د افغانستان انټرنشنل پښتو د معلوماتو له مخې، د ۲۰۲۶کال له پیل راهیسې د پاکستان د بلوچستان ایالت په بېلابېلو سیمو کې لږترلږه ۱۳ افغانان د ناپېژاندو وسلهوالو لهخوا وژل شوي او ۱۷ نور ټپیان شوي دي؛ خو د دغه پېښو عاملان لاتراوسه نهدي نیول شوي او د پلټنو پایلې هم نهدي اعلان شوې.
د افغانستان متحدې جبهې د یوې خبرپاڼې په خپرولو سره ادعا کړې، چې د یادې جبهې ځواکونو تېره شپه د هلمند ولایت د ګرشک ولسوالۍ اړوند د طالبانو یوه پوسته نیولې. د یادې جبهې په خبرپاڼه کې راغلي، چې په دغه عملیاتو کې د طالبانو درې وسلهوال وژل شوي دي.
چینایي رسنۍ بيسټلي ګلوبل پوسټ (د وږي ۷مه) د یوه راپور په خپرولو ويلي، چې افغانستان تر لسیزو جګړو او سیاسي بېثباتۍ وروسته د اقتصادي رغېدو ځینې نښې ښودلې؛ خو لاهم د فقر، بېکارۍ، بانکي محدودیتونو او د نړۍوالو مالي بندیزونو له جدي ننګونو سره مخ دی.
د بشري حقونو فعاله عایشه خرم چې د طالبانو له واکمنۍ وروسته جلاوطنه شوې، د برېتانیا د ویزې د محدودیتونو له امله ونه توانېده چې په اکسفورډ پوهنتون کې د ماسټرۍ زدهکړې پیل کړي.
په افغانستان کې سره له دې چې نجونې له شپږم ټولګي پورته له زدهکړو بېبرخې دي، ډېری نجونې لاهم د ډاکټرې، انجینرې او ښوونکې جوړېدو هیلې لري؛ خو پر زدهکړو محدودیتونه د دغه خوبونو د پوره کېدو مخه نیسي.
د طالبانو د کانونو او پټرولیم وزارت وایي، په هرات کې د ټاپي پروژې د ګازو نللیکې د غځولو چارې ۱۲۰ کیلومتره پرمخ تللې دي. د دغه وزارت په وینا، ټاکل شوې چې د ټاپي پروژې چارې د ۲۰۲۶کال تر پایه بشپړې او ګټې اخیستنې ته وسپارل شي او ورسره به د ګازو د وېش بهیر هم پیل شي.
د ترکیې د بهرنیو چارو وزارت د دغه هېواد د ولسمشر رجب طیب اردوغان پر ضد د اسراییل د بهرنیو چارو وزارت څرګندونې وغندلې او د دغه هېواد حکومت یې په غزه کې د نسلوژنې او په سیمه کې د بېثباتۍ په رامنځته کولو تورن کړی دی.
د امریکا حکومت لسګونه کډوال چې ۱۲ افغانان او اته ایرانیان هم پهکې شامل دي، مرکزي افریقا ته لېږدولي دي. په دغه افغانانو کې یو ځوان هم شامل دی، چې د یوه امریکايي قاضي لهخوا یې افغانستان ته د ستنولو مخه د طالبانو د ځورونې له وېرې نیول شوې وه.
د افغانستان متحدې جبهې په پروان ولایت کې د سیدخېلو او بګرام ولسوالیو او د ولایت مرکز اړوندو سیمو اوسېدونکو ته د خبرتیا ورکړې چې له تجمعاتو، پوځي مرکزونو او د طالبانو له ځواکونو سره له همکارۍ او نږدې کېدو ډډه وکړي.
د فنلنډ ولسمشر الکساندر سټاب د جرمني له بیلډ ورځپاڼې سره په مرکه کې ویلي، چې روسیه به هېڅکله پر ناټو د برید جرئت ونهکړي. هغه زیاته کړه، چې د نړۍ پر وړاندې د دغه پیاوړي نظامي اېتلاف ازمویل هېڅ منطق نهلري او د برید په اړه شته ادعاوې بې بنسټه دي.
د مقاومت جبهې اعلان کړی، چې د دغې جبهې دوه قومندانان شمسالدین او قوماندان بابه په هندوکش کې د طالبانو په یو ناڅاپي کمین کې وژل شوي دي.تر دې یوه ورځ وړاندې طالبانو د بغلان په نهرین او خوست ولسوالیو کې د دغو قوماندانو په ګډون د مقاومت جبهې د څلورو غړو له وژلو خبر ورکړی وو.
د پاکستان لومړي وزیر شهباز شریف د اسلاماباد په پېمز روغتون کې د نوي زېږېدلو ماشومانو په څانګه کې د اورلګېدنې د پېښې په تړاو د تحقیقاتي کمېټې د لومړني راپور له ترلاسه کولو وروسته د ۸ کسانو د دندو د سمدستي ځنډولو او پر وړاندې یې د قانوني اقداماتو منظوري ورکړې ده.
په نیپال او د چین په تبت کې د وروستیو مرګونو سېلابونو له امله د مړو شمېر لږ تر لږه ۶۷۶ کسانو ته لوړ شوی او نږدې ۳ زره نور لا هم تريتم دي. د نیپال حکومت ویلي، چې د سېلابونو له امله د رامنځته شویو ویجاړیو د بیارغونې لپاره تر ۵ میلیاردو امریکایي ډالرو بېړنیو مرستو ته اړتیا لري.
د طالبانو له بیا واکمنېدو وروسته په افغانستان کې نجونې له شبږم ټولګي پورته د «امر ثاني» په نوم له زدهکړو منع شوې او دا بهیر همداراز دوام لري. تازه نیویارک ټایمز یوه راپور کې ویلي، دمګړۍ په افغانستان کې د نجونو لپاره په لسګونو «پټ ښوونځي» فعال دي او پهکې د زدهکړو بهیر روان دی.
د امریکا د بهرنیو چارو وزارت ویاند وویل: «امریکا د لبنان د خلکو ترڅنګ ولاړه ده او غواړي چې لبنان یو امن او خپلواک هېواد وي. د دې موخې د ترلاسه کولو لپاره حزبالله باید بېوسلې شي». دا په داسې حال کې ده، چې د حزبالله مشر ویلي، چې په سیمه کې د «مقاومت ډلې» د ایران ترڅنګ ولاړې دي.
د طالبانو تر کنټرول لاندې ملي ټلویزیون خبر ورکړی، چې له تېرو څو ورځو راهیسې په کابل کې د تېلو بیې په بېسارې توګه لوړې شوې دي. راپور کې راغلي، چې د یو لېټر پټرولو بیه ۸۷ افغانیو، د یو لېټر ډیزلو بیه ۷۹ افغانیو او د یو کیلو اوبلن ګازو بیه ۶۶ افغانیو ته لوړه شوې ده.
د خیبر پښتونخوا په بر سوات ولسوالۍ کې د رشید محمد په نوم یو ملا د ناپېژانده وسلهوالو له لوري په ډزو وژل شوی دی. ځايي پولیس وايي، د پېښې په تړاو یې پلټنې پیل کړې دي. دغه ملا چې د یوې مدرسې مهتمم هم پاتې شوی، پر ماشومانو پر جنسي ځورونې هم تورن وو.
د ایران د بهرنیو چارو وزارت مرستیال کاظم غریبابادي وايي: «د هرمز تنګی تړلی دی او که کومه کښتۍ له دې لارې تېرېږي، دا کار به د تهران په همغږۍ او اجازې ترسره کېږي». د سپینې ماڼۍ د دفتر مرستیال سټېفن مېلر بیا وايي، د هرمز تنګی د امریکا لپاره پرانیستی او د ایران لپاره تړلی دی.
د بلجیم د لیژ پوهنتون څېړونکو موندلې چې د خوب پر مهال لنډ او پرلهپسې ویښېدل ښايي د الزایمر ناروغۍ له زیات جنیټیکي خطر سره تړاو ولري.الزایمر یوه مخ پر زیاتېدو د مغزو ناروغي او د هېرېدنې تر ټولو عام ډول دی، چې په تدریجي توګه د انسان حافظه، د فکر کولو وړتیا او ذهني فعالیت اغېزمنوي.
د اسلامي وحدت ګوند مشر محمد محقق له افغانستان انټرنشنل سره په مرکه کې ویلي، چې طالبان په بنسټیز ډول په افغانستان کې د هزاره او شیعه ټولنې له حضور سره مخالف دي.
متحده جبهه وايي، د هلمند په نوزاد سیمه او د کونړ د مرکز پر لومړۍ امنیتي حوزې په دوو جلا بریدونو کې یې ۸ طالبان وژلي دي. دغه جبهه وايي، له یادو طالبانو یې یو شمېر وسلې هم ترلاسه کړې دي. طالبانو لا تر اوسه په دې تړاو څه نهدي ویلي.