په سوریه کې دوه امریکايي سرتېري او یو ژباړن ووژل شول.

د افغانستان د اس‌ ځغلونې فدراسیون اعلان کړی، چې د «وحدت جام» د اس ځغلونې سیالۍ په هرات کې ترسره شوې. دغو سیالیو لپاره۸۰۰ او ۱۲۰۰ متره واټنونه غوره شوي وو.له دې سره هم‌مهاله په کندهار کې هم ورته سیالۍ د غوره لوبغاړو په غوراوي سره پای ته ورسېدې.

د پاکستان پوځ د شنبې په ورځ (د مرغومي ۲۰مه) اعلان وکړ، چې د خېبرپښتونخوا په وزیرستان او کرُم سیمو کې په دوو جلا جلا عملیاتو کې د تحریک طالبان پاکستان (ټي‌ټي‌پي) ۱۱ جنګیالي وژل شوي دي. پوځ په دغو عملیاتو کې د یو شمېر وسلو او مهماتو له ترلاسه کولو هم خبر ورکړی دی.

د خېبرپښتونخوا ایالت اعلی وزیر سهیل اپریدي وايي، غواړي له حیدراباد څخه کراچې ته لاړ شي، خو د سند حکومت یې له حیدراباد څخه د ستنېدو لپاره ټولې لارې تړلې دي.