د ملګرو ملتونو د روغتیا نړیوال سازمانوايي، پر اوکراین د روسیې د پراخ یرغل له پیل راهیسې د دغه هېواد پر روغتیايي مرکزونو ۳۲۰۵ بریدونه شوي چې له امله یې د روغتیايي خدمتونو د وړاندې کولو وړتیا زیانمنه شوې ده.
د ایرش اېګزامنر ورځپاڼې په یوه تحلیلي راپور کې لیکلي، ۳۰ کاله وروسته له هغه چې طالبانو د ۱۹۹۶ کال په سپټمبر کې د لومړي ځل لپاره کابل ونیو، دغه ډله یو ځل بیا پر افغانستان واکمنه ده او د نړیوالې ټولنې د شلو کلونو پوځي او سیاسي حضور پایله لا هم د بحث موضوع ده.
سکای نیوز په خپل یو راپور کې ویلي چې د طالبانو له واکمنۍ وروسته افغان ښځې چې پخوا په رسمي دندو بوختې وې اوس کوچنیو کاروبارونو ته اړ شوي دي او یوازې په همدې برخه کې د کار کولو فرصت لري.
د هند تر ولکې لاندې کشمیر د پونچ ولسوالۍ په بالاکوټ سیمه کې د یوه پاکستانۍ بې پیلوټه الوتکه د لیدل کېدو له ادعا وروسته، هندي امنیتي ځواکونو د کنټرول پر کرښه د سیمې امنیتي تدابیر سخت کړي دي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، چې تېره ورځ جمعه ۴۳۹ کډوالې کورنۍ چې ټول ۲۰۷۱ کسان کېږي، له ایران او پاکستان نه افغانستان ته ستانه شوې دي.
د طالبانو د اوسپنې پټلۍ اداره وایي، چې د روان لمریز کال د زمري میاشتې په ترڅ کې د اوسپنې پټلۍ له لارې ۷۰۴ زره او ۳۰۰ مټریک ټنه توکي لیږدول شوي دي. د یادې اندازې توکو انتقالات د اقینې بندر، تور غونډي، حیرتان او خواف-هرات له لارې شوي.
د ملګرو ملتونو د کډوالو ادارې د ۲۰۲۷ کال لپاره خپله پلان شوې بودجه ۱۶ سلنه راکمه کړې او د دایمي کاري بستونو شمېر یې نږدې ۳۵۰۰ نور هم کمولو ته چمتووالی نیولی. دا پرېکړه داسې مهال کېږي چې د نړۍ د بېځایه شویو کسانو شمېر د لا زیاتېدو اټکل شوی دی.
د ژغورنې نړیوالې کمېټې د افغانستان د پروګرامونو مرستیال مشر بوستان فهیم وايي، افغانستان لا هم له ژور بشري ناورین سره مخ دی او شاوخوا نیمایي وګړي یې د ژوند د لومړنیو اړتیاوو د پوره کولو لپاره بشري مرستو ته اړتیا لري.
بلخ ولایت کې د طالبانو د عامې روغتیا ریاست وایي، چې د دغه ریاست د څارنې او ارزونې ټیمونو د ارزونو پر بنسټ، د مزارشریف ښار او دولتاباد ولسوالۍ کې پنځه درملتونونه او لس معاینهخونې د ناقانونه فعالیت او له روغتیايي مقرراتو څخه د سرغړونې له امله تړل شوې دي.
د نېکسټ سېنچري بنسټ په یوه تازه راپور کې ویل شوي چې د طالبانو له بیا واکمنېدو پنځه کاله وروسته د افغان ښځو وضعیت لا پسې خراب شوی او د واده په اړه نوی قانون د ښځو او نجونو پر حقونو اضافي محدودیتونه وضع کړي دي.
ملګرو ملتونو په یو تازه خپاره شوي پیغام کې د نړۍ په هر ګوټ کې د ماشومانو د حقونو پر خونديتوب ټینګار کړی او ویلي یې دي، چې ماشومان داسې نړۍ غواړي چې هلته یې حقونه رعایت او خوندي وي او وکولای شي عادي ماشومتوب ولري.
د طالبانو د کورنیو چارو وزارت خبر ورکړی چې د تروریزم پر وړاندې د مبارزې ځواکونو یې په پکتیکا، نیمروز او هلمند ولایتونو کې د جلا جلا عملیاتو په ترڅ کې ۱۴ کسان نیولي دي. د یاد وزارت د خبرپاڼې له مخې، دغه کسان د ځمکې لاندې خزانو او قیمتي فلزاتو د موندلو او غلا په تړاو نیول شوي دي.
د امریکا ولسمشر ډونالډ ټرمپ د «ارتمیس ۲» تاریخي ماموریت څلورو ستورمزلو ته د کانګرېس د فضايي ویاړ مډالونه ورکړل. دغه لوړه جایزه د امریکا له لوري د ستورمزلو د ځانګړې زړورتیا، غوره خدمت او بشریت ته د ارزښتناکو هڅو په بدل کې ورکول کېږي.
د خیبر پښتونخوا د کرمې ولسوالۍ د پاړه چمکنۍ سیمې اوسېدونکو په یوه جرګه کې پرېکړه کړې چې که په سیمه کې پوځي عملیات ترسره شي، دوی به خپلې سیمې پرېنږدي او د احتمالي عملیاتو مخالفت به وکړي.
ملګرو ملتونو په خپل یو تازه راپور کې ویلي، چې د غزې په تړانګه کې د اسراییل لخوا په وروستیو بریدونو کې څلور ماشومان وژل شوي او د بشري مرستو په ګډون مهمې زېربناوې زیانمنې شوې دي.
د امریکا د پوځ او بهرنیو چارو وزارت پخوانی چارواکی چارلس وینټرمیر وايي، له افغانستانه د امریکايي ځواکونو له وتلو پنځه کاله وروسته هم له امریکايي ځواکونو او ادارو سره کارکوونکي افغانان له خطر سره مخ دي او له واشنګټنه یې د افغان ځانګړو کډوالۍ ویزو د بیا صادرولو غوښتنه کړې ده.
د خیبر پښتونخوا پېښور پولیسو په دغه ښار کې د افغان کډوالو پر ضد د عملیاتو پر مهال شاوخوا ۲۱ افغانان نیولي او د نورو قانوني اقداماتو لپاره یې د افغان کډوالو د ساتنې مرکز ته لېږدولي دي.
د امریکا سویلي قومندانۍ وايي، امریکايي او اکوادوري ځواکونو د ارام سمندر په ختیځه برخه کې په نړیوالو اوبو کې هغه بېړۍ نیولې او وروسته یې ډوبه کړې چې د نشهيي توکو د غیرقانوني قاچاق لپاره د سمندري سونګ د تمځای په توګه کارېده.
د ټایمز اف سنټرل ایشیا په یوه تازه راپور کې ويل شوي چې د ترکمنستان، افغانستان، پاکستان او هند د ګازو نللیکې (ټاپي) پروژه له کلونو ځنډ وروسته د لومړنیو عملي ګامونو پړاو ته رسېدلې او ښايي هرات ولایت د دې پروژې لومړنی مصرفوونکی بازار شي.
د افغانستان متحدې جبهې له طالب جنګیالیو غوښتي چې د خپلو مشرانو د واک د دوام لپاره دې د افغان ولس پر وړاندې د جګړې او ځپنې وسیله نه ګرځي او د خپلو مشرانو د کړنو په اړه دې له ځانه پوښتنه وکړي.
رویټرز خبري اژانس وایي، اسراییل په لوېدیځه غاړه کې د یوه هوایي برید په ترڅ کې د حماس ډلې یو غړی او د هغه دوه ملګري وژلي دي. د اسراییل پوځ او سیمهییزو سرچینو ویلي، چې دغه هوایي برید د جمعې په ورځ د لوېدیځې غاړې په شمال کې د جنین په سیمه کې یو موټر په نښه کړی دی.