طالبان وایي، د ننګرهار په جلالاباد کې یې د روږدو کسانو د درملنې او ملاتړ لپاره زر بستریز مرکز پرانیست. په خپره شوې خبرپاڼه کې راغلي چې یاد مرکز ۵۰ لویې خونې لري او د درملنې لپاره پکې اړین درمل، طبي وسایل او نور امکانات برابر شوي دي.
د اسراییل لومړي وزیر بنیامین نتنیاهو ادعا کړې چې ایران د هغه یو زوی په نښه کړی او هڅه یې کړې چې هغه پیدا او ووژني.
د خیبر پښتونخوا په سوات ولسوالۍ کې د یوې مدرسې قاري عمر صادق، د نهه کلنې ماشومې سره د جنسي تېري په تور نیول شوی دی. پولیس وايي، د پېښې په اړه یې پلټنې پیل کړې دي.
په کندهار کې ځایي طالب چارواکي وايي چې د دغه ډلې د مشر ملا هبت الله په امر یې د یاد ولایت له زندان څخه ۱۹۲ بندیان ازاد کړي او د ۳۸۴ نورو بندیانو د بند موده یې راکمه کړې ده.
د جرمني رسنیو راپور ورکړی چې ټاکل شوې دغه هېواد سبا، د اګست په ۲۵مه، یو شمېر مجرم افغان پناهغوښتونکي له هېواده وباسي او کابل ته یې ولېږدوي. د راپورونو له مخې، الوتکه به د جرمني د لایپزیګ له هوايي ډګر څخه شاوخوا د شپې په یوه بجې کابل ته حرکت وکړي.
د افغانستان کرېکټ بورډ د دوشنبې په ورځ د هند پر وړاندې د درېیو شل اوریزو لوبو لپاره د د ۱۵ کسیزې لوبډلې نوملړ اعلان کړ. ټاکل شوې ده دا لوبې د وږي په ۲۲مه، ۲۴مه او ۲۶مه نېټه په نوي ډیلي کې د افغانستان په کوربهتوب ترسره شي.
د امریکا ولسمشر ډونالډ ټرمپ کاناډا ته ګواښ کړی چې د ۲۰۲۷ کال د جنوري لومړۍ نېټې څخه به د دغه هیواد پر ټولو موټرو، د موټرو پر پرزو او فولادو تعرفې ۵۰ سلنې ته لوړې کړي.
په ۲۰۰۵ کال کې له ارګ نه د کورنیو چارو پر وزیر علي احمد جلالي باندې فشار زیات شو چې د د دغه وزارت امنیتي معین باید د خپلې دندې ګوښه او پر ځای یې بل څوک وټاکل شي. د بدلون موخه د سیستم اصلاح نه وه، بلکې د ارګ او جنګسالارانو په خوښه د یو بل کس ټاکل وو.
د اسټرالیا په جنوبي ښار اډیلایډ کې مېشتو افغانانو د افغانستان د خپلواکۍ ۱۰۷مه کلیزه نمانځلې ده. د خپلواکۍ د ورځې په مناسبت جوړه شوې غونډه کې شاه امان الله خان د پرمختګ پالو هڅو په اړه ویناوې شوې او د افغان ښځو د اساسي حقونو پر وضعیت هم اندېښنې ښودل شوې دي.
په هالنډ کې د نارنج فرهنګي ټولنې د افغانستان د خپلواکۍ د بېرته ترلاسه کولو ۱۰۷مه کلیزه په علمي سیمینار او تفریحي پروګرامونو ونمانځله. په دغه غونډه کې فرهنګپالو، پخوانیو سیاستوالو او اروپا مېشتو افغانانو ګډون کړی و.
پنځه کاله وروسته، د حامد کرزي د طالبانو د رسمیتپېژندنې مخالفت، د ګلبدین حکمتیار د ټاکنو غوښتنه او د سراجالدین حقاني د خلکو او طالبانو ترمنځ د واټن په اړه څرګندونې یوه پوښتنه راپورته کوي: ایا د طالبانو د واک تر سیوري لاندې د سیاسي بدلون نښې راڅرګندېږي؟
د طالبانو د کور او ښار جوړولو وزیر په کابل کې د ازبکستان له سفیر اویبیک عثمانوف سره د لیدنې پرمهال په افغانستان کې د استوګنیزو ښارګوټو د جوړولو په اړه خبرې کړې دي. طالبانو ویلي، د ازبکستان سفیر په افغانستان کې د استوګنیزو کورونو په جوړولو کې پانګونې ته لېواتیا ښودلې ده.
منظم ورزش یوازې د بدن د روغتیا لپاره نه بلکې د ذهن د ارامتیا لپاره هم ګټور دی. څېړنې ښيي چې په اونۍ کې لږ تر لږه دوه نیم ساعته پلی تګ، منډه، بایسکل چلول یا بل فزیکي فعالیت د خپګان او اضطراب د خطر په کمولو او د مزاج په ښه کولو کې مرسته کولی شي.
لانګ وار ژورنال په یو مطلب کې ویلي، چې د افغانستان په شمال کې طالبانو د خپلو مخالفینو پر وړاندې په یوه اوونۍ کې دوه مهمې بریاوې ترلاسه کړې دي. ژورنال زیاتوي، چې طالبانو یو مرور قوماندان جمعه خان فاتح تسلیمېدو ته اړ کړی او د ملي مقاومت جبهې یو مهم قوماندان حسیب پنجشیری یې وژلی.
د تخار دچاه اب ولسوالۍ سیمه ییزو سرچینو ویلي، د طالبانو استخباراتو درې شپې وړاندې د شپې شاوخوا یوه بجه د سرو زرو پر یوه کان بریدوکړ او اته کارګران یې ونیول. سرچینې وايي، طالبانو وروسته، پنځه کسان خوشې کړل، خو درې نور تخار ښار ته انتقال شوي دي.
د تېر جمهوري نظام د دفاع سرپرست وزیر شاه محمود میاخېل د شهزاده سرای له صرافانو سره د ایران د سفیر ناسته د اندېښنې وړ بللې ده. نوموړي ویلي چې ایران د جمهوري نظام پر مهال په کابل کې د «ارین بانک» څانګه د دې لپاره جوړه کړې وه چې له افغانستان څخه د ډالرو د انتقال زمینه برابره کړي.
د خوست ولایت یوه ښوونکي د خوراکي توکو او تیلو د بیو له لوړېدو شکایت کوي او وايي، په اته زره افغانۍ معاش د ژوند، ناروغیو او نورو لګښتونو پوره کول ناشوني شوي دي. هغه ویلي: «نور مو وس نشته بس یا به له غربته اولادونه خرڅوو او یا به ځانونه وژنو.»
رویټر د درېیو پاکستاني سرچینو له قوله راپور ورکړی چې د پاکستان د پوځ مشر عاصم منیر تهران ته له سفر مخکې د امریکا له ولسمشر ډونالډ ټرمپ سره ټیلیفوني خبرې کړې دي. سرچینو ویلي، ټرمپ له منیر غوښتي چې دخبرو مېز ته د ایران د بیا هڅونې لپاره د پاکستان له نفوذه کار واخلي.
د طالبانو د کانونو او پټرولیم وزارت وايي، د فاریاب ولایت د خیبر ولسوالۍ د شور تاق سیمې د ډبرو سکرو کان د استخراج قرارداد یې د ۷۷۶ زره او ۵۰۰ امریکايي ډالرو په ارزښت یوه کورني شرکت ته په قرارداد ورکړ.
د طالبانو د ویاند مرستیال حمدالله فطرت وايي، چې تېه ورځ د تورخم، سپین بولدک، ورېښمو پل او اسلامکلا له لارو ۲۴۸ کورنۍ، چې د غړو شمېر یې ۱۲۰۶ کسانو ته رسېږي، افغانستان ته راستانه شوې دي.
په بامیان کې د طالبانو پخوانی والي عبدالله سرحدي وايي، په ۲۰۰۱ کال کې یې د بامیان د بودا سترې مجسمې په خپلو لاسونو ویجاړې کړې. هغه دا کار د «خدای د غوښتنې» او د شریعت له مخې بللی او ویلي یې دي چې په خپل دې کړنه پښېمانه نه دی.