متحده عربي امارات اعلان کړی، چې په بریتانوي پوهنتونونو کې د اخوانالمسلمین لهخوا د اماراتي زدهکړیالانو د افراطي کېدو په تړاو د اندېښنو له امله یې په بریتانیا کې د زدهکړیالانو تمویل محدود کړی دی. بریتانیا لا تر اوسه پر اخوانالمسلمین بندیز نهدی لګولی.
د طالبانو د عدلیې وزارت ویاند برکتالله رسولي وايي، چې د غصب د مخنیوي کمېسیون له جوړېدو راهیسې په ټول هېواد کې نږدې ۴ میلیونه جریبه دولتي ځمکه له غصب څخه خلاصه شوې ده.نوموړي ویلي، چې ډېر ژر به په ټولو سیمو کې د څړ ځایونو لپاره ځمکې هم مشخصې شي.
په بدخشان کې د طالبانو د امینه قومندانۍ ویاند احسان الله کامګار ویلي، چې د بدخشان په خاش ولسوالۍ کې څلور کان کېندونکي په کان کې د کاربن او دود له امله مسموم او بیا مړه شوي دي. په کانونو کې لا هم د کان کېندونکو د حفاظت لپاره هېڅ ډول تابیاوې نهدي نیول شوي.
د پاکستان د جمعیت علمای اسلام مشر مولانا فضل الرحمان د سویلي وزیرستان لپاره د جمعیت علمای اسلام او د وفاق المدارس پر مسوول مولانا سلطان برید غندلی دی. نوموړي د پېښې د سمدستي پلټنو غوښتنه کړې ده.
د طالبانو د سرحدونو، قومونو او قبایلو چارو وزیر نورالله نوري د کوم هېواد له نوم یادولو پرته ویلي، چې د ځینو اسلامي هېوادونو سرپرستي، رهبري، اقتصاد او د حکومت جوړښت واک د بل چا په لاس کې دی.
په امریکا کې د پاکستان سفیر وایي، په پاکستان کې امنیتي ګواښونه افغانستان پورې تړلو ترهګریزو فعالیتونو او له امریکایي ځواکونو څخه پاتې شوو پرمختللو وسلو د ناوړه استفادې له امله زیات شوي دي. نوموړي ټینګار کړی،چې له دغو ننګونو سره د مبارزې لپاره له امریکا سره د همکارۍ دوام اړین دی.
تېره ورځ روسیې د ناټو غړي پولنډ سره پولې ته نږدې په اوکراین کې په یوه هدف هایپرسونیک توغندیز برید کړی دی. کیف دا برید د اروپایي متحدینو د اوکراین د ملاتړ څخه د دوی د ویرولو هڅه وبلله.
د بخښنې نړیوال سازمان وايي، چې یاد سازمان د پاکستان لومړي وزیر شهباز شریف ته په یو استول شوي لیک کې په پاکستان کې د افغان کډوالو د غیرقانوني نیولو، ځورولو او شړلو په اړه خپله جدي اندېښنې څرګندې کړې ده. دوی وايي، پاکستان دې د افغان کډوالو د ځوورولو پروسه ودروي.
ایران دا مهال د تاریخ له حساسو پړاوونو څخه تېرېږي؛ داسې پړاو چې نه یې یوازې داخلي ثبات لړزولی، بلکې په نړۍوال سیاست کې یې هم له جدي ننګونو سره مخ کړی دی. له یوې خوا ولسي لاریونونه، اقتصادي فشارونه او له بلې خوا د نړۍوال تقابل ګواښونو ایران د «ډانګ او پړانګ» تر منځ درولی دی.
د پښتونخوا د خیبر ولسوالۍ ځایي چارواکي وایي چې په تیرا دره کې د وسلوالو پر ضد د امنیتي عملیاتو ټولې تیارۍ بشپړې شوې او د عملیاتو له امله له سیمې څخه د خلکو د ویستلو بهیر به د جنورۍ له ۱۰مې (سبا) څخه په رسمي ډول پیل شي او د روانې میاشتې تر ۲۵مې به دوام وکړي.
د طالبانو د بهرنیو چارو وزارت یوې سرچینې افغانستان انټرنشنل - پښتو ته ویلي چې د تېرې دوشنبې په ورځ د طالبانو د بهرنیو چارو وزیر په ایران کې د دې ډلې استازي ته لارښوونه کړې، چې د افغان کډوالو له ټولنو سره وغږیږي تر څو د ایران په لاریونونو کې افغان کډوال ګډون ونه کړي.
د ترکیې د پولیسو د مخدره موادو پر ضد د جرمونو مبارزې ادارې نوی راپور ښيي، چې سره له دې چې په افغانستان کې د کوکنارو پر کر محدودیتونه لګېدلي، دا هېواد لا هم د مخدره موادو د تولید او قاچاق په برخه کې مرکزي رول لري، او تولید شوي مواد د ترکیې له لارې اروپا ته لېږدول کېږي.
ځايي سرچینو افغانستان انټرنشنل - پښتو ته ویلي، چې جنوبي وزیرستان واڼه ته نږدې مشهور دیني عالم مولانا سلطان په یوه وسله وال برید کې ټپي شوی. په ورته وخت کې د پاکستان امنیتي ادارو په خیبر ولسوالۍ کې د وسله والو پرضد عملیات پیل کړي او درې وسله وال یې وژلي دي.
د خیبر پښتونخوا د تېراه اوسیدونکو په سیمه کې د پاکستان پوځ له خوا د عملیاتو د پیلېدو په غبرګون کې د یادو عملیاتو پرضد لاریون کړی. لاریونوالو غوښتنه کړی، چې پاکستان حکومت دې د پښتون قوم پر ضد روان ظلمونه پای ته ورسوي او د پښتون ژغورنې غورځنګ نیول شوي غړي دې له زندانونو ازاد شي.
د طالبانو مخالفه مقاومت جبهه وايي، چې د چهارشنبې په شپه ددې ډلې ځواکونو په کندوز کې د طالبانو د ګزمې پر موټرو باندې په هدفي عملیاتو کې ۳ طالب وسلوال وژلي او ۴ نور یې ټپیان کړي دي. په اعلامیه کې راغلي، چې په دې عملیاتو کې ددې ډلې ځواکونو یا ملکي وګړو ته زیان نه دی رسیدلی.
د افغانستان د سولې او عدالت خوځښت وایي، د تخار ولایت په چاهاب ولسوالۍ کې د طالبانو له لوري د لاریونوالو پر وړاندې تاوتریخجن چلند ناوړه او مجرمانه عمل دی. دوی د سرو زرو د کان د استخراج پر ضد د خلکو اعتراضونه یو مدني حق بولي او ټینګار کوي چې د دغو اعتراضونو ځپل د منلو وړ نه دي.
د طالبانو د کډوالو او بېرته راستنېدونکو چارو وزیر وايي چې ځینې لوري د طالبانو د انزوا هڅې کوې، خو د طالبانو د منظوي کېدو پر ځای ځینې هېوادونه د انزوا لور ته روان دي او نړۍ پرې بې باوره شوې ده. که څه هم مولوي لکبیر د کوم هېواد نوم نه دی اخیستی خو غیرمستقیم اشاره یې پاکستان ته ده.
د ایران مذهبي مشر علي خامنه یي وایي، د هېواد په بېلابېلو ښارونو کې د روانو پراخو اعتراضونو پر وړاندې به شاتګ ونه کړي. هغه، اعتراض کوونکي «بلواګر» بللي او ټینګار یې کړی چې نظام به د دغو اعتراضونو پر وړاندې خپل دریځ بدل نه کړي.
د طالبانو د کابل ښاروالۍ ویاند نعمتالله بارکزي ویلي، په کابل ښار کې د سړکونو او سیمو نومونو د بدلولو په اړه خپرې شوې ادعاوې حقیقت نهلري. نوموړي دغه څرګندونې وروسته له هغې کړې، چې په خواله رسنۍ کې د یادې ښاروالۍ له لوري د ځینو فارسي نومونو د ژباړې په تړاو غبرګونونه راپورته شول.
د پاکستان «ده نېشن» ورځپاڼې د رسمي سرچینو له قوله راپور ورکړی، چې د پاکستان او افغانستان ترمنځ سوداګري شاوخوا ۵۳ سلنه راکمه شوې ده. یوې رسمي سرچینې یادې ورځپاڼې ته ویلي، چې د سوداګرۍ د کمښت اصلي لامل د دواړو هېوادونو د سرحدي دروازو تړل کېدل دي.
د غزې د ملکي دفاع ادارې خبر ورکړی، چې پر غزې د اسراییل په بریدونو کې د پنځو ماشومانو په ګډون ۱۳ کسان وژل شوي دي. د یادې ادارې په وینا؛ یوازې د غزې په سوېل کې د بېځایه شویو پر یوې خیمې په برید کې د درېیو ماشومانو په ګډون څلور کسان وژل شوي دي.