د طالبانو د صنعت او سوداګرۍ وزارت مرستیال احمدالله زاهد د ازبکستان د قشقه دریا ولایت له مرستیال والي شهرت مرادوف سره په لیدنه کې د مستقیمو اقتصادي همکاریو، ګډې پانګونې، کرنې، پنبې او نساجۍ او صنایعو په برخو کې د همکاریو پر پراختیا خبرې کړې دي.
د طالبانو ویاند ذبیحالله مجاهد له رشیا ټوډې سره په یوه مرکه کې ویلي، چې کابل له واشنګټن سره د عادي ډیپلوماتیکو اړیکو غوښتنه کوي او غواړي په افغانستان کې د امریکا سفارت بېرته پرانیستل شي او په واشنګټن کې د افغانستان دیپلوماتیک ماموریت هم بیا فعال شي.
د طالبانو ویاند ذبیح الله مجاهد ویلي، چې د سعودي عربستان، ترکیې او پاکستان ترمنځ د مکې درې اړخیز پوځي تړون د افغانستان لپاره نه د اندېښنې وړ دی او نه هم ګواښ دی. نوموړي په یوه مرکه کې دغه تړون د ټولې اسلامي نړۍ په ګټه وباله.
د نایجر په پلازمېنه نیامي کې د شنبې په سهار هوايي ډګر او ولسمشرۍ ماڼۍ ته نږدې د څو ساعتونو لپاره درنې ډزې او چاودنې وشوې. رویټرز د څلور سرچینو په حواله ویلي چې برید یاغي سرتېرو کړی او امنیتي وضعیت لا هم ترینګلی دی.
د طالبانو د مخالفو وسله والو ډلو د خپرو شویو خبرپاڼو له مخې، د جولای له ۲۳مې نه د اګست تر پایه د طالبانو پر ضد شاوخوا ۶۰ بریدونه او وسلهوالې نښتې شوې دي. طالبانو ددغو بریدونو ډېره برخه نه دي تایید کړي.
د خیبر پښتونخوا حکومت په بنو او لکي مروت کې د کړکېچن امنیت او د پولیسو د پرلتونو له امله په دې دوو ولسوالیو کې د سرحدي ملېشه ځواکونو د ځای پرځای کولو غوښتنه کړې ده. د خیبر پښتونخوا د کورنیو چارو وزارت د پاکستان د ننه وزارت ته په لیک کې د ۴۵۰ ملېشه سرتېرو غوښتنه کړې ده.
د طالبانو د شمال زون د امارتي غصب شویو ځمکو د قضیو د څېړنې ځانګړې محکمې ویلي چې د بلخ په نهرشاهي ولسوالۍ کې شاوخوا ۱۰ زره جریبه ځمکه د امارتي ملکیت په توګه تثبیت شوې او د غصب شوې ځمکې د بېرته راګرځولو پرېکړه شوې ده.
طالبانو د افغان کډوالو د ایستلو د بهیر د چټکولو او د هغوی د هویت او سفر د اسنادو د برابرولو لپاره درې کسیز پلاوی جرمني ته استولی. دوی اوس مهال د برلین په ګرونوالډ سیمه کې د افغانستان په سفارت کې مېشت دي او تمه ده چې راتلونکې اونۍ بن او مونشن ته هم ولاړ شي.
د کندهار د سوداګرۍ او پانګونې خونې مسوولانو افغانستان انټرنشنل ته ویلي، چې سږ کال د دغه ولایت د تازه او وچو مېوو صادراتو ټولیز حجم د تېر کال په پرتله شاوخوا ۱۶۴ سلنه زیات شوی، خو د افغانستان او پاکستان ترمنځ د روان کړکېچ له امله د انګورو صادرات ۹۵ سلنه کم شوي دي.
د ازبکستان ولسمشر شوکت میرضیایف وايي، تاشکند به د افغانستان په اړه خپله رغنده پالیسي په کلک هوډ سره روانه وساتي. میرضیایف افغانستان د ازبکستان لپاره «تر ټولو نږدې ګاونډی» وباله.
له ایران او پاکستان څخه د میلیونونو افغان کډوالو جبري ستنېدل، پنځه کاله وروسته له افغانستانه د طالبانو له بیا واکمنېدو، د دغه هېواد پر کمزوري اقتصاد، محدودو کاري فرصتونو او له وړاندې تر فشار لاندې بشري خدمتونو بار لا زیات کړی دی.
د اېکسپرېس ټریبیون د یوه راپور له مخې، د ۲۰۲۶ کال د مارچ له لومړۍ نېټې څخه د جولای تر ۱۳مې پورې د خلیجي هېوادونو له لوري د ۲۱ زره او ۹۵۱ پاکستانیانو اخراج یو ځل بیا د پاکستان اقتصاد پر بهرنیو کاري بازارونو او د کارګرانو پر رالېږل شویو پیسو د تکیې موضوع را برسېره کړې ده.
د طالبانو د کورنیو چارو وزارت خبر ورکړی، چې په کندز او بدخشان ولایتونو کې یې د جلا جلا عملیاتو په ترڅ کې ۱۱۳ کیلوګرامه نشهيي توکي کشف او په دې تړاو یې ۴کسان هم نیولي دي.
د پښتونخوا ملي عوامي ګوند وايي، په بلوچستان کې د مخ پر زیاتېدونکې ناامنۍ او د خلکو د سر، مال او کاروبار د نه خونديتوب په اړه درې ورځنۍ جرګه سبا، یکشنبه، په کوټه کې پیلېږي، چې د مدني ټولنې تر څنګ به پکې سیاسي او قومي مشران ګډون وکړي.
هلمند کې د طالبانو د اطلاعاتو او فرهنګ ریاست وایي، چې د امر بالمعروف محتسبینو د دغه ولایت په نادعلي ولسوالۍ کې له یوه ۸۰ کلن سړي سره د یوې اته کلنې ماشومې د نکاح مخه نیولې ده.
د افغانستان د ازادۍ جبهه وايي، د غزني ولایت په واغظ ولسوالۍ کې یې د طالبانو د ۰۶ قطعې مرستیال قوماندان ملا عمر صدیق په یوه چریکي برید کې وژلی دی.
د شانګهای همکاریو سازمان سرمشریزه د روانې میاشتې(د وږي ۹مه او۱۰مه) د قرغیزستان په پلازمېنه بشکیک کې جوړېږي. ټاکل شوې چې د شانګهای همکاریو سازمان د غړو هېوادونو مشران په دې غونډه کې د سیاسي، امنیتي او اقتصادي مسایلو ترڅنګ د نړیوالو او سیمهییزو موضوعاتو په اړه هم خبرې وکړي.
د افغانستان متحدې جبهې ادعا کړې چې وسلهوالو یې د ننګرهار ولایت مرکز جلال اباد شهیدانو چوک سیمه کې د طالبانو د استخباراتو یو غړی په ډزو وژلی دی.
د طالبانو د کورنیو چارو وزارت وایي، چې په کونړ ولایت کې یې د شنو ونو د ناقانونه پرېکولو او د لرګیو د قاچاق د مخنیوي په موخه د ترسره شویو عملیاتو پر مهال دوه کسان نیولي دي.
د افغان کډوالو د بېرته ستنېدو له روان بهیر سره هممهاله، له یوه افغان وګړي سره د واده شوې پاکستانۍ مېرمنې لپاره له خپل مېړه او دوو ماشومانو سره افغانستان ته تګ پر یوه جدي قانوني او بشري ستونزه بدل شوی دی.
د ملګرو ملتونو د روغتیا نړیوال سازمانوايي، پر اوکراین د روسیې د پراخ یرغل له پیل راهیسې د دغه هېواد پر روغتیايي مرکزونو ۳۲۰۵ بریدونه شوي چې له امله یې د روغتیايي خدمتونو د وړاندې کولو وړتیا زیانمنه شوې ده.